والله ما أنساك ياطلق الحجاجيني
 

السلام عليكم ورحمة الله وبركاته

تحية عاطرة لإدارة وأعضاء هذا المنتدى العامر

ثم الشكر الجزيل للأخ عبدالله السحيمي على دعوته الكريمة

وبعد,

مشاركتي الأولى معكم مشاعر عبرت عنها لدى إطلاعي على خبر وفاة الشيخ عبدالله بن بعيث "شيخ آل حمراء بني هاجر"في الجريدة , رحمة الله وجعل مثواه جنات النعيم.




[poem=font="Simplified Arabic,5,,bold,normal" bkcolor="transparent" bkimage="" border="none,5," type=2 line=0 align=center use=ex num="0,black"]
لاعاد علمٍ قريته في العناويني = ولاعاد من ذاعه ولا أخباره الشينه
خطبٍ دها المملكة في يوم الأثنيني = من هوله الدم وقّف في شرايينه
جمدت ساعة مكاني ما عرف ويني = الفكر محتار واختلت موازينه
لا والله إلاغشاك الدمع ياعيني = ولاهوب منكّف عنك لو تكفينه
اليوم يوم الحزن يالعين تكفيني = وش خانة الدمع يبقى عقب غالينه
محدن بلايمك لو تبكين حوليني = غيرك كثيرٍ بكوا من قبل تبكينه
ويبكيه محرابه وصوت المواذيني = والمجلس اللي بذكر الله محيينه
ونارٍ جذب ضوها ربعٍ مياميني = الجار منها وضيف الدار مدنينه
ودلال رسلان صفوها بصفيني = اقنادها الهيل للخطّار عابينه
ويبكيه من يشتكي من حظه الشيني = والمعسر اللي شكا من فقره ودينه
ويبكيه مكتوف في حبس المساجيني = أدمت صناقل حديد القيد رجلينه
وابوفهد لو بكيت لفقده سنيني = مايبرد الجاش ولاتطفي براكينه
بديار الأجناب ما لي من يعزيني = ياليتني حاضرٍ زحمة معزينه
وياليتني واقف ٍ بين المصليني = وأدليت في القبر معهم لبنه وطينه
حيل الله أقوى وأنا ماشي بيديني = أسلمت للحق والمكتوب راضينه
والله منساك ياطلق الحجاجيني = لوطالت أيام عمري وأبطت سنينه
يالله عسى القبر له روح ورياحيني = ويؤتى كتابه نهار الحشر بيمينه
يالله ياسامعٍ دعوى المناديني = يوم الموازين رجّح في موازينه[/poem]

رد : والله ما أنساك ياطلق الحجاجيني
 

أرحب ثم أرحب ثم أرحب يابو ناصر


حقيقه أنني سعيد جداً جداً ويعلم الله لرؤية إسمك الكبير هنا وكل كلمات الترحيب أعتقد أنها لاتفي بما تستحق من ترحيب ..

ثم إن المكان يتشرف بوجودك وكل مكان تحل فيه له شرف كبير بوجودك أخ عزيز ورجل وافي وأستاذ وإعلامي له باع طويل ومشاركات فاعله ومميز تكتب بماء الذهب وله أفضال على الكثير في الساحه الشعبيه إذا ساهم مساهمه مباشره في بروز الكثير عبر العديد من المنابر وفوق ذلك شاعر وناقد من أعلام الساحه ..


حقيقه وجودك فيه الفائده العظيمه لهذا الصرح لماتحمل الله يحفظك من قلم وفكر نير وعقل راجح وخبره كبيره جداً سواً كاشاعر أو إعلامي أو إداري بارز جداً .

أنت تستحق أكثر مما كتبت هنا بكثير ولكن قد يخونني التعبير فلا أوفيك حقك لذلك أكتفي وأعتذر ..


صح الله لسانك وبيض الله وجهك ورحم الميت وأدخله فسيح جناته ..


الله يحفظك ويرعاك

رد : والله ما أنساك ياطلق الحجاجيني
 

أخي الغالي الأستاذ عبدالله بن شايع الزهيري


ماقلته في شخص أخيك نابع من محبتك ووفاك وحسن ظنك الطيب, جعلني الله وإياك ومن يقرأ عند حسن الظن دائما, وأعاننا على القول الطيب والعمل الطيب.

كما أنه يشرفني تواجدي في أي مكان يتواجد فيه الشاعر المبدع والرجل الشهم عبدالله بن شايع..


دمت بود

رد : والله ما أنساك ياطلق الحجاجيني
 

الشاعر والإعلامي / سعيد الحمالي


اررررررررررررررحب والله يحييك وتشرفنا جميعأً بتواجدك وحضورك الغالي


وبيض الله وجه عبدالله السحيمي على تقديم الدعوه لرجال اللي تستحق الدعوه


وصح الله لسانك على هذه المصافحة الجزله والرائعه كروعة شاعرها وحضوره البهي



تحياتي

رد : والله ما أنساك ياطلق الحجاجيني
 

رد : والله ما أنساك ياطلق الحجاجيني
 

بسم الله الرحمن الرحيم
السلام عليكم ورحمة الله وبركاته


صح الله لسانك وبيض الله وجهك ورحم الميت وأدخله فسيح جناته

رد : والله ما أنساك ياطلق الحجاجيني
 

صح لسانك وبيض الله وجهك






تقبل مروري......

رد : والله ما أنساك ياطلق الحجاجيني
 

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

ارحب تراحيب المطر


ابو ناصر خوتك تنشرا بغالي الاثمان

اكبر فخر للمنتدى انك انت والريجيل الي شرواك متواجدين معنا في المنتدى

يعلم الله ان الاعضاء والمراقبين والمشرفين يرحبون بك واكبر فخر لهم تواجدك بيهنم انت الرجيجيل الي شرواك

اتمنى لك دوام التوفيق والنجاح

اخوك/عبدالله السحيمي

رد : والله ما أنساك ياطلق الحجاجيني
 

السلام عليكم ورحمة الله وبركاته



ارررررحب يابوناصر ،،، والله يحييك في محلك


وصح الله لسانك ،، والله يرحم ابن بعيث
ووالله انه فقيده على قحطان كلها ماهو على الهواجر بس




.

رد : والله ما أنساك ياطلق الحجاجيني
 

السلام عليكم ورحمة الله وبركاته

صح لسان شاعرنا والله لايهينة ولا يهين مشرفنا المميز

عبدالله السحيمي على الدعوة وتقبل مروري,,,,,,,,,,,,,


:ابن الاسود العاطفي :