فيض المشاعر

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياقوافي دوك حرفي وانظمـي شعـري عقـود=انتثر فيـض المشاعـر والله انـي ماقطعـه

ياقوافي لك خفوقـي والمشاعـر لـك تجـود=ان بغيتي فصـل واحـد وان بغيتـي لربعـه

لك بحور الشعر معنى.. والجروح الك الوقـود=والمدار اقصى ضميري... والهمـوم مربعـه

زعزعي مثل الرفيه وانتخي صـوت الرعـود=واستثيري مابقى لـي مـن قليبـي واضلعـه

كل ضلع من ضلوعـي ياقوافـي لـك جنـود=كسري كل الحواجـز واكشفـي عـن لقنعـه

كثروا العشاق تالي في هـواء ذيـك العنـود=وا رخصوا بنت المشاعر كـل واحـد بسنعـه

غيروا فيها المزايا واستباحـوا فـي الحـدود=واشتكت من عشق جاهل يا الله انـك تقلعـه

جردوها من ثمرهـا واتركوهـا شبـه عـود=والمصيبه لو زرعنا عود... جا مـن ينزعـه

القضيه ... القضيـه ... ياوسيعيـن البنـود=راح فيها الشعر.. والشاهد حضرنا مصرعـه

وان حلفت ايمن بالله ...رغم عن انف الحسود=يستمر الشعـر شامـخ نكتبـه ثـم نسمعـه

ودام لهل الشعر وقفه .... مانزل غير النفـود=الطريـق اللـي يجمـل حالـف انـي لتبعـه

الشعر ساس الحضاره وانظروا شعر الجـدود=الفراسـه والاصالـه والحـلـول المُقنـعـه

يامتاجـرت المشاعـر يامضيـعـة العـهـود=اتركوا نزف المشاعر وابعـدوا عـن مرتعـه

لا سوالفكم تجمل ... لا ... ولا جيتوا بفـود=المشاعرزيـف كـاذب والوجيـه ملمـعـه ؟

الشعر ماهـو بثـوب يرتـداء مالـه وجـود=قمة الاحساس نبض... روعتـه فـي مطلعـه [/poem]


ذيب العبيدي

السلام عليكم ورحمة الله وبركاته

ذيب العبيدي
صح لسانك مدد ماهو بعدد

قصيده رووعه
ولكن وينك ابطيت علينا :)
عوداً حميداً