شبكة قحطان - مجالس قحطان - منتديات قحطان - تركي2000+سمو الامير خالد بن سعود

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
السلام عليكم ورحمه الله وبركاته
عندي لكم محاوره الصراحه اعجبتني قريتها في مجله بين تركي عطاءالله الميزاني [تركي2000] وسمو الامير خالد بن سعود الكبير

تركي2000
سلام الله سلام[ن] للعلوم الطيبه عنوان
= واعرف معزبه والضيف في حكمة معازيبه
وانالي صاحب ماينطق الكلمه بلابرهان
= اباسولف معه والعلم يدري به واناداري

خالدبن سعود
الايامرحبا واهلا[ن] بلقطة شاعر المطران
= تراحيب لها بالصدرتشريقه وتغريبه
وانا ياصاحبي مانيب مثلك للشعر ميزان
= ترفق بي ترى توي غشيم وداخلي ريبه

تركي2000
يدوم لك البقاء والطير مايكفخ بلا جنحان
= واناخابرك صقر وكل صقر له مخاليبه
سبحنا فالبحوراللي تضم اللول والمرجان
= واخذنا مانبي والوقت ماتصفي مشاريبه

خالد بن سعود
صحيح الوقت مايصفي وتعكير الزمان الوان
واشوف الخايبه تعجب وهذه والله مصيبه
غدى عند الهزيله شان والجزله ثمنها هان
وسيف الكذب والتهريج اشوف الناس تغزي به

تركي 2000
انا مثلت فيك القاف مامثلت فيك فلان
= وطبعي كل مقفي ماالحقه واشذب عراقيبه
نبي نبعدعن المنقودوالمشروه مهما كان
=ولانفرح على المسلم ليا كثرت عذاريبه

خالدبن سعود
اجل بنشدك عن فيل يحب مغازل النسوان
= تضيق به الاماكن والمداخل من لغابيبه
يقول الهن انا الساحر وانا الباهر وانا الفنان
= وهو ياكل شنق غيره وكل داري بعيبه

تركي2000
سمعت انه على كبره يحس بعقدة النقصان
= مجند له رعاة تمدحه وتقول ياطيبه
لكن الفيل يبقى فيل يومن ان الحصان حصان
وضلع طويق ماكل من يبي المرقى يعديبه

خالد بن سعود
مابين ممسح الريضان وبين ملهي الرعيان
=غدى ماللجزاله دورولا لاهل السنع هيبه
الايال الزمان الشين الاياضيعة الوجدان
= نزل في سوق ابن قاسم وكل قال كم هي به

تركي2000
من اول كنت ياهداج تيما تروي العطشان
= لكن اليوم جمك مانذوقه من غثاريبه
لابد الوقت يكشف من هو الرابح من الخسران
وكل يلتبس له ثوب في قده يصلي به

خالدبن سعود
انا يعجبني الشاعرقوي الحبك والبنيان
= الى منه بنى بيته يشوقك فن تقطيبه
اجاذبه العلوم اللي تونس والخفا مابان
=مثل تركي عساه يفوز بالمليون ويجيبه[/poem]