سعيد الفهري و حبيب العازمي
 

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سعيد الفهري=
ياسلام الله سلامً على النهج الصحيح=من ضميرً يدرك ان افضل الشعر اعذبه
يا حبيب لو بقي (لتر) في ديس المنيح=واستغاثك عود عطشان يمكن تشربه



حبيب العازمي=
مرحبا من صافي القلب ولسانً فصيح=والعباره للقصيد (اعذب) والا (اكذبه)
اللبن ماينفع العود خله يستريح=والشقاوي ماله الا نصيبه واتعبه



سعيد الفهري=
اشغالونا اهل الدعايات باسعار الفتيح=والفتيحي معه قرشين وآله حاسبه
كل مسلم خاف رب البشر ما يستبيح=شي ما هو من حلاله ولا هو بسببه



حبيب العازمي=
كل شي الا الذهب مير سعره ما يطيح=و الغني من الذهب يكنزه ما يجلبه
يا سعيد الطيب اللي على هبات ريح=ان لفيته وجبك ولفالك وجبه



سعيد الفهري=
وان غدرك الوقت يا طير شلوى لا تصيح=يمدي التاريخ عبا رفوف المكتبه
كل ما هبت عليكم من الايام ريح=كل طيب من يمينه ودقنه واشنبه



حبيب العازمي=
الكريم اللي عطاني وانا ماني شحيح=وانت كبر واحسن الظن والله اطلبه
كثروا العشاق كلً يقول اني جريح=واجد اللي يلبس الثوب واللي يقلبه



سعيد الفهري=
نعرف الوجه المبشر من الوجه القبيح=يمدي السكين تاكل قشار الحبحبه
كثرة الغلطات واللي بقاء عيسى المسيح=لو نزل في الارض طبعاً يقوم بواجبه



حبيب العازمي=
الحليم اليا غضب محتمل سده يبيح=والحكيم اليا غضب فتقوا شر اغضبه
[/poem][/QUOTE]

يعطيك العاااااااااافيه اخوووي محمد

ومحاوره رائعه

ولا عاد تبطي علينا قدلي مده ماااشفتك في المنتدى


اخوووووووك

ابن عااااااااااااااصم

اخوي محمد الجربوعي

دائما متميز بمواضيعك

شكرا لك على هذه المحاوره

محمد الجربوووووووعي دائما ماتجي الا بمواضيع متميزه

بس ترانا مبطييييييين ماشفنااااااك لا تخلينا

لاهنت يابوعوض واختيار في محله


للشاعرين حبيب العازمي وسعيد الفهري

شكراً لك اخي الكريم على هذا المشاركة
منهو منه من الفهر؟؟؟؟؟؟؟

الأخ العزيز محمد الجربوعي
بيض الله وجهك على النقل وجعلنا مانعدمك ياوجه عبيده

بالنسبه لسؤال الأخ أكيد قحطاني
سعيد بن علي الفهري من آل غانم الفهر

مره ثانيه أشكر الأخ محمد الجربوعي ومثل ماقالو الأخوان لاعاد تبطي علينا بالعلوم الطيبه 0


تقبلوا جميعا فائق احترامي وتقديري



كااسر

محاوره رائعة جدا بين افضل الشعراء