شبكة قحطان - مجالس قحطان - منتديات قحطان - قصيدة آخرى موجهه للواء عبدالرحمن العماج من الشاعر عبدالله أبن زويبن

- مجلس عذب الكلام (https://www.qahtaan.com/vb/forumdisplay.php?f=16)

قصيدة آخرى موجهه للواء عبدالرحمن العماج من الشاعر عبدالله أبن زويبن

الحمدلله والصلاة والسلام على رسول الله وعلى آله وصحبه أجمعين قصيدة لشاعر الكبير المبدع عبدالله بن زويبن*
في سعادة اللواء عبدالرحمن محمد العــماج **

جل من يعلم عن اللي تخفيه الصدور
@@@@@@@الكريم اللي شظايا العظام يلمها*

قالوا ان الحق موجود قلت الحق نور
@@@@@@@*والرجال اللي مع الحق انا ماذمها*

مير شفت الحق ناقص وبالبطل مخشور
@@@@@@@*بين ناس من الخلايق وانا ماأعمها*

عقب مارزيت الاعلام في روس القصور
@@@@@@@@@*جالها سيلٍ يطم الجبال وطمها*

مالها غير انت يالحر يالسيف البتور
@@@@@@@*وانت ابوها ياطويل الذراع وسمها*

وانت ابو فيصل ليا صمل العلم مخبور
@@@@@@@@@*القريبة والبعيدة نظرك يزمها*

في طريق القافلة سكروا باب العبور
@@@@@@@*وانت بشتك يدخل المستجير بكمها*

عودوا من دونها اللي يخوضون البحور
@@@@@@@*كل ماواقوا على البير هابو جمها*

وادخلت في غابةٍ وسطها ريحة نمور
@@@@@@@*والنمور يعيفها الذيب حيث يشمها*

واعترضها من دفنها مع اللي فالقبور
@@@@@@@*وان نشدته قال لا عاد تنقل همها*

قلت ما انسى همها قال انا نفس الشعور
@@@@@@@*مير لو طالت وعرضتع تراني عمها*

أنت ربي جاب لك صقر ماهو بالصقور
@@@@@@@@@*الجزيلة يعترضها ويسفك دمها*

واخطرت في خاطري كلمةٍقامت تدور
@@@@@@@@*أسمها عند القحاطين ياويل أمها*

لا يوهمك التغطرس ويعميك الغرور
@@@@@@@*تحسب انك يمها وانت منت بيمها*

أنت طيرٍ يمسك الريش وتطير الطيور
@@@@@@@*بالهوى يفرد كفوفه ونوب يضمها

رد: قصيدة آخرى موجهه للواء عبدالرحمن العماج من الشاعر عبدالله أبن زويبن

لاهنت يابو/زيد على نشر هاذي القصيده الجميله والعماج يستاهل المدح وصح السان الشاعر
وقبل مروري

رد: قصيدة آخرى موجهه للواء عبدالرحمن العماج من الشاعر عبدالله أبن زويبن

لاهنت ياالذيب
وصح الله لسان الشاعر
ويستاهل الطيب من قدمه

رد: قصيدة آخرى موجهه للواء عبدالرحمن العماج من الشاعر عبدالله أبن زويبن

شكرًا للجميع وكل عام وانتم بألف خير
ولا تنسون خادم الحرمين الشريفين من الدعاء في العشر الا وخر أطال الله عمره أبا متعب

رد: قصيدة آخرى موجهه للواء عبدالرحمن العماج من الشاعر عبدالله أبن زويبن

لا هنت يا بوزيد وصح الله السان الشاعر عبد الله ما يمدح السواق الى من رغب فيه

وانا اقول

عزي لمن جاله مع الناس حاجه ---- يعنك محده زمنه على خير