شبكة قحطان - مجالس قحطان - منتديات قحطان - هاك طلبك يامشاري بن نملان (حنا بدو)

- مجلس عذب الكلام (https://www.qahtaan.com/vb/forumdisplay.php?f=16)

- - هاك طلبك يامشاري بن نملان (حنا بدو) (https://www.qahtaan.com/vb/showthread.php?t=53521)

هاك طلبك يامشاري بن نملان (حنا بدو)

قصيده لعامر بن راضي الكدادي

حنا بدو يمكثرين العذاريب**** وحنا هل الناموس ياجاهلينا

حنا ولدنا لاظهر كنه الذيب***** يضحك حجاجه لا لفو الغانمينا

والعود لامنه كساوجهه الشيب**** يزود قدره كثر زود السنينا

وماحن نهوز قصيرنا بالمشاعيب**** بالعكس الطفبه من ام الجنينا

خوينا نسقيه حلو المشاريب **** ولو مهتنا حنا ترى مهتنينا

وحنا ليصارالطلب والمطاليب*** مروين حد مصقلات السنينا

حنا لياكثرت علينا المشاغيب****نصبر عليها لين ربي يعينا

وحنا ليا شدنا فروس المشاديب**** فوق العلالي مثل اسود العرينا

وحن لاهرجنا مانعرف الاكاذيب**** يعيـبنا هرجـن بلـيا يقينــا

وحن ضيفنا يلقى كثير التراحيب ****ونسقيه من صفر الدلال الثمينا

من عقب ذا نطيبه من غالي الطيب**** ونفدغمه فطحت خروفن سمينا

صحيح حن نتبع هوا شمخ النيب**** ممشا معاها عز يـا نـاقديــنا

هاذي عطايا الله حرش العراقيب****عز العرب ياللي لها ناكرينا

تامن بنا الطياح ام الدباديب**** اللي بها عشب القفر قد رعينا

تبرا الحيرانن صغارن حباحيب **** سودن اذانيها كما شلفتينا

من لامنا في حبنا لفطر الشيب **** جعله فدا لمهجرعات الحنينا

ماتعيبناسود البكار الحناكيب**** مدام نعطي حقها اللي علينا

هاذي صفات البدو واهل المواجيب**** بياعت الغالي على المشترينا

(((نعم بدو كان البداوه غدت عيب**** وكن ذي عذاريب البدو قابلينا))

ارجو انها تنال على اعجابكم