شبكة قحطان - مجالس قحطان - منتديات قحطان

- مجلس عذب الكلام (https://www.qahtaan.com/vb/forumdisplay.php?f=16)

- - خالد الفيصل .. (https://www.qahtaan.com/vb/showthread.php?t=64682)

خالد الفيصل ..

السلام عليكم ورحمه الله

ليت عقل العود في سن الشبـاب
وحكمة الستيـن فـي عشرينهـا

كان ما جرَ القـدم درب العـذاب
وانتهزت ظروفهـا فـي حينهـا

وكان ما ضاعت دقايقهـا هبـاب
وكـل لحظـه أستغـل سنينهـا

كم تركت من الفرص واقفلت باب
بعتها واهـل الفـرص شارينهـا

وان نصحني ناصح أحسب حساب
قلـت يمـدي .. توَنـا بادينهـا

العمـر بـاوَل زمامـه لا تهـاب
والَليـلْ طـوال يـا سارينـهـا

ما هقيت إن الزمن مثل السـراب
والَليالـي خيَـبـت راجينـهـا

أثر ساعات العمر مثل السحـاب
بالظلام تمـر مـا نـدري بهـا

ويل من همَاته صعود الهضـاب
ترجمـه ريحانـهـا بايدينـهـا

وحظ من همَاته يحوش التـراب
يبشر بكثر الذهـب فـي طينهـا

وكل قصر له أساس وسقف وباب
يحكمـون اركانـهـا بانينـهـا

والصيانة للقصـر وإلا الخـراب
أفطنـوا للـدار يـا حامينـهـا

رد : خالد الفيصل ..

الله الله

صح الله السانك والسان خالد الفيصل ..

قصيده جزله ووافيه ..

لاهنت على النقل الطيب يا سعد ..

تقبل مروري ..

رد : خالد الفيصل ..

اقتباس:

المشاركة الأصلية كتبت بواسطة فلاح آل راكان (المشاركة 716155)

مرحبا والله يابو ناصر ..

شكرا لك على هذا المرور الجمــــــــيل ..

رد : خالد الفيصل ..

أخوي سعد بيض الله وجهك ولاهنت,,,

رد : خالد الفيصل ..

اقتباس:

المشاركة الأصلية كتبت بواسطة سفر بن مبارك (المشاركة 717000)

أخوي سعد بيض الله وجهك ولاهنت,,,

ووجهك ابيض يامشرفنا المبدع ..

مرورك شرف الله يطول في عمرك ..