العاطفي يزهم ابن قرمله وابن لبده وابن سعيدان وابن سفران وابن جرمان
 

هذه قصيدة للشاعر /محمدبن عديله العاطفي القحطاني قالها عام 1348هـ وهو يسندها على الامير خليل ابن ناصر ابن عمر ابن هادي ابن قرمله شيخ مشايخ قحطان ويطلبه العوض في قعوده الذي مات واسمه ظبيان وقد اعطاه الامير خليل من خيار الجيش الذي عنده وايضاٍٍٍٍاسند الشاعر في قصيدته على بعض مشايخ قحطان الذين سوف يرد ذكرهم في القصيده ويطلبهم ان يعوضونه في قعوده وجميعهم اعطوه مطلوبه ويقول ابن عديله.....


[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
عند العشي عديت في راس مابان*ودموع عيني محفيات خدودي
ركبت انا نضوى تنصيت قحطان*جراله الجاري بعرق النفودي
عسى يعل (الرين)من كل ودان*دار الرجال الي تفك الحدودي
والله مااسكن دون ذربين الايمان*اللي فعايلهم عليها شهودي
اول مجيي عند من يذبح الضان*اهل الهداوي يطلبونه عهودي
((خليل))الي يمنع الدرك الامان*اللي على خصمه يقود الجرودي
ساس الكرم والجود ميراث جدان*وان جاه مظيوم فيرقا سنودي
شيخ ولد شيخ سلايل كحيلان*حصان الصرايم بالرسن فيه زودي
كم جاه من قحص الرمك علط الارسان*يازينها قدام بيته تحودي
نادر حرار ماكره راس مابان*مايبدي الا عاليات الرجودي
بديع السوابق يدعي الريش نثران*مثل الاسد ما يلطم الا الخدودي
طالبك نضو"عقب مامات ظبيان*يوم انت ابن هادي عريب الجدودي
ذي طلبتي قل تم ياطير حوران*ياجعل ماتطوى عليك الحودي
وليلة مجيي عند ربع ابن سفران*ليل" علينا من ليالي السعودي
الرايه العليا لناصر وسلطان*وابغا اتعوض عندهم في قعودي
من عقبهم نصيت ترثة سعيدان*وابغا اتعوض عندهم في قعودي
اميرهم هذال قواد سلفان*خيال حرد"فاللقا ماتحودي
وحزام ساس الجود من ساس شيخان*عند اللقا لزمن يقص الحيودي
اما عشق لما اعتلا بنت ربدان*يطعن لعينا ناقضات الجعودي
ومن عقبهم نصيت حماي الاضعان*ولد قنيفذ مثل حر" هدودي
نعم بابن لبده ليا ثار دخان*لامن غدا البارود مثل الرعودي
ومن عقبهم نصيت قوم ابن جرمان*وابغا اتعوض عندهم في قعودي
اميرهم نايف حما كل مرحان*ولاينبني بيت"بليا عمودي
وحمود شوق الي تعطر بريحان*يثني اليا دبرت با الشرودي[/poem]



اللهم ارحم ميتهم واموات المسلمين وطول في عمار الموجودين آآآآآآآآآآآآآآآآمين

القهرررررره الله لا يهينك على القصه والقصيده

اخوووووووك

ابن عاااااااااصم

لا هنت يابن عاصم مرورك شرف لي

لاهنت ياالقهره وبيض الله وجهك

ابن ملهي لاهنت على المرور وبيض الله وجهك

القهره الله يبيض وجهك على هذا القصيده الرائعه ونطلب منك المزيد ولك خالص تحياتى

لاهنت لاهنت يابو سلطان
سالفه جزله من رجال كفوو

المهم طول الله عمرك ومشكور وابشر بالخير

ارحب مليارات يالجمل والله لا يهينك على المرور لبا عراوي قلبك

وجهك ابيض يابن هدلان