درب المراجل (( للشاعر حمد أبو ظهير ))
 

http://www.qahtaan.com/works/up/get....hmpv1365715784


درب المراجل

[poem=font="Arial,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num=",black""]
خذيت فالدنيا دروس وتجاريب=وعز الله ان كثر التجارب مفيده

توي شباب وغاديٍ عارضي شيب=من كثر ما اصادم حياةٍ عنيده

دنيا لقيت بها العناء والمتاعيب=ومن سلم منها اليوم بكره تصيده

والعمر شمسٍ تظهر اليوم وتغيب=ويا طيب من حط الجميل برصيده

هذي تراها من كبار المكاسيب=ياللي تحبون الفعول المجيده

والطيب مرقابٍ ودونه مراقيب=ولا يذبه كون خطوا الوليده

ودرب المراجل كايد وعسر وصعيب=ما هو على ما قيل فرصه سعيده

عدٍ بعيد ماه يبغى جواذيب=ولا كل ورّادٍ خذا ماه بيده

سلم على اللي ينطحون المواجيب=لما اقبلت من كل فجٍ عديده

وجيه الرجال معطرين الاشانيب=بمعتقٍ فيه المزايا فريده

اللي تكيل الهيل وسط المرابيب=يوم البخيل من الكرم تقصر ايده

لا شٍ يصَّر القرش في داخل الجيب=وان مات ما قالوا فلانٍ فقيده[/poem]


للشاعر حمد أبو ظهير

رد: درب المراجل (( للشاعر حمد أبو ظهير ))
 

صح لسان ابوظهير


ولاهنت يابوريان على النقل

رد: درب المراجل (( للشاعر حمد أبو ظهير ))
 

العمر شمس تظهر اليوم وتغيب * وياطيب من حط الجميل برصيده قصيده تعبر عن تجربة شاعرنا ابوظهير والحقيقه رائعه جدا بمعناها وحكمتها ,
اما انت يا ابو ريان بيض الله وجهك على النقل الوافي وليس بغريب عليك العلم الغانم والاختيار الموفق , تحياااتي لك ونرجو منك المزيد لهذا الشاعر [/size]

رد: درب المراجل (( للشاعر حمد أبو ظهير ))
 

صح لسان ابوظهير


ولاهنت يا احمد الحواش على النقل