ياشايب الرحمن
 

هذه قصيده قلتها عندما رأيت احد كبار السن يكسوا لحيته الشيب وللأسف انه كان في يده سيجاره::

[poem=font="Simplified Arabic,4,black,normal,normal" bkcolor="coral" bkimage="" border="none,4,gray" type=0 line=0 align=center use=ex num="0,black"]
ياشايب الرحمن قدر مشيبك=ماتستحي تشرب تتن وانت شايب
العافيه دور لها قلّ صيبك=رجل بالأرض ورجل تحت النصايب
وشلون تبغا جيلنا يقتديبك=والكنت في مخباك حاضر وغايب
ياشارب الدخان مااردى نصيبك=لاتحسن إنك جبت سبع العجايب
انته تلهوابه وهو يلتهيبك=يفتحلك ابواب الردى والمصايب
إن كنت طيب قلل الخبث طيبك=وتعاف راعى الطيب لاصرت خايب
كل(ن) يبي فرقاك حتى قريبك=حتى لو انك تحتمل للنوايب
أبلشت بالكحكاح حتى طبيبك=كحه وريح ونار جمر ولهايب
الدرب لا منه انحنى ينحنيبك=ينزل وغيره درب يرقى السحايب
خلك مع درب الشرف يعتليبك=وأحذر تعرض غترتك للهبايب
السيل يا مقرود قبل يغديبك=كم راح في الوديان شلة حبايب
هذي نصيحة واحد(ن) ينتخيبك=لله مايرجي وراها طلايب
والا المرض مرضك والجيب جيبك=قلي وش المصلوح لاصرت تايب
ياشايب الرحمن قدر مشيبك=ياشينها تتنه وفي يد شايب[/poem]

صح لسانك يابن ملهي

ونسأل الله السلامه دام حتى الشايب يدخن

البيض ترفع لك وهاذي نصيبك......جزل يجيب الجزل يعطا وهايب
 

صح بدنك يافارس قحطان

صح بدنك ياعبدالله وشكرا على الرد

صح الله لسانك يابن ملهي

وعسى الله ينفع بها كل مدخن

صح بدنك ياابومبارك ولاهنت على المرور

صح السانك وبيض الله وجهك على هذه القصيده

يابن ملهي


أخوك

السم القاتل

رد : ياشايب الرحمن
 

صح الله لسانك واعتلى شانك ..

قصيدة جزلة من شاعر جزل ..

لاهنت يا الغالي

رد : ياشايب الرحمن
 

صح لسانك



لاهنت على الموضوع


يعطيك العافيه


تحياتي