|
ارضي ..دهر ..يانوف وانتي.. مطرها..
اخواني ..
وصلتني ..هذه الرائعـه ..للشـاعـر الـرائـــع ابـو عـبـيـد ..عـبـر اتـصـال اجـريـنـاه مـعـه .. وقد ابدى ..دعمه واعجابه باالموقع ويقول حرفيآ سيرو ..والى الأمام ..ويعد الموقع بقصائد خاصه للموقع ويعد بتزويد الموقع بديوان جديد له ... واليكم القصيدة : [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] الله من هم لجا داخل الجوف = هم لجا باالجوف حالي دمرها وخوف من الماضي يطارد ورى خوف=وعيوب ٍ تكشف والله اللي سترها واحداث تجري والسبب غير معروف = وشوق عن الخلان رجله قصرها جرتي مع الأيام والوقت يانوف = يانوف وانتي ماء العيون وبصرها يانوف قامت ضدنا عدة اظروف= والروح مما صار قرب خطرها لاجيت ابشرح موقفي منك مكسوف=راحت حلاويها وهذا كدرها يانوف لويصبح بنا السر مكشوف= وعدواننا تمشي وتكشف خبرها وانتي سبب مابي وانا منك ملهوف=وارضي دهر .. يانوف وانتي مطرها وانتي الذي يعجز بك الوصف ووصوف= وانتي بساتين الفواد وشجرها ياجادل ٍ شعره على المتن منسوف = لامن لقوه البيض يقصر شعرها يامدمج الساقين والوسط ملهوف= وكن القمر في وسط ..لـبـت نحرها قربك يطمن لوعتي لحظة الخوف = وحبك معاليق الظماير هصرها قالت كفى ماصار ما انته بمكلوف= انا السبب فيمـا حصل من ضررها ودي بشوفك بس يكفيني الشوف = يامن عمر حالي وعود دمرها لارحت قلبي راح ..بـثـرك . محذوف = وعيني بعد فرقاك طول سهرها ليتك تشوف الحال لو ودك تشوف=حال الذي نفسه بنفسك ..نذرهــا[/poem]ا
الشاعر المعروف/ سعد بن محمد العبيدي ..( أبوعبيد ) .. اترك التعليق .. على القصيدة ..للأخوان ..لأن شهادتي في ابوعبيد مجروحه .. اخوكم خالد |
جرتي مـع الأيـام والوقـت يانـوف @@ يانوف وانتي مـاء العيـون وبصرهـا يانوف قامت ضدنـا عـدة اظـروف @@ والروح ممـا صـار قـرب خطرهـا صح الله لسانك الجقيقة نتشرف بوجود شاعرنا ابو عبيد او قصائدة في منتدانا الغالي لاهنت ياخالد اخوك / ابن شويه |
ماشالله قصيده رووووعه من روااااائع ابو عبيد
شكرا لك ياخالد ،،،، |
قالت كفى ماصار ما انته بمكلوف
انا السبب فيما حصل من ضررها لباااااااااااااااقلبك ياخاااااااااااااااااااااالد والله انك مكسب طال عمرك وصح لسان وجه قحطان |
بسم الله الرحمن الرحيم
السلام عليكم ورحمة الله وبركاته سلام يارجال [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"] قالت كفى ماصار ما انته بمكلوف= انا السبب فيمـا حصل من ضررها ودي بشوفك بس يكفيني الشوف = يامن عمر حالي وعود دمرها[/poem] قصيده رائعه من شاعر وناقل رائعين يعطيك العافيه اخ خالـــــــــــــــــــــــــــــــــــــــــــــــ ـــــــد |
لارحت قلبي راح ..بثرك . محـذوف = وعيني بعـد فرقـاك طـول سهرهـا
ليتك تشوف الحـال لـو ودك تشـوف = حال الـذي نفسـه بنفسـك ..نذرهـا صح إلسان ابو عبيد ولاهنت يا ولد العم على نقل القصيدة ونحن بانتظار ديوانه |
بسم الله الرحمن الرحيم
الاخ خالد القصيده جيده والشاعر غني عن التعريف وهو كان طاقه جياشه ومن ثم طاقه مهدره من المناسب ان يلملم عبيدي الدمام شتاته الشعري وحياته الغريبه المعقده لرصدها للتاريخ لكي لاترحل اشعاره معه فهذا اجر وغنيمه ومن ثم يقوم الموقع برصد جانب طيب من حياته وبعض اشعاره الصالحه للنشر والاعلان والقابله للذوق العام مع ملاحظة اني ذكرت عبيدي الدمام لانه سبق ان اورد اسمه و اعتقد انه من جماعتهالقريبين اللزم على قولة قحطان تقبل تحيه عطره العشر مباركه اللهم تقبل قيامنا من العايدين قبل كل الناس |
قصيدة هايلة أخوي خالد جزاك الله خير
|
لا..هنتو .......لا.....هنتو..
ابن شويه الله يعافيك وشكرآ لمرورك ..وابشر انشالله .. .................................................. ...................... فارس قحطان . شكرآآآ لمرورك وانت ابخس مني في ابو عبيد ماعنده الا الروائع .. .................................................. ........................ ابن عاصم مرحبا .. والله بك يابن عاصم .. المكسب والله اجتماع كل المجموعه الموجودين معنا في الموقع ..وانا وانت من ضمن الموجودين .. وشكرآآ على مرورك الطيب .. .................................................. ........................... القحطاني علي ومن قال يتعافى .. والأروع مرور شرواك على الموضوع .. .................................................. ............................. عبد العزيز المنيفي صح بدنك ياابوعمر .. وابشر انشاءالله عن قريب ..ومشكور على مرورك الأستاذ عاشق الوطن اشهد بالله انك وضعت يدك على الجرح .. فعلآ ...اصبت ..ووالله لقد اصبت بوصفك له با الطاقه المهدرة .. وسنحاول في الموقع باالتعاون مع الأعضاء اللي لهم صله باالشاعر ان نلملم بعض القصائد وربما اغلبها وبعض الجوانب المتعلقه باالشاعر طبعآ بعد موافقته مع العلم انه ابدى استعداده في اكثر من مناسبه لأعطاء كل مالديه لصالح شبكة قحطان ..وسوف يكون بأذن الله لشبكة قحطان موقف معه وسوف نقوم بدعمه بكل مانستطيع ....اخوي عاشق الوطن .. دائمآ ماتكون صاحب مبادرات واقتراحات مهمه ..ومنطقيه ... .................................................. ....................................... المدرع007 مشكور على مرورك اللطيف ... اخوكم خالد .. |
صح السان أبو عبيد ماشالله قصيده رووووعه من روااااائع ابو عبيد ومشكور أخوي خالد على الموضوع أخووك سعيد المهداني |
| الساعة الآن 10:01 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com