|
قصيدة ترحيبية باالأمير/فيصل بن خالد
بسم الله الرحمن الرحيم
قصيـدة تـرحيبيـة بمنــاسبـةتشريـف صـاحـب السمـو الملكــي الأمير/فيصل أبن خالد بن عبالعزيزال سعود.. نائب أميـر منطقـة عسير..لشيخ شمل قبائل قحطان ووادعة الجنوب الشيخ/ فهد أبن عبدالله أبن دليم [poem=font="Simplified Arabic,5,darkred,normal,normal" bkcolor="transparent" bkimage="backgrounds/25.gif" border="double,4,darkred" type=2 line=0 align=center use=ex num="0,black"] ****** بسم الله اللــي منـه وأليـه المصيــر= رب كــريم ونكثـر السبـاح لــه يـا رب ثبتنـي دقـا يق قبـل أطــيـر= لا طيّـح المـايك وهـــد الراحـلـه ذا اليوم غير وكـل شي فيـه غــير=مــا ودنـا أنـهــا تنتهـي مـراحـلـه بوجـود أبـو خـالد تحــرك يا ضميـر=سلم علي اللي ا لبن الأشقر فاحله أرحـب وربـي غـير ترحـب يا الأميـــر=ترحيبة ا للـي شيـخ ربعـه صـاح له يقـول رحب ما غشـى سودة عسـير=وبّـل وبــراق الـمـخــايـل لا حـلــه قلت أرحب أرحب وأرحب أرحب يا الغزير=يا بحـرنا اللـي ما تضايـق ساحلــه أرض وطيت أبـهـا غدت مثـل الحريـر=حتـى لوّ أنهـا مـن زمـان قـاحـلــه الله يـديمـك وأنـت خـير وبحـر خـير=خـير روت منـه الكـفوف النـاحلـه مـاهـي غريبـة جـدك الحرّ الشهيـــر =اللـي سـبر نجـم بنجـد وراحـلــه عـزم علـى المسرى وربـه لـه نصير=جهـز زهـا بـه فـوق ظهر الراحلــه صبّح هل المصمك قبل صوت النذير=حر ّمـا دب الخـوف بسفـل كـاحله بان الصباح وصــاح بصـوت البشـيـر=والورق فـي نجـد العذيـه نـاح له حكــم بـلاد العـز فـي وقت قصـير=وحنا جنـوده في الجنوب أوشاح له يوم التقاء الجمعان في الحد الخطير=لـعيون أبـو تركـي عدانا راحـلـه سقـنـا عليهـم مثـل نــار زمـهـريـر=والرجل من فعلـه تجـي لمـداح له يقـدم لنـا أبـن أدليم بيرقنا الشهير=شيخ أقحـطان معـاهـد ألفطاحله بسـمه هــلا يـا سيـدي غيـث الفقير=زبـن الدخيـل اللـي سنينـه مـاحله طـلتـك عيـد للكبيـر و للصـغـيـر=مثـلـك عـزيـز ودامـت الأفـراح له ما هـي غـريبـة منـك تقدير الكبير=و أبـوك مـن ضـاقـت بوجـه راح له اللي كـسب لـه حـب منقطع النظير =الجود قصـره و الكـرم مفتاح لـه وأنتـه سعـدنا يسنـا البدر المنيــر=بـدر أحـبــه دائـمـا وارتــاح لـــه ذا اليـوم غـيـر وكـل شي فيه غير=مـا ودنـا أنـهـا تـنتهـي مـراحــله أرحـب وربـي غير ترحـب يــا الأميــر=ترحيبة اللــي شيـخ ربعـه صـاح له شعر/علي البورعي[/poem] |
اقتباس:
هكذا ولا بلاش ياسلام على الشعر وهله صحيح ان الشعر مواقف وانت شاعر مواقف صح والله لسانك ملايييييييييييييييييييين والله لايضرك تقبل خالص تحيتي |
الله يبيض وجهك يابو محمد
وانا اشهد انك ابدعت ماللمواقف الا رجالها وانت قدها وقدود ياطير شلوى |
يا سعّدنا والله يا قحطان بمثلك أيها الشاعر المفوه 00 (كثروا الشعراءأمثالك). قصيدة جزلة في موقف مشرف من شاعر يشرف من دعاه 00 الشاعر في القبيلة منزلته عالية وأنت إنشاء الله منزلتك عالية دائماً يا البورعي، لأنك تسعى لخدمة القبيلة إعلامياً وهذا الدور بدون مجاملة قد أجدته في هذه القصيدة الرائعة: يقول سعد بن هتيل الدوسري: [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] لا قدموني لابتي صرف ساعة = قدمتهم مقدار سبعة عشر حول[/poem] |
اقتباس:
صح لسانك ملالالالالاين يالبورعي انا اشهد انك شاعر مواقف وانك زدت هذا الحفل تألقاً بهذي القصيده اللي أعتبرها ملحمه كامله صح لسانك ... صح لسانك . |
صح السانك مليارات
على القصيدة الجزلة |
صح لسانك يابومحمد
علي الحرام انك وافي وما للمواقف الا رجالها وما للحمول الا جمالها بيض الله وجهك يالقرم قصيدة جزله ولا هيب على علي البورعي بغريبه فمن عوايدك الجزاله يا الجزل بيض الله وجهك من سد مارب الى سور الصين يالسنافي |
الرائع على البورعي لانستغرب الجزاله من الجزل كفيت ووفيت ابيض وجه وصح الله لسانك تحياتي لك العبيدي |
صح لسانك يالذيب
ويستاهل بو خالد كل الترحيب تحياتي |
شاعرنا علي البورعي
صح السانك مليون ولا يكفون جزله يا الجزل امتعتنااااااااا بهذه الرائعه تقبل تحياتي اخوك محمد القويفل |
| الساعة الآن 01:38 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com