شبكة قحطان - مجالس قحطان - منتديات قحطان

مدخل للموضوع ،،،،

http://t2.gstatic.com/images?q=tbn:6...imageid%3D3688

ماكل رجال اذا قيل رجال
الطيريجمع بين صقر ودجاجه

http://t1.gstatic.com/images?q=tbn:n...d/yun_5642.jpg

اتعب على الطيب ترى رفقته عز...والا الردي مافاد نفسه يفيدك؟؟

الطيب فرصه و الجمـايـل تـوافـيـق=
ومن لاتوفق ماكتب له جماله

ومن لارقى للطيب روس الشواهيق =
مــازان لــه وقـتــه عـلــى مـابـدالـه

ومادام لفعـول الجمايـل عشاشيـق=
كسب الجمايل مـا يجـي بالسهالـه

ولـو انهـا تـشـرب مــع فـكـة الـريـق=
كـل ٍ خـذا لـه كـل مــا اصـبـح بيـالـه

والطيـب منـوه للقـلـوب المشافـيـق=
كـــل ٍ يـتــوق ومـنـوتـه راس مــالــه

والمدح مايزهى على الرجل ويليـق=
الا لا صــــار ت وافــيـــات خـصــالــه

يستاهـلـه رجـــل ٍ يـفــك المـزانـيـق=
الـلـي يـقـال ونـعـم لا جــاء مجـالـه

ومن ساقته نفسه وهو مابعد سيق=
لاجـــل الجـمـيـل يـزيــّن الله فــالــه

والمرجلـه ماهـي بتحـتـاج تنسـيـق=
من بيـن قلـب اللـي عشقهـا وبالـه

ومـن عـادة الدنيـا تـخـون المواثـيـق=
تـفـتـر مـكـرتـهـا ســــواة الـمـحـالـه

ولـو لا اللـوازم مـا عرفـنـا المخالـيـق=
مـانـعـرف الـرجــال لــيــن انـعـنـالـه

والكفـؤ تظهـر فزعتـه حــزة الضـيـق=
وينشاف في الشـده بعيـن العدالـه

نسـل الرجـال متعبيـن المـلا حـيـق=
متـوسـط مــن بـيـن عـمــه وخـالــه

واللي يطيق ولا بغـى قـال مااطيـق=
تـحـرم علـيـه المرجـلـه والشـكـالـه

والهيّنـه تكبـر علـى الـلاش والهيـق=
له في الرخاء قاله وفي الضيق قاله

والطيـب شـاره والضمـايـر صنـاديـق=
والــلاش طيـبـه مــا تـعـدى ظـلالـه

وانا اسبر قلوب الرجال المغاليق =
والصامت اقطع غايته من مقاله

ومـادام فـي الدنيـا رجـال ومطاليـق=
نصيتـهـم والـــلاش مـالــي ومـالــه