شبكة قحطان - مجالس قحطان - منتديات قحطان - الجزء الثاني من القصائد الحصرية للشاعر سعد ابن هماش رحمه الله...

- مجلس الديار و قصص وسوالف من الماضي (https://www.qahtaan.com/vb/forumdisplay.php?f=3)

الجزء الثاني من القصائد الحصرية للشاعر سعد ابن هماش رحمه الله...

مساكم الله بالخير ..

في هذا الموضوع سنعرض قصيدة من أجمل قصايد التي قالها هذا الرجل

وبالفعل كعادتنا نجيب القصيدة الي لها قصة وقصة هذي القصيدة تتضح

للقارئ من القصيدة نفسها يقول ابن هماش :

[poem=font="Simplified Arabic,4,black,bold,normal" bkcolor="transparent" bkimage="backgrounds/23.gif" border="double,medium,gray" type=4 line=1 align=center use=ex num="0,black"]
جتني من الماضي تسابق مع الريح........... تجري بها رجلين وقـتـن سلــيته

بعيونها ذكرى زمان المراجيـــــــح........... والشارع اللي قبل قاره وطيــته

والبارحه اللي من شجرها لها ريـح........... مشموها من صافي الماء سقيته

والدمعة اللي من على خدي تسيح........... تأديب أبوي اللي بلعبي عصيته

والفرحة اللي عشت في جوها مريح.......... لا جاب أبوي المطلب اللي بغـيته

وسراج مشبوبن وفي شبه شحـيح........... عليه سري لا جلها ما خفـــــيــته

ودريفتن بالحبل بين المصــــــابيح............ دوري لـــــها يوم طلبتني عطيته

حطت من الذكرى ذرى للنوافيـــح............ من واقعن قبل إلتزامي شـــكيته

مشحونة لولا الحيا كان بتصيـــــح............. انكار لبســــــاطن قديمن طويته

وأحاول أعطيها للأوضاع توضيح............ وأقول درسن من الليــالي خذيته

وقتن مضى طفلين في مشينا نطيح........... واليوم كلن صــــــايرن رب بيته

لا صار دورات الليالي مفاتيـــــــح............ باب التفرق حكمة اللي نصـــيته

الأحسن أقصر من طوال المشاويح............ وألوذ بك يا محيي عظـــام ميته

ما عادني خل النجوم المدابيــــح.............. من دفتر الســــمار رمزي محيته

مـــــع رايحات الليل مالي مراويح............. جثمان شوقي بالقصــايد رثيته

ما عاد تغريني كبار الملاويــــح.............. بيتي على كوكب عطــارد بنيته

رديت زملي عن شعيب التباريــح.............. وهديت رجمن من غرامــي رقيته

والكلمة اللي ما تبي زود تصحيح............. في عـــالمن كفه دعاني وجيته

بقولها لأهل القلوب المجاريــــح .............. ترى السعادة في طريقن مشيته[/poem]

رحم الله الشاعر سعد بن هماش ..

مع العلم بأن هذي القصيدة لأول مره تنشر في النت ..

وتقبلوا تحيتي ..