((.. سعد بن منيف الحمالي القحطاني .. ابن رسام ..))
 

السلام عليكم ورحمة الله وبركاته

قصيده نظمتها بالسنافي .. ((.. سعد بن منيف الحمالي القحطاني .. ابن رسام ..)) الله يحفظه

مناسبتها ..

يوم الخميس الماضي .. قبله من منطقة نطاع بـــ (( وادي العجمان ))

دعيت لحفل الغداء على شرف ابو منيف سعد لعلومه الغانمه

والداعي (( آل ضريان من فخذ الكدادات من بني هاجر والنعم والله فيهم نشاما وعلومهم طيبه ))ولا عليكم زود

واخبروني صباح يوم الخميس بالغدا وطلب مني ولد عمي (( ابداح بن جدعان الكليبي الهاجري )) راعي الشيخه .

أن البي طلبهم بكتابة القصيده لأن ابو منيف يستاهل وخبرني عن علومه اللي اجبرتني على كتابة القصيده

المتواضعه والمستعجله والقيتها امام ابناءه حفظهم الله ..

واتمنى ان تنال استحسانكم واتمنى ان يسمح لي ابو منيف على القصور .. وكذلك انتم ..

فإليكم هذه القصيده ..
:::::::::::::::::::::::::::::::

[poet font="Arial,4,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
قالوا ابن رسام عند الكدادات=وانظم يا ابن فاهد قصيده جميله

قلت الشرف لي لا نظمت الجزيلات=للي علومه كلبوها جزيله

هذا سعد رجل الوفا والمروات=قرم ٍ ينومس بالفعول الجليله

ابو منيف اللي له العز عادات=ابن الحمالي كاسب ٍ للنفيله

حاز الكرم والطيب رجل الحميّات=هدّاج تيما يرتكي للثقيله

بلسم جروح أهل القلوب الحزينات=سـِم العدا أهل الكبود الغليله

له مجلس ٍ مفتوح في كل حزات= ما صك بابه والنشاما تجيله

الكايده تصبح بديينه سهالات=وما كل من يبرك لحمله يشيله

ضاري على الفزعات وخطاه عجلات=ولا خاب من ينصاه أو يشتكي له

حاش المرجال كلها طيّب الذات=متسلسل ٍ من محتمين الدبيله

قحطان بين الناس كرمان سادات=اهل الوفا والطيب واهل الفضيله

امجادهم امسطـّره بالسجلات=تاريخهم مثل الرجوم الطويله

هم درعنا الضافي إليا صار ميلات=ويا سعد من قحطان هي ترتكي له

كم شيخ قوم ٍ صار من ضمن الأموات=إليا اعتلوا قب المهار الأصيله

وما اقولها زور ٍ ولا هي خيالات=ومنهو جحد ينشد ويلقى دليله

قلته وأنا لي لابة ٍ بالمهمات=شجعان فرسان ٍ سيوف ٍ صقيله

الآد مكلب يعشقون الصعيبات= هواجر ٍ وانعم بها من قبيله

كسابة الناموس يوم الملاقاة =لا ولّع العدوان راس الفتيله

ذبّاحة ٍ للحيل في كل الأوقات=وعادتهم كسب الثنا والجميله

وختامها ياهل القلوب اللبيبات=صلوا على المعصوم من كل ميله

نبينا خاتم جميع الديانات=محمد المختار من بين جيله
[/poet]::::::::::::::::::::::

وسلامتكم

(( اخوكم .. حسن بن علي الفاهد الهاجري ..))

صح لساااااااااااااااانك


وعلا شااااااااااااااانك


وسلم بناااااااااااانك

والشعر يقال في اللي مثلك وشرواك وبن منيف

صح لساااااااااانك يا وجه جنب



وافي


وابن وسام يستاهل العلم الغانم



تحياتي



المهداني

ونعمممممممممم والله بالالالالالالالالالاد مكلب ويستاااااااااااهل القحطاني ,,

صح لسانك

فتى الجوه

هلا وغلا

ولا عليك زود يا السنافي

عبدالله المهداني

تستاهل الطيب

ولا هنت على المرور ولا عليك زود

هاجري من صلب قحطاني

هلا وغلا ومرحبا

ولا هنت على المرور

وكفو والله

صح لسانك يا حسن


بيض الله وجهك


يستاهل والله المدح


لاهنت يالذيب