أبيات موجهه للشاعر والأستاذ الكبير / سفر بن مبارك
 

السلام عليكم ورحمة الله وبركاته
الصراحه بعد الإطلاع على منتدى ومجالس قحطان قريت للشاعر الكبير والأستاذ / سفر بن مبارك
قصايد والحقيقة أنا أعجبت بقصايده وهو غني عن التعريف لا شك فكتبت أبيات شعر من بدعي وهي
موجهه له وياليت من أبو مبارك الرد على هالأبيات لأنني والله أتنومس برده وإليكم الأبيات:




يا هاجسي ذليل ما عنك صده *** عطنا جزيل القول وأترك هزاله

إبعث سلامن من ضميري ووده *** نصه أبو مبارك سفر طاب فاله

العارف اللي كل جزلٍ يعده *** ليعدوا العراف يعرف مجاله

قريت له قولن وقوله نوده *** قولن يبيض وجه من جاء وقاله

ترى الرفيق اللي سواتك نعده *** حيثك حفيد أهل الوفا والشكاله

ربعك هل الطالات في كل هده *** شيوخ نسل شيوخ ونعم السلاله

الصدق زين القول والكذب ضده *** وملا يقول الصدق مالي وماله

وحنا لكم ليصار في الوقت شده *** ليشب عود الحرب وزاد إشتعاله

هذا سلامن جاك كله موده *** وأقبل من ابن العم صادق مقاله


أخوك الشاعر/ علي بن سالم بن محمد بن شبله ال سلمان الحرقان


وعليكم السلام ورحمة الله وبركاته,,

أخوي علي أطلب العذر منك ومن الجميع على هذا الرد المتواضع لأني والله مشغول كثير ,,

وهذا رد أخوك سفر بن مبارك :

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
أهلا هلا باللي لفانا مرده=علي بن سالم جمل الرب حاله

معطر(ن) ردي بفله ونده =وعود (ن) من الجاوي صعيب (ن)مناله

يامحزمي في كل ضيق(ن) وشده=لاقيل ثقل الحمل نادو جماله

سيف صقيل (ن) يبتر العظم حده= ياقف لابن عمه بحاله وماله

وأن عدو الجدان ياطيب جده =جد(ن) خذوا كسب المراجل عياله

هذا كلام الصدق لابد أعده =وصلوا على محمد وصحبه وآله [/poem]

رد : أبيات موجهه للشاعر والأستاذ الكبير / سفر بن مبارك
 

رد : أبيات موجهه للشاعر والأستاذ الكبير / سفر بن مبارك
 

أرحـــــــــــــــــــــــــــــب يا نــــــــــــــــــــاصر بيض الله وجـــــهك على المرور الطيب اللي ما يســـتغرب منك

رد : أبيات موجهه للشاعر والأستاذ الكبير / سفر بن مبارك
 

ارررررررررررحب يا بو سالم والله اني صادق


على الحرام انك مطلق


جزل ولا جبت الا جزل


صح الله السانك مدد بلا عدد


عزالله عرفت من انت تخص بالحكى ولا قصور في باقي الشعار


ابو فيصل يستاااااااااهل كل علمن غاااااانم والله اني صادق


تقبل مروري يا القرم

رد : أبيات موجهه للشاعر والأستاذ الكبير / سفر بن مبارك
 

أخوي الغالي

علي بن سالم بن شبله

السلام عليكم ورحمة لله وبركاته:

والله والنعم فيك وفي بني عمك آلاد بن حرق حجاب المشرق وفعلكم يابني عمي يطلق وجيهكم ماعليك زود صح الله

لسانك والقصيدة جزله ومن شاعر جزل له مكانته وقدره سواء هنا في ا لموقع أوبينا يا إخوانك الله يحيك تحيات

المطر وطلبك ع عيني وع رآسي وأبشر أبد وأتشرف وشرفتني وأسأل الله الكريم أن يجعل عملنا خالصا لوجهه

الكريم تحياتي لك ...........

رد : أبيات موجهه للشاعر والأستاذ الكبير / سفر بن مبارك
 

أرحب يا فلاح والله إنك وافي وطلتك شرف لي ولا عليك زود

رد : أبيات موجهه للشاعر والأستاذ الكبير / سفر بن مبارك
 

أخي الأستاذ/ سفر بن مبارك

ما عليك زود وبيض الله وجهك على كل حال وأنا في إنتظار الرد منك يالغالي

رد : أبيات موجهه للشاعر والأستاذ الكبير / سفر بن مبارك
 

يعطيك العافية يابن شبله
وأنت نظمت ووجهت القصيدة لرجل يشاري للعلوم الغانمه وكفو

بخصوص حجاب المشرق فهذا لقب للعرب اللي شرق من آل سلمان من غير قصور في ربعنا آل سلمان الحرقان وغيرهم من قحطان .

رد : أبيات موجهه للشاعر والأستاذ الكبير / سفر بن مبارك
 

لاهنت على المرور الطيب وكلامك في محله
وللتوضيح حن زربة الخبت المسمى .........

رد : أبيات موجهه للشاعر والأستاذ الكبير / سفر بن مبارك
 

أبو إبراهيم مساء الخير,,

العبيدي والحبابي جدهم من هو مابعد تقسمنا نحن نملك ماتملكونه في الإمتياز يا أستاذنا الكريم .........