المشاعر جائعه قصيدة حب
 

هذي قصيدة قالها صاحب القصيده عندما رأى حبيبته في المستشفى بعد
8 سنين من البعد
هذه قصيده تحمل من الفراق امره ومن الالم اشده
ومن الحب اصدقه

[poem=font="Simplified Arabic,4,black,normal,normal" bkcolor="transparent" bkimage="backgrounds/12.gif" border="none,4,gray" type=0 line=0 align=center use=ex num="0,black"]
شفتها يا سعود صدفه بعد ما غابت سنين=عند قسم المختبـر وسط مشفى الجامعـه

جيتها ثم قلت ممكن في سؤالي تسمحيـن=ناظـرت فينـي بدهشه نظره متواضعـه

قالت انته تـحسبني من بنات صايعيـن=تـحسبني في عزماني ن طريقي ضايعـه

قلت انا ماراح اطـول كلبوها كلمتيـن=وابعـدت عني شويه ثم جتنـي راجعـه

قالت اسال واضح انك من رجال طيبيـن=بس هرجك يالسنـافي كان وشهو دافعـه

قلت انا حبيت وحده يـوم كنا صغيـرين=ومن ثمان اسنيـن راحت للمواصل قاطعـه

عقبهـا ماذقـت نـوم يهتنيـه النايميـن=ساهر في طول ليلي لين شـمسي طالعـه

اذكر انه فيه حبه فـوق ثغـره من يميـن=واذكر انه لاجـرينا كـن شعـره تابعـه

واذكر انـه عاشـق الورد والياسميـن=صار قلبي بالـورود اللي عشقهـا زارعـه

طابعا اسـمه بقلبي فيه سيـن وفيه عيـن=وفيه الف وفيه دال وسط قلبـي طابعـه

قاطعتنـي بقولها سبحـان رب العالميـن=كـررتـها مـره .. ومرتين .. ورابعة

قلت وشفيك وشبـلاك يابنيه ترجفيـن=ليش عينك يابنيـه من كلامـي دامعـه

قالت الموقف وقلبـي والمحبـه والحنيـن=كيف اشوفك بعد ماكنـت عنك قانعـه

قلت انا بسألك انكانك انتـي تذكـرين=عن مواثيـق ثـمنها من حياتـي دافعـه

قالت ظروف الزمان ماتطيـع العاشقيـن=بيعونـي غصب حبك لو هو ماني بايعـه

انا في دنياي حالي كنهـا حال السجيـن=حتـى لو فكـوا سراحه فيه شي مانعـه

زوجوني غصب واحد وحرموني حاجتيـن=السعاده فـي زمانـي والحيـاه الرائعـه
والحين انا ام لثلاثه عندي ريـم وياسميـن=والولد ا سمه على اسمك والمشاعـر جايعـه[/poem]

قالت ظروف الزمان ماتطيع العاشقيـن == بيعوني غصب حبك لو هو ماني بايعـه

انا في دنياي حالي كنها حـال السجيـن == حتى لو فكوا سراحه فيـه شـي مانعـه

زوجوني غصب واحد وحرموني حاجتين == السعاده في زمانـي والحيـاه الرائعـه

والحين انا ام لثلاثه عندي ريم وياسميـن == والولد ا سمه على اسمك والمشاعر جايعه




صح الللللللللللله لسانك ولسان قايلها

وراااااائع ومبدع كما عهدناااااك

لك كل الشكر

أخوك فارس الشواطي

ابن قحطان
بعد التحيه والسلام
بعد هذه القصيده ماقدر اقول شي لاني اذا لم تتطلع علقت شويه على موضوعي البعير ابو عين
ولاخر موضوع الملاكمه
عاد باسالك ليش ماوردت اسم قائل القصيده
صحيح انك حليت مجلس عذب الكلام بعد ان كانت اراضيه جدبا
قصه وقصيده معبره
شكرا على اضافة هذه الرائعه لمجلس لا ولارضيه الي اخترت للقصيده تعيشك نفس الجو الرومنسي ههههههههههههههه
اعذرونا بعد الاكل لازم نهظم بالحلى
دمتم سالمين

شكرا لكم على المروووووووور

الله يعطيك العافيه يا ابن قحطان

وشكرآ على نقلها وفي انتضار جديدك .... لا هنـــــــــت

اخوك
ســــــــــــاري

صح لسانك وتسلم وصح لسان الشاعر يوم ماذكر اسمه
الله يعوض الشاعر حور العين في الجنة
الحبيبه أم عيال وراحت عليه