شبكة قحطان - مجالس قحطان - منتديات قحطان

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - واااا وجــودي (https://www.qahtaan.com/vb/showthread.php?t=78357)

واااا وجــودي

بسم الله الرحمن الرحيم

.
.
.
.
.

وا وجــودي وجـود اللـي زمـانــه يحوفه
بــين فــقر ٍ و حاجه بـين ظــلم و ظــلايم

مــا لـقى ما يكـفي حاجتـه مــن يــروفـه
عـايـش ٍ فـي ظلام الحــزن و الجـو غـايــم

يــوم حدهـ زمانه للـشــقاء مــع ظروفــه
راعي ٍ مـــع هل الـذيـدان وأهــل البـهـايم

مـاشي ٍ في هوى الذيـدان خَـطرٍ وقوفــه
و عمه إن شــافه أوقـف بهذله بالشتايم

سارح ٍ في سموم القيض و أيضـا نـكـوفـه
و إن شكــى من زمانـه قالوا الناس هايـم

مـا لـه أحد ٍ يعـرفـه ما له أحد ٍ يشوفـه
مـاتـت أمه و أبوهـ و عايش وحيد دايم

شـايــل الهــم فـي دنــيـاهـ و أثــقــل كتوفه
و المتون أصبحت من ثقـل همـه حطايم

ذاق مُـرّ الحيــاة و ذا الزمـان و صــدوفه
و إن تـمنــى فـحــظـه طـول الأيــام نــايـم

نـفــسـه تعــاف زادهـ ثـم نـومــه تـعــوفــه
سـاهـر الليل وأضحـت به همومه ركايم

حـظـه اللي يســــوقـه كل يـوم لحـتـوفه
و إن تـعـزوا بحــظـه عـنّـه الحــظ شــايم

عـزتــي لـه و للـي كـاثــرات ٍ حـســوفـه
وا وجـودي مثل وجودهـ بكل الـوسـايم

يــالله اتـعــز مـن يـرفــع لجـاهـك كـفـوفـه
يرتجي منـك عونـك و أنت راع الكرايم

جمـّله في حـيـاتـه يــوم نـفســه شـغــوفـــه
للمـعالي و كسـب الطـيب و أقـوى العزايم

كلمات/ عبدالله بن مفرح بن محمد البشري

رد: واااا وجــودي

السلام عليكم ورحمة الله وبركاته ،،،

صح الله لسانه وصحت يمينك على النقل الجيد قصيده مافيها كلام ..

لا هنتوا

رد: واااا وجــودي

صح بدنك...

هذا قصيدي أنا يا أبو مسعود... و ليس منقول

جعلك تسلم... شرفني مرورك

رد: واااا وجــودي

أبو مشاري

العذر والسموحة نفداك ،، وسبعين نعم فيك وبقصيدك ..

صح لسانك يا كحيلان

رد: واااا وجــودي

صح بدانك يا أبو مسعود

معذورٍ مستور جعلني فداك

رد: واااا وجــودي

صح لسانك يابومشاري

رد: واااا وجــودي

يسعدني ويشرفني انضمامي لكم

وصح الله لسانك يابو مشاري

رد: واااا وجــودي

وعنددي استفسار كتبت لي عدة قصييد والا شفت شي
غلط ولا خطى والرب داري

افيدوني تكفووووون

رد: واااا وجــودي

قصايددددددد

رد: واااا وجــودي

صح الله لسانك