السلام عليكم ورحمة الله وبركاته

الأخوه الأعضاء

أقدم لكم اليوم في هذا الموضوع ماحصل للشاعر فلاح القرقاح
يوم الأربعاء الماضي بتاريخ 9\1\1427 هـ


وكان الحفل للروقه من عتيبه
وكان الشعراء
1 - ملفي المورقي
1- وتركي الميزاني ( تركي 2000 )
3 - فلاح القرقاح
وقد كان الحفل في القاعه الرومانسيه في مخرج 9 بالرياض .
ولقد كانت حفله جماهيريه وكانت الصفوف حيه ومتحمسه وكان صف للعتبان وصف للمطران
وزادت الصفوف عن الصفوف المستأجره وأصبحت صفوف فزعات للمطران وللعتبان
وعند حوالي الساعه 1:45 بعد منتصف الليل طلب صاحب الحفل ان يلعب تركي 2000 وفلاح القرقاح
في طاروق أخير ، وعندها أستغل الشاعر فلاح القرقاح الموقف وطلب فزعة العتبان معه في الصفوف
ولكونه ضيف عليهم في حفلهم فقال :




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
ياعتيبة ساعدوا ضيفكم بالصف ساعه = وأنتم أهل الماقف اللي يشرف والشجاعه
كان صف مطير واثق شرا تركي ماباعه = ولعوها نار والنار من شبابها[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا لا لاله لا تقلل من حماسك يالمطاري = يا لا لاله نبغي الليلة نولعها حريقه
يا لا لاله والله أني داري والله داري = يا لا لاله من بغى الطاروق دورله طريقه[/poem]


ونجحت حينها خطة الشاعر فلاح القرقاح وتحمسوا له صفوف العتبان
وكان ضمن الصفوف زميله ملفي المورقي الذي اجاب لنداء القرقاح
وبعدها جاء دور تركي 2000
وقال :





[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
صفنا ثابت من الوقت الأول ياقحطاني = تدري أن صفوفنا ما تغيرها الزماني
وين ربعك يوم علقت فالعتبان عاني = ولعوها نار والنار من شبابها[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا لا لاله صاحبك في المعرفه بايع وشاري = يا لا لاله والحقيقة ما يقول ألا الحقيقة
يا لا لاله يالعبيدي طاريً في الصدر طاري = يا لا لاله يالرفيق اللي علومه مع رفيقه [/poem]



وكان يقصد بمواله انك يافلاح معلق نفسك في العتبان زي العاني وين ربعك قحطان
وعندها استثار القحاطين الذين كانو حاضرين في الحفل من ضمن الجماهير
وقاموا القحاطين باعداد كبيره وكونو لهم صفوف كبيره جداً
وصار الوضع فوضى مما أستصعب تنظيم الصفوف
وطلب منهم تركي 2000 تنظيم الصفوف ليتم المحاوره
وظل يردد مواله عدة مرات حتى انتظمت الصفوف
وبعدها جاء دور شاعرنا المميز شاعر قحطان فلاح بن محمد القرقاح
وقال :





[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أذكر العتبان في حفلهم والشك زايل = وأن زهمت دروع جنبي يسوون الهوايل
والله أن أنطل شماغي لهم والراس طايل = ولعوها نار والنار من شبابها [/poem]




0000000000

وبعدها رمى فلاح القرقاح شماغه على صفوف القحاطين
تكريماً لهم على وقفتهم اللي تبيض الوجه
وماكان منهم الى ان انطلقوا نحو الشاعر فلاح القرقاح
وحملوه فوق اكتافهم حتى اوصلوه الى سيارته
وعندها انتهى الحفل



هذا ما أحببنا ان نوضحه لكم عبر الموقع
وتزويدكم بمقطع الفيديو


ونعتذر للأخوان الذين وضعوا الموضوع
بدون مقطع الفيديو وقمنا بحذفه





.




والرابط هنا
للحفظ بالفاره اليمنى حفظ بإسم










المقطع تستطيع تحميله الى جوالك بكل سهوله

المشاركة الأصلية كتبت بواسطة المطلول السلام عليكم ورحمة الله وبركاته شكر على تعليقك على ردي يااخ حدبا قذله لاشكر على واجب الموسيقا ما حن بصوبها لكن على العموم معلومة جديدة ومنك نستفيد !! الله يهديك من قال أنك من أهل الموسيقا لكن اللي أقوله أن اللي على راسه بطحا يحسحس عليها . لا يروح فكرك بعيد ثم أقول اللي في بطنة ريح ما يستريح أما الفائدة بتستفيد العلوم الجزلة مني وأنا أخوك أما علوم الردى ماهي عندي وأنا أبن عاطف والمتعارف عليه ان الشماغ ما ينزل الا في طلبة وخصوصا في طلب الصلح بين الاشخاص اما في حفل لعب والساعة 1.30 فما اعتقد انها زينة بحق الشاعر فلاح انه ينزل غترته ( ما على حدن بايرة ) والدعوى لعب في لعب لا تلف وتدور والقرقاح هو وجدانه وصلو مواصيل ما يوصلها غيرهم ومن غير قصور في باقي القبائل ونطلة الغترة لها معنى في ذيك الليلة لا كن فاتت عليك وأنا أخوك أسئل اللي لهم معرفة غيرك والسلام عليكم

المشاركة الأصلية كتبت بواسطة أبو مسعود الزهيري بيض الله وجهك يا فارس قحطان لإيضاح ما حصل وعلى كل حال سواء وضحت أو ما وضحت ، أفعال شاعر قحطان الصنديد/ فلاح القرقاح واضحه ومعروفه ما يبيلها توضيح .. دايم ترفع الراس وتنومس قحطاااان .. فلاح القرقاح شاعر من نسل شيوخ و يدل الدروب السديده مع الرجال سواء في ساحات المحاوره أو في غيرها لا عدمناه بيض الله وجهك ولاهنت

فارس قحطان


بيض الله وجهك على ايضاح الحقيقة وسبق ان علقت عليه في موضوع مستقل طرحه بعض

الاخوان قبل هذا ووضعك له هنا تصديق ما ذكرته انا سابقا وهذا عين الحقيقه وهذا

اللي حصل وكان الموقف صعب ومحمس ومحزن في نفس الوقت وبيض الله وجيه من

حضر اشهد انهم رجال كلهم واهل حميه وشجاعة ولاهي غريبة على قحطان هاذي

عوايدهم في كل الامور الغانمة وابو محمد كفو ويستاهل التقديروالتشجيع وانت

يافارس قحطان اشهد انك كفو وراعي حميا ووفاء لربعك لاهنت على كل حال

واحسنت ويعلم الله انني اتأثرت واجد من الموقف علما انه كان عندي خبر يالموقف

في ذيك الليله ومن فلاح نفسه لكن بعد ماشاهدت الموقف هنا على المقطع انني

اتأثرت وخنقتني العبرة الله اللي يشهد لان هذا الموقف لم يحصل من قبل في تاريخ

المحاورة.


تقبل خالص تحيتي انت وكل من مر من هنا


واسمحولي ان اثبت الموضوع علما انه شبه مثبت
0
0
0
0

0