|
رد: شارك بأجمل بيت شعر
هذا الخطا اللي ماتوقعت يخطيه . . شف كيف كشر طيب القلب نابه
أثر الحسد لاعشعش بصدر راعيه . . يجعل من قلوب الحبايب ذيابه اللي تعلم من سكوتي تماديه . . علمني استقبل خطاه برحابه والواجب انه لو جحد فزعتي فيه . . مايجحد حقوق النسب والقرابه وانا اللي يوم ان المصايب تبكيه . . كنت اقرب إله بضيقته من ثيابه اللي تعاف اوله ينعاف تاليه . . وانا كفا صدري من الغيظ مابه |
رد: شارك بأجمل بيت شعر
لو راح بي جزر غيرك جابني مدك
ولاهب طاريك بشراعي ومجدافـي تشوقني لالبست من الوفـا قـدك مالي عذر عن وفالك ولينك الصافي تأكد ان المشاعر ما تقـف ضـدك لاخانها البرد ترجي صوتك الدافـي |
رد: شارك بأجمل بيت شعر
مرت الستيـن مــــــــــازال الجهـل
كل ما جيت استره يكشف غطـاه مرت الستين فـــكري مـا اشتعـل كلمااشعل جذوتـه وقتـي طفــــاه مرت الستين دربـي مــــــــا كمـل واقف في راسـه أتأمـل مـــــــــداه ألتفــــــت والوقـت يدفعنـي عجـل ماانتهيت من امس وباكر ذا سناه كل يوم أقـول فـي بـــــــــاكـر أمـل وان حضر بـــــاكر رجيت اللي وراه أرفع الهقوات لــــــــــو حظـي نـزل واقنص القاع الذي مـــا احد وطـاه المراجـل مـا بطلبتهـا خجـــــــــــل يخجل اللي يقــدر الطيب وعصـاه السنين اشعـــــار والشاعـر مثـل يفهمه من شاف بــــالعقـل وقـراه أكتب الايـــــــام في شعـري غـزل كـــل بيت عاش في عمري حيـاه |
رد: شارك بأجمل بيت شعر
لاتضيّع حكمة الصمـت إذا كثـر الصيـاح
واترك العالم يروحون صوب وروح صوب وانظر بعين البصيـره تـرى الدنيـا كفـاح ماتشـوف إلا معـارك وغالـب ومغلـوب |
رد: شارك بأجمل بيت شعر
آلمدى ليل و أنفآس آلمسآفـه ظـروف
و آلجروح آلقديمه بآقيّـه مـآ شفـت قلت أضم آلقصيد آللي تبعثـر حـروف يمكن آلشعر يشعل شمعـةٍ لـي طفـت طحت عآشق غيور و لا قويت آلوقـوف من مصآبي روّت عين آلقهر و إرجفـت بين شرهة غرآم و جرح عيّـآ يـروف جيت أقهوي همومٍ مـن نحيبـي لفـت يآ عذآبي لبس شمس آلحنين آلكسـوف و أنت تكوي عيونٍ من ضمآك إنشفـت |
رد: شارك بأجمل بيت شعر
تدري وش اصدق مارأيت بحياتي ؟!
................ دمعة غلا سالت على خد الاطفال وتدري وش احلى مارأيت بحياتي ؟! ................ دمعة فرح سالت على خد الآمـال وتدري وش اغرب مارأيت بحياتي ؟! ................ دمعة وفا سالت على خد الانـذال وتدري وش اصعب مارأيت بحياتي؟! ................ دمعة قهر سالت على خد رجـال وتدري وش اللي شدّني ياحياتـي؟! ................ إنّ الدموع تعبّر بكـل الاحـوال ..!! |
رد: شارك بأجمل بيت شعر
تعمدْني بنصحك في انفراد وجنبني النصحية في الجماعة فإن النصح بين الناس نوع من التوبيخ لا أرضى استماعه فإن خالفْْتَني وعَصَيتَ أمري فلا تجزعْ إذا لم تلق طاعة |
رد: شارك بأجمل بيت شعر
في داخلي كسره/ وممنـــوع ضمــــي
منصوب قلبــــــي لنياشين عــــاده ؟ كم واحــدن يفرح اليا شــاف غمي وكم واحد يضحـــك علي بنقـــاده ؟ لكن مدامه ينطق الزين .. فمـــي؟ ماهمني بعض ,العـــرب , وانتــقاده .! احفظ عهود الديـــن لو فاض جمي واعرّف ميزان / العــــــقل والركاده واطيح لكــن كل ماطحت أسمي والله يحب المؤمنـــين ..بعبــــــاده شمي رحيق اللورد يابنت شمي في وسط روح ٍ ماتعرف الأباااااده شوفي عصافيري على جال يمي وشلون تشرب من خفوقي عناده العود الازرق يشبه اعطور دمي لافاح هاض الطيب من ريح كاده ومن اول ٍ مضبوووووط فنجال همي؟ واليوم خليتيــــه ,،.،, سكر زيـــــــاده .. |
رد: شارك بأجمل بيت شعر
دام النوايا سـود وأهدافهـا جـرد
نوحي على غصـن النـدم ياحمامـه يا اللي زرعت الشوك ماتقطف الورد لوتسقـي أشجـاره ليـوم القيامـه العمر لويشفع لوجهـة نظـر فـرد قبلك شفـع لأبليـس عـود الندامـه واللي خلق يوسف خلق قبله القـرد يـا الله عليـك العافيـه والسلامـه لاتحسب إن المرجله طاولـة نـرد حظـك نصيبـك طيـب وإلا رخامـه لو إنها تشحن على الباخـره طـرد كل ٍ شرى له مـن طرفهـا عمامـه عشقة حليف الجود ومصخّر الشّرد حـرٍ يمـوت ولاتمـوت الكـرامـه ولا أقول أنا اللي حارد ٍ خامها حرد أنـا فهيـم وغيـري أكثـر فهامـه من لايشب النـار مايطـرد البـرد يدفن وبـرده جامـد ٍ فـي عظامـه ونهاية الموضوع لو طوّل السّـرد حقي على وجـه الزمـان إبتسامـه.. |
رد: شارك بأجمل بيت شعر
المواقـف تشخـل النـاس والطيّـب يبـيـن
كل عـام يطيـح تسعـه ويصفـا لـي وحيـد اشهد أن خيـر المـدارس تجـارب الأولين واشهد ان راي التجارب هو الـراي السديـد |
| الساعة الآن 01:34 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com