فلاح القرقاح وتركي 2000 ( محاورة ) أقلط
 

السلام عليكم ورحمة الله وبركاته

محاورة جرت بين الشاعر الكبير فلاح القرقاح والشاعر تركي الميزاني

وهي في الرياض بتاريخ 12/12/1426هـ في قصر ليالي العرب بالقرب من الفحص الدوري

وحبيت أن أنقلها لكم لما فيها من نقض وفتل جميل

وأتمنى أن تنول على رضاكم وإستحسانكم

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
طرف الليل ياتركي عسى الله يعينك = ودي أسري الطاروق بيني وبينك
جعلها تبطي ايامك وتبطي سنينك = والمثل قال مالا الحملة ألا جملها

ودي أبدى مع تركي عطالله وأقول = المسيرة سواء في بر ولا بحر[/poem]



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سرها يالعبيدي مثل مسرى الذيابة = كل علمن على ما قيل نحسب حسابه
والقراية قراية والكتابة كتابة = والمثل قال مالا الحملة ألا جملها

يالعبيدي ترى الأبواب فيها قفول = لا إنطلعت القمر ولا سبحت البحر[/poem]



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بعد ماضاقت الأركان والصبر غلق = كل طيرن نهض ريشه جناحة وحلق
خل بعض العلوم أتصبر خطن معلق = والمثل قال مالا الحملة ألا جملها

ماعلينا من اللي يعرفون الأصول = البلاء اللي على ماقيل علة نحر
البلاء في أخر زمن والناس فيهم فضول = بعضهم يظهرون الجثة أمن القبر[/poem]



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لاتوصي حريص فاهمن كل حاجة = السوالف بعضها مايعكر مزاجة
والمرض ياولد ريفة يحصل علاجة = والمثل قال مالا الحملة ألا جملها

لألامور الصعيبة مايحصل حلول = يالله أنك تكافينا دروب الخطر
وش تشيل القلوب وش تقول العقول = في شهور السنه ولا هلال الشهر [/poem]



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أنت كانك تعرف أسم الرياجيل قلي = خابرك من رياجيل تفك المتلي
لاتحول تحت من فوق مثل المظلي = والمثل قال مالا الحملة إلا جملها

المصايب سهيلن حلها لو تطول = مايهم الشيوخ اللي يهم الجبر
عود الزول بيه وعود البيه زول = وصرت مدري هذا السودان ولا مصر [/poem]



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مانغر الحلال ولا نغر الحرامي = ركز شوي يالقرقاح وأفهم كلامي
الأسامي بعضها مانسميها اسامي = والمثل قال مالا الحملة إلا جملها

بين باب الخروج وبين باب الدخول = يدخل أمية نفر ويروح أمية نفر
وأنت مانته بلا صاحي ولانت مهبول = لو نلد النظر ولا نغض النظر [/poem]



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أنت شاعر وتدري بالأمور الدقيقة = قبل راعي الحبوب يصير حبه دقيقة
العرب تحسب الساعة دقيق دقيقة = والمثل قال مالا الحملة إلا جملها

مايهد الشبوك إلا البعير الختول = أنضربته طمر وان ماضربته طمر
ودك توجه القرقاح بالكنترول = مير يابن الحلال الله يجيب المطر[/poem]



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ماتغرابك ياوقت مواريك بانت = الخواطر بعد زانت تردت وشانت
هونوها تراها يالإجاويد هانت = والمثل قال مالا الحملة إلا جملها

راح سل السيوف وجاك دق الطبول = كيف نسهر ولا من فايدة فالسهر
يابعير البدو ياللي تشيل الحمول = جاك شد الحمول اللي تقص الظهر[/poem]



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
القلوب الرقيقة والقلوب الغليضة = بشر اللي يعرف النافلة والفريضة
ووسع الصدر والدنيا طويلة عريضة = والمثل قال مالا الحملة إلا جملها

بعد ماراح حربً مثل حرب المغول = بشر اللي مايرقد عن صلاة الفجر[/poem]

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ

المحاورة ناقصة بيتين وذلك من نفس الشريط الكاسيت الذي سمعته والعذر والسموحة

ـــــــــــــــــــــــــــــــــــــ

تقبلو تحياتي

أخوكم

حدباء قذلة

بيض الله وجهك حدباء القذلة
على النقل وجهدك الطيب

القرقاح شاعر كبير وفخرا لقبيله قحطان..

ارحب يالقويفل

ووجهك أبيض ومروك أعتز فيه يا الذيب

تحياتي

لاهنت يالغالي ووجهك أبيض

مشكور المرور والإطلاع

تحياتي

عزالله أنك صدقت ولاهنت

بن مانع الرفيدي
ارحب وحياك الله
وأبشر بالسعد وأنا في الخدمة يالذيب
ولاهنت على المرور والأطلاع يالغالي
تحياتي

لاهنت ويعطيك 1000 عافية

على الوضوعـ