يالله
 

[poem=font="Simplified Arabic,4,black,bold,normal" bkcolor="transparent" bkimage="backgrounds/8.gif" border="solid,4,gray" type=1 line=0 align=center use=ex num="0,black"]
يالله

يالله يامنشي مـن المـزن همـال=ياغافـر الـزلات يـاذ الجـلالـي

سبحانك المعبود ياخير مـن قـال=الارض ترسيها رواسـي الجبالـي

ابداء كلامي طلبتـك قـول لمثـال=ومحمد الميمـون خيـر المثالـي

بآمرك يسير الكون ياعارف الحال=والنور شعشع من جنوب وشمالي

في خافقي كلمه وللشعر مرسـال=تارد مواريـده علـى كـل جالـي

فنجان من شقرا مع صحن سريال=في مجلس كلـه عمـام وخوالـي

من يد رجـال ربـى عنـد رجـال=يعرف مقام الضيف وابن الحلالـي

عدا لهـا يمنـاه والكيـف مـازال=يحضى بتقديري ومن حـر مالـي

وان جالها ضيف على الرحب منزال=ويامرحبا بالـي عنالـي وجالـي

يصفى مزاجي واكتب الصدر علـ ال=والعجز قافه يكملـه حـرف الـي

وبأسوق معناها على كـل خيـال=الفارس اللي مالبـس لـه جلالـي

من عذب مايقراء وفي كل الاحوال=الكامـل الله مادعينـا الكمـالـي

لشك فكر العبـد لـو نـال مانـال=يطمح بعـد مـر الليالـي بحالـي

ومن يطلب العليا ولو طال ماطـال=الشمس تشرق بعد سـود الليالـي

والعد ما يخفى ليا صـار مدهـال=والفرق واضح بين ملـح وزلالـي

والجهل قبر يصفق الجـال بالجـال=والعلـم يرقابـك رفيـع المعالـي

نقش الصخر يبقى على مر لجيـال=فرقه وفرق اللي حفـر بالرمالـي

ماهاض جاشي وارتعش مثل زلزال=قدر الثعاله صـار مثـل الجمالـي

والذيب لمعـط رابطينـه بسلسـال=والفارس المقدام قـد صـار تالـي

والبنت ماتلبس على وجهها شـال=وابن الرجال اشبه لبنـت الحلالـي

تغيرت لحـوال مـن حـال لحـال=يالله عسى ماقرب وقـت الزوالـي

حتى البيوت اليـوم مافيـه رجـال=إلا جروحه مـن ضنينـه توالـي

ان كان مايعطيه مايطـرب البـال=جرد على شايبه بيـض السلالـي

ارخص مقام أبوه من شان لنـذال=من شان يحضى عندهم بالدلالـي

والجار مثل الحمل همن وغربـال=ياثقـل حملـه ياوجيـه الرجالـي

ماتامنه لوغبت عن بيتـك اميـال=يالله دخيلـك يـا رفيـعً وعالـي

بقي الصديق اللي له القلب منـزال=من عهد قبل وبعد زيـد الهلالـي

يحمل معك لصـار للحمـل شيـال=سرك معـه كنـه رفيـق موالـي

ارفع عليه اليوم بالصـوت مـوال=وين الصديـق اليـوم ياهملالـي

والمشكله لصاروا اليـوم الامـال=منهـم مساجدنـا نراهـا خوالـي

ويالله يامنزل مـن المـزن همـال=تجبـر عزانـا ياعزيـز الجلالـي [/poem]



ذيب العبيدي

ذيب العبيدي
السلام عليكم ورحمة الله

قصيده ننوه عن جمال مفرداتها

اشكرك وأهنيك على نشاطك في منتدى قحطان

الذي يستحق منا جميعا تظافر الجهود وشحذ الهمم

اخي ذيب

لله درك
قصيدة ولا احلى

صح لسانك

صح السانك يا ذيب ولا هنت

ياسلاااااااام ياسلااااااااام ياذيب



الجزاله لايجيبها الا جزل


ماشالله تبارك الله


صح لسانك ملايييييييين وعساك سالم وغانم



تقبل خالص تحياتي

[poem=font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num="0,black"]
والبنت ماتلبس على وجهها شـال=وابن الرجال اشبه لبنـت الحلالـي
تغيرت لحـوال مـن حـال لحـال=يالله عسى ماقرب وقـت الزوالـي
حتى البيوت اليـوم مافيـه رجـال=إلا جروحه مـن ضنينـه توالـي [/poem]

دائما في موعد مع الجزاله

ذيب العبيدي

صح لسانك وعلا شانك

قصيده تحمل من درر المعاني الكثير

لاهنت وبيض الله وجهك

ترا ننتظر جديدك يالجزل