قصيده أثارت غضب بنات الخليج
 

بسم الله الرحمن الرحيم


هذه قصيده كتبها احد الخليجين بعد قدومه من المغرب خلونا نشوف وش قال :


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياللي تنشد عن علوم الــــــذي طاف = كل البحور وكل دوله وديـــــره

خذ من علومي علم اوصافه اوصاف = جزل سمين يشتعل له ســعيده

الزين عقب المغربيات ينــــــــــــعاف =غيد لهن بالزين ذكره و ســـيره

فيهن حلا طاغي ولين و تــــــــعطاف = وفيهن حنان يشعل القلب غيره

حلوات وصف وفاهــــمات بالاعراف = زيننات منطق صافيات السريره

بنات قوم طيبهم غصــــــــــــب ينشاف = اولاد مغربى باميره الليل العســـــيره

ياللي تنشد عن علومي بالانصــــــاف = هرجي يكفي صامله عن كثـــيره

الزين في لميا وتغريد و الطــــــــــاف = ماهوب في حصهو كشره و منيره[/poem]
-----------------

الرد اللى يبرد القلب

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قال الذي في بدع الامثال صراف = جزل يفرق بين درهم وليـــره


ياللي مدحت المغربيات بجـــحاف = الله يجيرك من عماه البصـــــيره


لو تعجبك لميا وتغريد والطــــاف = مايصلحن لهل الوجيه الســـــفيره


مفصخات و لبسهم حـول الارداف = وبليس اغواهم بكشف الستيره


متعودات كلهم زيف وخفـــــــــاف = على التغنج والتعطف وغيره


كل يوم مع صاحب و لافيهم اعفاف = خويهم اللي فلوسه كثيره


ترى البضايع عده اشكال و اصناف = وكل ينوخ وسط سوقه بعيره


عز الله ان الطيب في بنت الاشراف = اللي على الحشمه تربت صغيره


ولا تبين منها كود الاطــــــــــــــراف = مثل القماشه فالبحور الغزيره


ياللي تدور بالجواهر و الاصـــــــــداف = الزين كله في بنات الجزيره[/poem]
-----------

وهذا رد للمرحوم طلال الرشيد (( الملتاع )) .. الله يرحمه

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يابن الحلال ان طعتني خل الاســـراف = واترك جمال الغيد لاهل البصيــــره

الزين موبس في الملامح والاوصـــــاف = الزين روح وعفه وطيب سيــــــــره

مانيب من يهوى سريا وانصـــــــــــــاف = انا هواي وبس بنت الجزيــــــــــره

بنت الخليج اللي تماري بالاعــــــــراف = وحنا نماري باسمها كل ديــــــــره

مالي غرام بقول وخا وبالـــــــــــــــزاف = اذبحتني عند الطرحه المستديــره

احب قولة ياهلا وعل وماخــــــــــــلاف = من بنت ثوبي بنت الارض النضيـره

اللي تحلاها الظبي حلو الاطــــــــراف = جمال في عفه ورقه وغيــــــــــــره

واللي بها سحر مهو سحر عــــــــراف = ياعل عين ماتراها ضريــــــــــــــــره

عطف وحنان وذوق في لين الاعطــاف = والى كشفت لثامها شفت أميـــره

صعب على اللي بالردي شاف ماعاف = وحلوه علىاللي سنه الله ضميــره

شمس الى من اشرقت والدجا طـاف = غابت نجومك غصب لو هي كثيــره

السيف مايزهى سوى كف سيـــــاف = والخيل دون حصانها مستخيـــــــره

بس أنت دورلك على قدك لحــــــــاف = وان طعتني دور بدلنا عشيـــــــــره[/poem]

شيخ المهاديه ...يعطيك العافيه
 

الله لا يهينك يا شيخ المهادية على هالقصائد الجميلة



والله يرحمك يا طلال الرشيد



بس مادري من اللي قال قصيدة الرد الاولى .

اخواني خالد والسيف النادر اشكركم على مروركم الرائع وكلامك عين العقل يا خالد اما بخصوص الاسم اخوي السيف النادر ان شاء الله ببحث لك عن اسمه..

اخوكم شيخ المهادية

شيخ المهادية


لاهنت على القصيدة الرائعة



التي تثبت مدى جمال وعذوبة بنات الخليج ( لبى قلوبهم )<<<<< طلعت من غير شعور هههههههههه




تحياتي اخووووووووووك نجم سهيل

ماقصروا الشعار اللي ردوا

ولاننسا قصيدة النساء لناصر القحطاني اللي وضح فيها عفة وكرامة الحرمة الخليجية وبالاخص السعودية

مشاركة تستحق التثبيت

لاهنت ياشيخنا

فارس قحطان ونجم سهيل وابن شويه لا هنتوا على مروركم وابشروا بالمزيد...

اخوكم شيخ المهادية

شيخ المهاديه سلمت يمينك على هذا النقل المميز
 

[size3][/size]

[poem=font="Simplified Arabic,4,firebrick,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياللي تدور بالجواهر و الاصـداف = الزين كلـه فـي بنـات الجزيـره[/poem]

تسلم يا ابو ابراهيم على مرورك الرائع لا هنت