ما يبرد حرة القلب هبات الشمال !!
السلام عليكم و رحمة الله و بركاته اسعد الله أوقاتكم بالمسرات [poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"] ما يبرد حرة القلب هبـّات الشمال=حتى لو هبـّاتها من ثلوج و من جليد كل ما هبت علي زادت النار اشتعال=حسـّها مثل الهوا لاصفق خضر الجريد في خفوقي و المحبة مثل نسج الخيال=تربطك مع من تحبه ولو داره بعيد اتصال الروح بالروح مافيها حبال=المشاعر تلتقي و الموده فالوريد يا خليط من الترف و النعومه و الدلال=يا نسيم الصبح. والورد. و الطلع النضيد ياخرافات الروايات. يا أجمل مقال=يابتسامات الطفوله. يافرحة كل عيد لو شفاتك سحر هاروت والسحر الحلال=لو عيونك سيف عنتر وسيف ابن الوليد اشهد انك لذة النصر من بعد القتال=لالقيتك و انقطع كل شرط وكل قيد اعشقك عشق التجارة من شيوخ الريال=في زمان ٍ يحكم المرجله قدر الرصيد واعشقك عشق البدو للخيام وللرمال=في زمان ٍ راس مال الكفو رأي ٍ سديد جيت يمـّـك ناوي آخذ من احلامك مجال=واتغانم ما بقى واحيي الحظ السعيد واكتشفت اني مثل من يبي لمس الهلال=وانصدمت بواقع الود والعلم الاكيد وش بقول ان صارت الأجوبه مثل السؤال=و ان ذهب هم ٍ قديم ٍ بدا هم ٍ جديد غربلتني رحلة الوقت و حمول الجمال=و المسافات الطويله و شرهات العبيد في ظروف ٍ عيت تشيلها متون الرجال=شلتها من قوة العزم و الباس الشديد اي نعم. لا ما استغثت بعمام ولا خوال=لا وقفت تقول كني على الدنيا وحيد لي طموح. ولي شموخ مثل شم الجبال=والليال تدور. والوقت ياخذ ما نريد وانتي أغلا مابقالي و حكيك لايزال=يستثير العاطفه واسبك بيوت القصيد مادريت ان الهوى ضيق صدر و بري حال=و الموادع مثل نار ٍ يذوب بها الحديد ودي اقول الحقيقه ولا فيها جدال=اسمعي مني الحقيقة عسى عمرك مديد مايبرد حرة القلب ياكود الوصال=ان بغيتي زبدة الهرج و العلم المفيد[/poem] و سلامتكم أخوكم مبارك بن حاضر . |
رد : ما يبرد حرة القلب هبات الشمال !!
القصيده صراحه ابداااااع يابوحاضر..والله يجمل حالك ويوفقك ان شاء الله..وانا والله ابعتبرك شاعر الغزل في اقحطان بدون قصور في الجميع...تحياتي
|
رد : ما يبرد حرة القلب هبات الشمال !!
بيض الله وجهك وصح لسانك
|
رد : ما يبرد حرة القلب هبات الشمال !!
صح الله لسانك يامبارك
قصيدة رائعه جداً وحضور راقي لك في قسم الشعر النبطي ننتظر تواصلك وجديدك بكل شوق أخوووووووك |
رد : ما يبرد حرة القلب هبات الشمال !!
اررررررررررررحب يا ابو فيصل
صح لسانك واعلا شانك قصيده جزله من شاعر جزل وكفو والله لايهينك ولاترحمنا تواصلك ياكحيلان اخوك/عبدالله السحيمي |
رد : ما يبرد حرة القلب هبات الشمال !!
أخوي مبارك بن حاضر
صح لسانك واعتلا شانك رايعه بروعة حضورك لك احترامي وتقديري |
رد : ما يبرد حرة القلب هبات الشمال !!
اقتباس:
ارحب يا ناصر الله يرحم والديك و لايهينك على حضورك المميز و ردك الجميل لاتحرمنا من تواصلك ... |
رد : ما يبرد حرة القلب هبات الشمال !!
اتصال الروح بالروح مافيها حبال
..................المشاعر تلتقي و الموده فالوريد صح لسانك يالعبيدي .. وأثر الهوى لاعبن بعوال الشايب هههههههههه وتقبل تحيتي .. |
رد : ما يبرد حرة القلب هبات الشمال !!
أرحب تراحيب المطر
صح لسانك على هذه القصيدة الجميلة فلا تحرمنا من كلماتك وأديباتك وشعرك الراقي |
رد : ما يبرد حرة القلب هبات الشمال !!
الشاعر الكبير مبارك بن حاضر صح لسانك قصيدة رائعة و معنى محبوك وكلمات متراصفه كالعقد المترابط
مع تحيات السنافي |
الساعة الآن 08:49 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com