مراسله بين مشائخ قحطان
هذه القصيده في الشيخ/ جعفر بن جمل بن شري شيخ المسارده
[poem=font="Simplified Arabic,5,blue,normal,normal" bkcolor="transparent" bkimage="backgrounds/17.gif" border="groove,4,red" type=0 line=0 align=center use=ex num="0,black"] كل يبـيله شيخة مثل ابن جمل = ولاكل من غاص البحر جاب مرجانه أميراً على أميراً كما نايف الجبل = ومن روس قوماً للنواميس طربانه ولاينحصون أبطالهم وجعفر بطل = قلبه ملياً أبيض الوجه بأيمانه بنى قصره العامر على الخط وأحتمل = ومثله يحمل الكايده وسط عربانه بنى القصر الابيض وأوثق الساس ماعجل = ولاعلم الحارس على صك بيبانه لمنه نصاه مدور القدر ما خجل = ولمنه نصاه مدور المخطيه هانه وأبشر لمنك جيت بالطيب والقبل = وحيلاً تفطح والمعاميل رنانه وابوناصر الله يجعله دوم بالمحل = ماهو من اللي شيخته مالها خانه له خاطراً بالحيل مايعرف الزعل = والنعم به يربع ونعم بأخوانه عيال عوداً لظلم الوقت واظمحل = يذبح أبله في المبارك لضيفانه ياوالله اللي منصبه ماقعد همل = عطي الامر ذخرك ياجمل وجعفر صانه فلاكل من هو يبغي المرجله حصل = عليها وكل أنسان له قدر ميزانه صافي العسل تجناه من طيب النحل = وطيب ابن شري يجيه من طيب جدانه جده خذا من القوم ميه في الجهل = وطب الخطر حتى هزم صف عدوانه تعلى جواده ثم في المعركه صهل = وداس العداء في حومة الموت بحصانه دون ابن عمه ياعلي ماخذاء السهل = دخل بحمر القوم كله على شانه كلاماً على معناه مايقبل الجدل = وترى الصقر ماهو ينهض الا بجنحانه من الابة اللي لجاء الخمل تردع الخمل = عيال مسرد لعلن الحرب فتانه ونعم بهم والله في القول والعمل = وكلاً يصادق لبن ملهي بقيفانه ختمت الكلام وبطلب الله وأبتهل= يتقبلني بفضله وعفوه وغفرانه [/poem] الشاعر /حسين بن معوضه أل ملهي الحبابي شيخ قبيلة ال ملهي الرشده الحباب ورئيس مركز القوباء ورد ابن شري : [poem=font="Simplified Arabic,5,blue,normal,normal" bkcolor="transparent" bkimage="backgrounds/17.gif" border="groove,4,orangered" type=0 line=0 align=center use=ex num="0,black"] يامرحبا وأهلين باللي لنا رحل = عدد من سعا بالبيت وأطاف بركانه نرحبكم ياحسين واللي معك وصل = تراحيب ملهوف لياشف خلانه بني عمنا الغالين ونرحبكم قِبـَل= كم أنتم لنا درع حصين وعوانه قريت الكتاب وشفتنا بيتك الجزل = تصبه كم صب الذهب عند وزانه ترا من رقا المرقاب لو كانهو وحل = يحمد العواقب والتعب صارله خانه ويامصعب المرقب ويامهون السهل = وكلاًعلى رايه وماروث جدانه وقروم العوادي دوم ماتقبل الدغل = وجور الزمن وسمعة الرجل عنوانه وكم واحد طفح وكم واحد حثل = وكم واحد غيث لربعه وجيرانه وكم واحد ندراه وأزعل ليا زعل = وكم واحد عفنا المجالس على شانه وزيارتك لنا ياحسين سمن على عسل = نبيها تواصل ماتجي شح وذنانه وبختم كلامي بذكر ربي على مهل = جزيل العطايا عالي الشان سبحانه وصلاتي على اللي مبعثه خاتم الرسل = شفيع الخلايق خصه الله برضوانه [/poem] |
ارحب ياسفر
بيض الله وجهك يالذيب علي هذا المشاركه وتستحق القراءه لانها جزله من شعراء وشيوخ ابن جمل وابن معوضه والنعم بالشايبن |
مشكووووووور أخوي سفر ولا هنت ...
قصائد وافية و جزلة لشيوخ وافين ... في انتظار جديدك .. أخــــ ابن شطفان ــــوك |
قصائد جزلة ومايهون من قالها
|
مشكووووووووووور
اخوي سفر الحبابي لاهنت يالغالي كثر الله خيرك وصحت السنت الشعار وفقك الله |
شكراً
حسين بن شتوي الحبابي "شاعر" ابن شطفان شيهان فتى الجوه يسعدني مروركم ومشكورين |
بيض الله وجهك وشيوخ قحطان
|
صح لسان الشيوخ ... وسلمت يمينك قصايد جزلة . .. ورائعة ... بيض الله وجهك وننتظر جديدك تقبل تحياتي |
هلا سفر ومرحبا الف سلمت يمناك ياذيبان
مراسله ترفع الراس من شعراء لهم وزنهم في الساحه لاهنت يالغالي |
الساعة الآن 12:12 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com