شبكة قحطان - مجالس قحطان - منتديات قحطان - معركه بين المشاعله الجحادر وال قويد شيوخ الدواسر

المشـــــاعله والدواســـــر

غزو شيوخ الدواسر وعلى رائسهم ابن قويد الدوسرى على المشاعله

وكان خشيم المشعلى طاعن فى السن وله اربعه ابناء فريس. وقدخذوا الدواسر الابل وقفوبها.

ولم يكن احد من فرسان المشاعله موجود عند الابل لانشغالهم . وعندما علموا المشاعله

تجهزوا وركبوا الخيول ولحقوهم الفرسان ومنهــــــم

فهيد ابن خشيم المشاعله

سالم ابن خشيم المشاعله

محمد ابن خشيم المشاعله

ومن ضمنهم فهاد ابن خشيم الملقب(بالمصروع)

وعندما شاف الغاره صاح على العبد قال عطنى الحصان ركب على حصان ابوه ولحق القوم مع اخوانه

وجاء كر وفر بينهم .وقام خشيم وراح يمشى على رجليه وعبده معه كان طاعن بالسن ويوم شرفوا لايشوف الخلفات

ترازم على حيرانها .وثلاثه من الخيل مربطه اعنتها فر جلاء اهلها مذبحين .قال اعقص يخير الله

عسى ماذي من خيلنا .قال العبد لاياعمى ماهي بخيلنا. وللقوم قد ابعدوا بالابل القحات ولكنهم ردوها

وهزموا الدواسر هزيمه شنيعه ذاكـ اليوم . وجو بقلايع من الخيل ومنعوا الابل من القوم وردوها

. ولاكن الحصان الى عليه فهاد ابن خشيم عقر وهو حصان ابوه

وعقره اخو ابن قويد( لايحضرنى اسمه) وتحالفو الرماح بينهم رمح فهاد صوب

اخو بن قويد . ورمح ابن قويد عقر الحصان .وقال ابن قويد امنع والله محطيتها فى الحصان عادنى ابيها

فيك خايف لذبحك وربعنا منعى عندكم ورجع لبوه ومعه الفرس قلاعه وقال يبه احصانك عقر وهذي

الخيل قلايع اختر فيها. واختار فرس صفراء معروفه عند البدو

قال هذى من قلعها قال اولده (المصروع) فهاد انا الى قلعتها

قال لحق خيلها ولا متخالفين انت وياه قال متخالفين ارماح رمحى صابه ورمحه اخطانى

وقال ابن قويد الدوسرى بعد المعركه يصف المعركه التي حدثت ويمدح فريس المشاعله

[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
قم سو فنجال ترا الراس مصيـوع=تقه ونقه مـن جميـع الخموعـي
فنجال فيه مخومس الكيف مجموع=بدلال يشد (ن) الخباس الوقوعـي
ونجر على الشطات ماهو مبيـوع=يزين حسـه والخلايـق هجوعـي
ولجاك بالمجلـس طيـب وبالـوع=عده على الطيب وكـب البلوعـي
الكسب من دونه فهيد ومصروع=ذباحه ماتتبه للمنوعي
لعيون من قرنها على المتن منسوع=عـود بغيضـه مـايرد الرثوعـي
[/poem]

مصروع/هو الفارس فهاد ابن خشيم المشاعله

الرثوعى/ ذلول ابن قويد الدوسرى

وقال خشيم المشاعله بعد المعركه

[poem=font="Simplified Arabic,4,royalblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الله بفرسان القبايـل بلانـي=خمس مية غشى المبادي نفلها
ثلاثه ورابعهـم الصارمانـي=ويالله يعادل سنايـن امحنهـا
ثلاثـه ورابعهـم الصارمانـي=ولامن هم الي ردها في معتكنها
كلها لعينا الي قمعها امتانـي=اخذنا بمذ ولق العريني تمنها [/poem]

وهذه قصيدة خشيم المشاعله

فى الفرس الصفـــراء الى قلعهاا اولده من ابن قـــويد

[poem=font="Simplified Arabic,4,skyblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
شل الشيوخ وكسوة الربع درعين=وعزالله انه في المكارب خيالـه
يانفدى الي عاضني مركب زيـن=مبرية السقيان كنهـا السيالـه
جعل يفداه الصبي رايـب العيـن=غـم لبـوه وفايتـه الشكـالـه [/poem]

والله يرحمهم ويسكنهم فسيح جناته