مشاركتي في حفل سعيد بن خريم
 

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="1,black""]

سلامي على روس الرجاجيل قبل اقول=كلامً نظمته في القصيدة وبقوله
وانا للشعر ذا الليل في لازمه مرسول=وذا الليل ليل الشعر من راس مرسوله
في حفل الكريم اورده والكلام يطول=لكن زبدة الكلام ماهيب في طوله
وجول القصيد اللي في راسي من امس يجول= والشن على اطيب ندره لاعترض جوله
من كبر المهمه ما ملا عيني من الجول=الا وحدة في مقدم الصيد معزوله
في روض القصيد وقفره اللي ترب تزول=وتجفل من القناص لاوكدت زوله
وقلت الله الله هذي اللي لها كم حول=ما مرت وانا فكري يبيها وهي حوله
وفي محفل ابن خريم لا جا لها قبول=هذي منوتي لا جات في الحفل مقبوله
العين الكبير اللي مقامه مقام زحول=يا كبر المقام وكبر راعيه وزحوله
سلامي على شيخ لا وقف وقال يطول=ويوصل مقام ما قدر غيره يطوله
ولد شايع ابن خريم شيخ وكبير فعول=وبين الرجال يبين وتبين فعوله
وموقف صليب الراس واخوانه اللي يهول-ويحدث به اللي شاف للناس من هوله
مكرم رجال الطيب في المحفل الماهول=ويمنى الكريم تجود ما هيب مغلوله
وعلى شانه اذكر في الكرم والمثل مقيول=يقولون والامثال تضرب ومقيوله
كريم اليمين معان ولا البخيل يزول=ماعنده يجيه منثر المال ويزوله
ولا كل رجال لا وقف عليه حمول=يشيل الحمول وترفع اكتوفه حموله
ولا كل رجال لا صعبت يجيب حلول=بعضهم يا ليت الناس تسلم من حلوله
ولا كل من غاص البحر جاب در ولول=بعضهم يغوص وما وصل دره ولوله
وانا شاعر وسيفي لاجا واجبه مصقول=مع اهل السيوف اللي تلامع ومصقوله
وقبل الختام اقول جعل الدعاء مقبول=عسى الله يعز الدين والحكم والدوله
ويعيش الملك عبدالله وسيفه المسلول=على اعداء الوطن واخوانه سيوف مسلوله
من دون الوطن لادق للحرب صوت طبول=ملوك تقود الحرب لادقت طبوله
وطنا الكبير وثروته والجبال سهول=يعيش الوطن بجباله الشم وسهوله
هذا ما اختصرت وقلت ولا الكلام يطول=لكن زبدة الكلام ماهيب في طوله[/poem]

رد: مشاركتي في حفل سعيد بن خريم
 

صح لسانك يالغالي

رد: مشاركتي في حفل سعيد بن خريم
 

صح بدنك يابو ريان . تحياتي وتقديري

رد: مشاركتي في حفل سعيد بن خريم
 

الله الله
انت كفو واللي مدحت كفو

ابومعتز يقصر الكلام عن مدا اعجابي

في مواقفك وشعرك صح الله لسانك

على هذي القصيده الوافيه بكل محتوياتها

معاني وترابط قافيه لايصيغها الامتمكن

بعيدٍ عن المجامله واشاهد الله

رد: مشاركتي في حفل سعيد بن خريم
 

صح لسانك واعتلا شانك وبيض الله وجهك وابن خريم يستاهل

رد: مشاركتي في حفل سعيد بن خريم
 

صح بدنك يا سعيد وابيض وجه ولا عليك زود طال عمرك . تحياتي

رد: مشاركتي في حفل سعيد بن خريم
 

صح لسانك

رد: مشاركتي في حفل سعيد بن خريم
 

صح السانك

رد: مشاركتي في حفل سعيد بن خريم
 

صح يدنك

رد: مشاركتي في حفل سعيد بن خريم
 

ابو عقاب صح بدنك . تحياتي وتقديري