|
نسناس عصرية
[poem=font="Simplified Arabic,4,black,normal,normal" bkcolor="skyblue" bkimage="" border="double,9,indigo" type=2 line=0 align=center use=ex num="0,black"]
الا واهني من هو رقى عالي المرقاب=وقت العصير وفي خلى مرسل نوده وقف ويتذكر ربعه الي عليهم غاب=والنفس عد للواجيس ماروده تارد هواجيسي على الخاطر المرتاب=ورد الهيام الي على العد مهدوده اقوله وانا الي من زمانه خذا ماطاب=ذقت الحلى والمر والغبن واجحوده عرفت الردي والقرم والنذل والنصاب=وفعل الفتى ينبيك عن سالف اجدوده فبوصيك ترحم من على شان عينك شاب=ترى بر شيبانك عليك انت مردوده وصل الفريضة واطلب الواحد التواب=يعينك ليمن غطو القبر بلحوده وخاو الكريم وجنب اللايم المغتاب=هروج الردى مابين جوفه وجردوده ولا تاخذ الا بنت شيخ عريب انساب=لا جا ولدها يكرم الضيف من جوده وانا خاطري من عيشة البر ما قد تاب=وعيني تتوق الشوفت الارض ممدوده تعال ادهر الضو واشعل النار يا شباب=صماليل سمر ريحة ريحة العوده وقرب معاميلك ولا ينقص المزهاب=دلال ارسلان والبراريد مشهوده في صيهد ما ركبو له غلق وابواب=تشوف الخزامى والنفل زاهي عوده مع فوحة الدلة ونجر لها لعاب=تجيك القصايد والتماثيل مسروده ترى البر والمقناص هي غاية الاشناب=علاج النفوس الي من الوقت مضهوده وروحي على كفي ولاني بحسب حساب=وانا خابر ان الامر لله مردوده [/poem] |
صح لسانك يا راشد
جزلة من شاعر جزل في إنتظار جديدك المبهر فلا تحرمنا منه |
صح لسااااااااااااااااانك
ياراشد ارشدك الله الى الخي روالمسرات والجديد الرائع لاهنت يالذيب |
راشد الراشد صح لسانك وبيض الله وجهك وافي وجزل وذرب لاعدمناك دمت مبدع يا مبدع ولك مني اطيب تحيه |
أخوي راشـد
صح لسانك وسلم فكرك جزله ورايعه بروعـة حضورك في انتظار جديدك لك فااائق احترامي |
ارررررررررررحب يا R D R اررررررررررررررحب يا رااااااااااشد صح لساااااااااااااااااانك وعلاااااااااااااا شاااانك تحياتي وتقديري |
الأخ العزيز راشد الراشد
السلام عليكم صح لسانك وبيض الله وجهك ياكحيلان سجل أعجابي ونتمنى المزيد تقبل فائق احترامي وتقديري لشخصك الكريم كااسر |
هلا بك يالقويفل وصح بدنك
الله لا يهينك على المرور والاشاده تحياتي |
هلا بك يا فتى الجوة ما قصرت ولاهنت على الاشادة
تحياتي |
هلا ومرحبا يا سعد
لا هنت على الاشادة وجعلك تسلم لا عدمتك تحياتي |
| الساعة الآن 01:25 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com