قـحــــطان يا من اعتزا بعــــــجة الكون***يردون حـــــــوض المـــــوت مثــل الوفودي
 

هذه الابيات قلتها في الأخ/ سعد بن ثفنان القحطاني الذي يعتبر من اعز الأصدقاء حيث مر على صداقتنا ثلاث عشر سنه وأرجو أن يعذرني أبو ثفنان إذا فيه أي قصور بالأبيات .
وتقبلوا تحياتي
محمد بن شاكر الرمالي الشمري







[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="double,10,sienna" type=0 line=0 align=center use=ex num="0,black"]
سبحان ربي واحـــمده خـــالق الكــــون=اللـــي خـــلقــني مــن عــــدم لـلوجــودي
فرد صمد أمره عــلى الكـــاف والـــنون=بــــأمره يســــير الغيم هـو والـرعــــودي
يامنـجي ٍمــــن غـــبت المـوت ذنـــــون=يوم الــــتـجالــك فــي ركــوع وســـجودي
أنـــت الكريم اللي لك الخلق يرجــــــون=تعـــطي ليـــا مــنــــــت يــدين ألــجحودي
ومن بعد ذكرك جبت أنا القاف مــوزون= قـــاف بـــــوسط الجــــاش دلى يــــجودي
قاف ليـا حـــــل المثـــــــل له يجــــيبون=صـافي مصــــــفى فيه عــــــطر ألورودي
في مجلس مافــيه طـــــايش ومـــجنون=فــــيه السـوالف والـرجـــــال ألركـــــودي
مثل الذهب وسط الصــناديق مكــــــنون=والا الســحاب امحــــــمل بالــــــــــبرودي
خمسة عشر يوم والامــزان يــــلـــــفون=تشدا الجبال اللي عصــــــــت للصــعودي
عيت تحرك ثابـــــــته تقل مــــــرسون=مثل السجــــين اللي حـــــــدوه ألجـــنودي
تلعج وتصفق وصفها وصف مســـكون=وألا الغــــليث اللي ســـــعى فــــيه دودي
هلت مطرها والسما تــــــــقل مطـــعون=مـــــن كـــوثر ســــيل جــــميع اللـــكودي
وخــلاف ذا ياراكـب فــــوق مــزيــــون=اللون عـــــــــشبي مـــــن طراز الــفرودي
توه جـــــديد للمـــهمات مضـــــمـــــون=الفكــــتوري يـــــــــطوي بعيد الـــمـدودي
صـــــــناعه المـــــلعون وابوه ملـــعون=ابــدع بــصــنعه لعــــنــبوه الــــيهــــودي
علـــــيه قــــرم فـــاهم للـــدركـــســـون=فنــان طــاره والــــهويـــه اســــــــــعودي
ياخذ سلام بالعــــــدد كــــثـر مليـــــون=وعـد الحــجــــيج اوعــد رمــــل الـــنفودي
للصــــــاحـب اللي عشرته مابها ظنون=دايـــــم عـــــلى يــــمناي عـــــند الســنودي
ســــلم عليه او نشده كيــــف وشــلون=عــــــساك طــــيـب يـاعــريـــب الجــــدودي
ياشــبه طير بالــــقنص لــــه يــهــدون=يلــــحق عـــــديم الخــرب يـــوم الهـــدودي
سعد ابن ثفـــــــنان بالــــطيب مـــفتون=عـــــند المـــــلازم مايـــــعد الــــــنقـــــودي
مــــن لابـــــه يــــوم المـــلاقا يصيرون=مثـــــــــل النــــمور الجــــــأيـعه والاسودي
قـحــــطان يا من اعتزا بعــــــجة الكون=يردون حـــــــوض المـــــوت مثــل الوفودي
عــــــدوهم يــــذوق ســـمه بــــغـــليون= يلــقى المـــهانة والـــنـــكد والنـــــــكــودي
ورفــــيقـــهم مــن طــــيبـهم لـه يـعزون=يـــــــصير عنـــتر عـــقب مـــاهو شـرودي
وصـــلة ربـــي عـــد نـاس يـــطـــوفــون =عــــلى الـــحرم وعـــداد شــعب الـهنودي
عــلى شـــــفيع الخـــلق يــاللي تحضرون=فــــــي مــــوقـــف قــدام رب الـــوجـودي[/poem]
الشاعر/محمد بن شاكر ألرمالي ألشمري

صح لساااااااااااانك اخوي ابو شاكر

ونعم والله مليارات بشمررررررر والله اني صادق

والله يديم خوتك انت وابن ثفنان

اخوووووووووك

ابن عاااااااااااصم

عابد ... الشكر لك .اولا

ثانيا : شكر وتقدير للشاعر محمد بن شاكر الرمالي الشمري
على هذه القصيده .

ثالثاً : في انتظار رد الاخ سعد بن ثفنان القحطاني

ابن عاصم شكرا لمرورك / بعدين شكلك فهمت غلط محاكيك فقط مجرد ناقل للقصه والقصيده ..... ولك جزيل الشكر

ولد الشايب / العفو يالغالي والله لاهينك وأسعدني مرورك اللذي يزيدني فخر ومحبه لشخصك الكريم

تقبلو تحياتي

أبومحمد

ههههههههههههه اخوي عابد بس انت كتبت تحياتي وبعدين ذكرت اسم الشاعر

على العمووووووم يالذيب لا هنت

أخوي / خالد ...... يسعدني مرورك وتعليقك وتسلم لنا يالغالي وتسلم على كل ماتقوم به من مجهود ملحوظ ويكفي حظورك اليومي .... لاهنت ياغالي

اخوك

عابد بن مشهور

أبومحمد