سادة افكاري عبيد
 

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
البارحه والهاجس وطــرس الـــــورق ساعي بريد=وافكاري رسالة اديب وحبرها عل وياليت
يعني تحـــــــدي من بنات الفــكر والحـس الفــريد=للشاعر اللي غاب مده ماذكر له اي صيت
ودايم ســــــؤال الغايب اليا عـاد وش حصلت فيد=وانا على طـــول الغياب المر والله ماجنيت
الا اجمع الشـــــرد واصخر سادة افكــاري عبيد=واسوق هقواتي على درب الطموح وماثنيت
اقــدام عــزمي لاخذلني الـــــدرب والحـظ البليد=اللي فهمني عكــــس تفكيري وحطم مابنيت
احــــاول ولامــن خســـــرت اقـول لالا مستفيد=الحــاجه ام الاختراع وتجــــربه منها دريت
ان الفشل مرشــــد نجاح لصاحب الراس العنيد=وان العصاميه خــــــوي يرفعك لامن هويت
وان كشر الوقت وحداني جبتها احساس وقصيد=وابداء حكــاية او روايه او قصيده بيت بيت
وابني لذاتي من معاني العــز والمجـد التليـــد=فكر يجمـــــــل وقفتي لامن تعليت وحكيت
اشتت الحــيره وارتب مجمــل افكاري واعيد=تركيبة ابــــداعي بحرف الشعر لامني بديت
يعني القصايد كنها يــوم احتمى الميقاف صيد=وفـــكري كما نادر حــرار دام حــي ماشكيت
ماهــده الا لاتهــادى الخــرب في ساعة وعيــد=ماعـــاد ينفعه الحـــذر والا الدفاع المستميت
واسوقـــها للي سكن مابين دمي والوريـــــــد=واستـوطن العوج المحاني في مقام وفي مبيت
اعتبره اغلا ما ملكت الا اكبر ارقـام الرصيد =واعتبره النور لظلام الــــدرب لامني سريت
لاضاقبي همي وصـــرت بسكة اشواقه وحيد=اسريبها مسرى معــزي يوم ضاق به الكويت
وارفع بيارق نور حرف حرك اوراق الجريد=واهدم تماثيل الضلال اللي تهاوت يوم جيت
واكســـر اصنام الظلام اللي حـكت قصة فقيد=غــاب ويتامـــاه الحياري تنتخي تكفـون بيت
إلهم وقفت وسقت ذات الروح وحروفي شهيد=دمه نهار الموت مسك يفوح لو هو طاح ميت
وأعـــطي الحيــاه لمنبر الايتــــام واردد نشيد=عـاش النصير اللي وقف للمعظله ماقال ويت
يمــكن غمـوضي شتت الافكـــار لاكني اريد= اوصــل المعنى لمــن يعــنيه والا لا رايـــت
انه عرف قدر اليتيم اللي بعث ساعي البريد=اتــرك له الرايه تحــدي واكتفي باللي خذيت[/poem]

رد : سادة افكاري عبيد
 

صح لسانك وعلى شانك يالحبابي

وننتظر جديدك ...

رد : سادة افكاري عبيد
 

بسم الله الرحمن الرحيم
السلام عليكم ورحمة الله وبركاته


صح الساااااااااااااااااااااااانك

رد : سادة افكاري عبيد
 

صح الله لسانك



يا حسين





قلت وابدعت ... وانت مبدع ولاشك





لاهنت ولاشنت




تحياتي

رد : سادة افكاري عبيد
 

عوداً حميداً ابافيصل

صح لسانك وعلا شانك

قصيده شامخه كشموخك المعتاد

لاعاد تبطي علينا فديتك

لاهنت وتقبل تحيات مودك بحر

رد : سادة افكاري عبيد
 

لاضاقبي همي وصرت بسكة اشواقـه وحيـد
اسريبها مسرى معزي يوم ضاق بـه الكويـت

صح لسانكـ،،،
جزلــه من راس جزل


تقبل مرووري/ذيـــب،،،،،،،،،،،

رد : سادة افكاري عبيد
 

رد : سادة افكاري عبيد
 

مرحبا ومسهلا ياشامان


لاهنت طال عمرك

رد : سادة افكاري عبيد
 

لاهنت يابن خضير

ومرورك اسعدني


لاهنت

رد : سادة افكاري عبيد
 

صح لسانك ياحسين


قصيدة رائعه ولاهنت