قصيدة الشاعر/ علي الزهراني
 

هذي قصيدة الشاعر/ علي الزهراني
المشارك في تصفيات شاعر المليون
وقد تمت إجازته من اللجنة




هبـت نسايـم غيبتـك وأبداخلـي مشهـد أخيـر
سؤال مات من الضما يطـرد سـراب الاجوبـه ؟

من قطـع أوراق اللقـا وأخفـا ملفـات الضميـر
ومن هو مسح عهد الهـوى قبـل الحقيقـه تكتبـه

ومن هو سرق ضحكة أمل من مبسم الطفل الصغير
وأهـداه لعبـه للاسـف فيهـا ملامـح مرعـبـه

حبيبتـي راح القليـل اللـي عثـا فينـي كثـيـر
وطاحت بقايا دمعـة مـن وسـط عينـي معشبـه

القلب ذاك اللي يحبك صار يبحـث عـن مصيـر
مرات يشـرب حسرتـه ومليـون مـره تشربـه

ضامي فرح عاري أمل من يطعـم القلـب الفقيـر
من هو يضمه قبـل مـا ريـح التجافـي تسكبـه

وأنا آتسكع في شـوارع غيبتـك مثـل الضريـر
والوقـت بغيابـك أعـده بالثـوانـي واحسـبـه

لا لا تهزي غصن قلبي ، تزعجي حلمي و يطيـر
ولاتقتلـي فينـي طموحـي والأمـل والموهـبـه

جيتك أدور من ضما روحي وسط عينـك غديـر
جيتك وانا كلـي فـرح والحـزن سايـق موكبـه

ماجيت أدور حب عابـر أو أدور شـي مثيـر !
ولا جيت أدور ، دور في فلـم المحبـه أللعبـه !

حبيبتي لا تسألي ثـوب الفـرح وشبـه قصيـر
ولاتسألـي عينـي عـن اجفانـي بلاهـا متعـبـه

قولي تر ى ذاك الألم ياخذ مـن أحساسـي كثيـر
وقولي ترى ذاك الحزن ياخذ مـن أعيونـي شبـه

لو طفت هالعالم أحس أنـي وسـط عينـك أسيـر
لنـي لقيـت ابهـا جميـع الأسئلـه والأجـوبـه

رد : قصيدة الشاعر/ علي الزهراني
 

بسم الله الرحمن الرحيم
السلام عليكم ورحمة الله وبركاته

ارحب يا ابو فهد

الله يبيض وجهك على القصيده


والله يوفق الشعار:)

خالص شكري لك


اخوك/عبدالله السحيمي

رد : قصيدة الشاعر/ علي الزهراني
 

جيتك أدور من ضما روحي وسط عينـك غديـر
جيتك وانا كلـي فـرح والحـزن سايـق موكبـه

ماجيت أدور حب عابـر أو أدور شـي مثيـر !
ولا جيت أدور ، دور في فلـم المحبـه أللعبـه !



ماشاء الله

قصيده جزله

صح السان علي الزهراني

ويستاهل التوفيق


تشكر يالعاصمي

رد : قصيدة الشاعر/ علي الزهراني
 

بسم الله الرحمن الرحيم
السلام عليكم ورحمة الله وبركاته


الله لا يهينك
يا خالد


عز الله انها صيدة زينه

لو ان غيره اللي ملقيها

رد : قصيدة الشاعر/ علي الزهراني
 

بسم الله الرحمن الرحيم


السلام عليكم ورحمة الله وبركاته


لاهنت

والله يوفقه ويوفق الجميع