شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   المجلس الصوتي (https://www.qahtaan.com/vb/forumdisplay.php?f=32)
-   -   قصيدة الشاعر علي الكدادي في سعادة سعد العجلان (https://www.qahtaan.com/vb/showthread.php?t=69129)

ابو سلطان العبيدي 09-07-2011 06:29 AM

قصيدة الشاعر علي الكدادي في سعادة سعد العجلان
 
هذه قصيدة للشاعر علي بن مبارك بن عامر آل راضي الكدادي
في الحفل التكريمي الذي اقاموه آل راضي الكدادات من بني هاجر
في منزل الشاعر علي الكدادي
بحزم أم الساهك لسعادة الأستاذ سعد بن محمد العجلان
بمناسبة تعيينه رئيساً لمركز أم الساهك

http://www.youtube.com/watch?v=3vNOmrps5UQ


ياقاف شعـري خابرك دايـم احصان ** اليا زهمـتك ماحصل منك تقصير


ابـزهـمـك ذا الليـل والـبـال طـربـان **حـضّر وجـمـل ماتجـوز المعاذير


حــضّر ورحـــب عـد مـاهــل ودان ** واعـداد نـبـتات الزهر والنواوير


تـرحـيـبةٍ تـرجـح على كـل مـيـزان ** باللي حـضر واللي لفـونا مسايير


واخـص ترحيـبـي بكم يابن عجلان ** وابـيات شعـري لك معزه وتقدير


واشلهـا بـالـصــوت واجــر الالحان ** واعـدهـا لـيا اعـتـلـيـت المنابـير


يابـو مـحـمـد يــشـهـد الله شـفـقـان ** لـشوفـتـك واعـد جـزل الـتعابـير


مبـروك تعيـيـنـك رئــيـسٍ وعـنوان **للمنطـقـه ونـزف حـلـو التـباشـير


حـيـثـك كريمٍ من نـسل قـوم كرمان ** ومنعـور يانـسل الـرجال المناعير


ربعك خوال المصطـفـى قول برهان ** هاذي حقايـق دون زيفٍ وتزوير


هـذيـل يانـعـم الـنـسـب عالي الشان ** هـذيل ياهـل الجـود قـومٍ مشاهير


الضيف يلقى حيل وظهورها اسمان ** قــومٍ كــرامٍ مـاتـعـد الـمخـاسـيـر


واهل الصمايل في الميادين شجعان ** هـذيـل لاصـكت جمـوع الطـوابير


تـارد حـيـاض الـموت لاثـار دخـان ** ولاثـارت الـهـيجا بـيـوم الـمعاصير


كـم راس شيخٍ طار من فـوق الامتان ** الـيا شلعـوها بالسيـوف البـواتير


حـريـبهم فـي كـل الاحـوال خسران ** وفي روسهم امن الطناخه صعاطير


واهل الفصاحه يـوم قال ابن عفان ** واصدر بـجـمعه للمصـاحف بتـقرير


هـاتــوا هــذيـلي لاكـتـبــتـوه قـرآن**يـمـلـي عـليـكـم قـول مافـيه تـغـيـير


واهل الشعـر عباقـره عبر الازمان ** ورمز الادب ياهـل الوجيه المسافير


والمـدح مايحـلا ليـا صار نـسـيان ** امـن الملـوك اللـي طـوال الاشابـيـر


خـيالة العـوجا فخـرنا في الاوطان ** اللي لهم وقـفـات تـفـرق عـن الغـير


بـقـيـادة اللي صار للطيب نـيـشان ** صقـر العروبه محـتـمي المظاهـيـر


هــذاك ابـو مـتـعــب سلايـل كحـيلان **اللي مـحـله مـدهــلٍٍ للخـطـاطـيـر


عهـده رخا والشعـب في خير وامان ** ومحـبـته في قلوب كل الجماهـير


حـاكم يخـاف الله وفي قـلبه أيـمان ** يالله تجـيـره من صـدوف المقـاديـر


وولي عهـده راعـي الخيـر سلطان ** ريف الضعيف اللي حظوظه مثابير


سلطـان قايـد طـوّر الجـيـش باتـقـان ** جـيـشٍ يـدمـّر ناوي الـشر تـدمير


ويـعـيش نايـف محـتـمي كـل ميـدان ** نايف سديد الراي صلب الاشاوير


يـاطا عـلى مـن كان مخـطي وخوّان ** ويعـدّل اللي مال ويـعاكس السيـر


ونـذكـر ابـو تـركـي مـحـمـد بـلـيهان ** امـيـرنا اللي طـوّر الدار تـطـويـر


اضـفـى عـلى شرق البـلد ثوب فتان ** وخـلى مناظـرها تفوق التصاوير


وجـلـوي اللي يـجـلي الهـم واحـزان ** نايـب الامير مسطـر المجد تسطير


رمـز الشـيّم رمـز الكرم كـله احسان ** والـشعـر مايوفـيه لو زدت تعبـير


مـدحـت مالي مـقـصـدٍ يابـن عجلان ** والـحـمـد لله مـاعـلـيـنـا تـقـاصـيـر


والوضـع عـال العال بالحيل شبعان ** امن اولٍ في خـير والحيـن في خـير


قـلتـه وانا ربـعـي مـطـاليـق ظـفـران ** ربعي هـواجر يوم وقـت المعاسـير


وارجو السموحه كان فالقول نقصان ** وان كان صـبـنا من ولي التـدابـير


وصلوا على سيـد الملا نـسـل عدنان ** عـد المطـر واعـداد ماغـرد الـطـير

ابن قريش الفهري 09-07-2011 09:10 AM

رد : قصيدة الشاعر علي الكدادي في سعادة سعد العجلان
 
لا هنت على النقل يا عبدالعزيز


مبدع ومتألق بما تطرح


الساعة الآن 04:28 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com