|
ابن ذيب بعد ان تمرد ع ال سعود الان يحتمي فيهم وهذا الدليل؟
بسم الله الرحمن الرحيم اسعد الله أوقاتكم قصه وقصيده احببت نقلها لكم انشاء الله تحوز على رضاكم الشاعر محمد الذيب كانت لديه استضافه في برنامج إذاعي في الإمارات وكان الشخص المرافق له شاعر إماراتي اسمه جراح وبعد ماانتهت الاستضافة قام الشاعر الإماراتي جراح ودعا الشاعر ابن الذيب للعشاء ولبى ابن الذيب الدعوة لكنه لما ذهبوا للمكان وجد أن المكان عباره عن مرقص ولأن المكان لا يتناسب مع أخلاقيات ابن الذيب فقد جاء الاعتذار منه للمضيف وخرج ابن الذيب وتوجه لغرفته في الفندق وبعدها بفترة قصيرة إذا بأحد موظفي الفندق يأتيه برسالة من الشاعرجرح متضمنة أبيات يقول فيها مرقص دبي اللّي له القلب يرتاح حتى سلاطيـن الجزيـره تدلّـه لاصار ما في شربة البن مصلاح غرشه من الويسكي بفنجال دلّـه وان كان يابن الذيب منته بمزاح فانا عقدت الحبل وانتـه تحلّـه هذي بدايـة معرفتكـم بجـراح إما شربت الكـاس والا فخلّـه رد عليه ابن الذيب بقصيدة رائعة يقول فيها : ماهوب صح الله لسانك ياجراح يكفي من العلّه ثلاثين علّه أنته وحكامك هل الكاس لا لاح والا سلاطين الجزيره لا بلّه حكام نجد اللّي ورا هضبة رماح ضلالهم مثل الجبال المضلّه صغيرهم يلعب بكم لعب مسباح ويسد فاه أهل القلوب المغلّه إن مد كف الطيب ماهوب شحاح والى تعزوا دولةٍ مستقله مانيب أزكيهم من جا ومن راح يمكن يجي في صفة القوم خلّه وان كان هرجك لي ولا انته بمزاح يما حلا بعض الحكي في محلّه ما نشرب إلا البن الأشقر إلى فاح والا حليب بكار في وسط ملّه رجل وطموحي من ورا النجم لا لاح أكبر من اني أشتهر في المجله يكفيني من المعرفه والتمداح إني إلى ضاقت علي قلت : يالله الوضع ذا مزعجني ولا نيب مرتاح بروح واخلي لك دبي كلّه |
رد : ابن ذيب بعد ان تمرد ع ال سعود الان يحتمي فيهم وهذا الدليل؟
وشدخل ال سعود !!
الله وكبر لحد يهول المواضيع :) تسلم |
رد : ابن ذيب بعد ان تمرد ع ال سعود الان يحتمي فيهم وهذا الدليل؟
حياك يا متعب
بس ياليت يكون ردك لطيف شوي لأن أختلاف وجهة النظر لا يخلف للود قضيه ولك الشكر ثانياً إذا كانت تجهلك قصائد ابن ذيب في حكامنا أعزهم الله وكثير من أبيات في قصائد له يقصد بها حكامنا بدأ يحاول تحسين صورته ثالثاً إذا اني نقلت الموضوع ليس من باب تكبير الموضوع إنما لكي يعلمون أعضاء هذا المنتدى عن هذه القصه وإذا كنت بأكبر الموضوع سأحلل كثير من قصائد ابن ذيب وأدخل بكم في ليل ماله نهار |
رد : ابن ذيب بعد ان تمرد ع ال سعود الان يحتمي فيهم وهذا الدليل؟
شاعر وابن شاعر
عز الله رد كفو وال سعود هل العلم الغانم يستاهلون المدح لاهنت |
رد : ابن ذيب بعد ان تمرد ع ال سعود الان يحتمي فيهم وهذا الدليل؟
ارحب يا مرعي
وابن ذيب ما يبيله شهاده لا هان غاليك |
رد : ابن ذيب بعد ان تمرد ع ال سعود الان يحتمي فيهم وهذا الدليل؟
[grade="00008B FF6347 008000 4B0082"]الله يعطيك العافيه على النقل
وابن الذيب شاعر اعتبره من افضل الشعراء وكذالك ابن شاعر ومن قصائده المشهوره : الصبي وان طاب طيبه من خواله ×وان تردى فأن خواله خايبيني اشرب الفنجال واكب البياله ×طيب واحب سلم الطيبني تحيااااااااااااااااااااااااتي اخوك محمد الجبعه[/grade] |
رد : ابن ذيب بعد ان تمرد ع ال سعود الان يحتمي فيهم وهذا الدليل؟
ارحب يا محمد ولا هنت
ولكن لي ملاحظه ع البيتين بحيث ان فيها خطأ وهذه القصيده كامله لأبو محمد بن الذيب : [poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=1 line=1 align=center use=ex num="0,black"] قالها إبن الذيب من هاجوس باله=كلمةٍ يلعب بها والبال زيني قالها يومه طراله ما طراله=من هواجيسٍ تشيب المرضعيني غرّني بعض الرجال بكثر ماله=مادرى إن الموت في حبل الوتيني كيف ينفعني وبعض الناس خاله=ما يدوم البيت كان الساس طيني ماش وين اللي عوايده الشكاله=مثل إبن ظافر حمد ليته يجيني الثنا والجود دايم في خياله=علّمه ظافر سلوم الطيّبيني جوّد العليا ولزّمها عياله=وأدركوا من علمته دنيا وديني واهني من باع حظّه وإشتراله=سار في درب النبي وأخزا اللعيني موقفه ماكل رجّالٍ يناله=ومن بغا ممشاه يقعد مرّتيني وكم ذبح من حايلٍ من حر ماله=وعادته لطمة خشوم لعايليني حالفٍ ماخذ على الطرقي رياله=وبالثلاث محرّم إنها ما تجيني لا لقيت اللي على السكّه لحاله=يلتفت ويقول : وين المستحيني أوقف الموتر حيا وأبغا الجماله=يوم ولد اللاش وجهه ما يليني والطمع في كرّوة الرجلي رذاله=خصّ به وإن جا مجال الغانميني والردي في حالةٍ ماهيب حاله=يا عوينه من كلام الطيّبيني الولد وإن طاب قالوا : من خواله=بالخوال يسال قبل الوالديني وأركبه لعيون من زينٍ دلاله=ما تحاكوا في قفاه الرامسيني ما بغى غيري وأنا مابغا بداله=قاعدٍ لي بالرجا مدّة سنيني ما قعدنا فالعمل نبغا الرزاله=ناخذ العليا طريق الفايزيني وأشرب الفنجال وأكب البياله=تابعٍ سلمي سلوم الأوليني[/poem] الشاعر : راشد بن حسن بن الذيب العجمي ولك كل التقدير والاحترام |
رد : ابن ذيب بعد ان تمرد ع ال سعود الان يحتمي فيهم وهذا الدليل؟
[grade="00008B FF6347 008000 4B0082"]ابن فهيد الله يعطيك العافيه على هذا السرد الطيب
عزا الله انك وافي وملاحظتك على عيني وراسي وصح لسانك ولسان من فالها تفبل تحيااااااااااااااااااااتي اخوك محمد الجبعه[/grade] |
رد : ابن ذيب بعد ان تمرد ع ال سعود الان يحتمي فيهم وهذا الدليل؟
لاهنت يابن فهيد
الثنتين اكثر من رائعه لا الولد ولا ابوه |
رد : ابن ذيب بعد ان تمرد ع ال سعود الان يحتمي فيهم وهذا الدليل؟
بيض الله وجهك وابن الذيب شاعر ما يختلف عليه وال سعود كفو ويستاهلون المدح 0
|
| الساعة الآن 05:17 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com