شطرن لابن ريفه
 

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="1,black""]
سهرت اقلب في جميع المضاريف=افتح بعضها والبعض في لحدها
كني مثل تاجر يحسب المصاريف=اصبح عليه الصبح محصى عددها
قريت في بعض الرسايل تواصيف=واللي بعدها تشبه اللي بعدها
احدن يصفف لك من الهرج تصفيف=يسقيك من عذب الهروج وشهدها
راعا المصالح لاحوتك الصواديف=تقصر حباله والمواقف جحدها
مسكرن بابه من الجار والضيف=مثل الحليلة ماتعدت ولدها
ماهوب كفون للرجال العواريف=اللي ينومس في اللوازم هددها
واحدن رقى بالطيب روس المشاريف=شيد مبانيها وثبت عمدها
المرجلة في البر والا على السيف=مرن يصبحها ومرن هجدها
ماهمته لندن وباريس وجنيف=ولاهمته عذرا ويرقب وعدها
يقدع من الجزله وفنجاله الكيف=كيف الشكاله في يمينه جهدها
ياقف معك لاصار فالوضع تحريف= والى تقفتك العواذل لهدها
اهل المدن تسمع بذكره مع الريف=لاكبرت القاله يفكك عقدها
رفقته قارب والفعايل مجاديف=ينجيك من غب الليال ونكدها
لاهيب رفقة ضحك والا طواريف= وبعض السوالف ليتها في مهدها
لوكان صدري مارمته العواصيف=كان السدود الممحله ماجردها
اصد بعض احيان واشوف واعيف= واصبر على مر السنين وجلدها
الوقت مانلحقه لوم وتحاسيف=كم واحدن درب السعاده فقدها
ماكل من يرحل نوى بالمناكيف=ولاكل غيمة يقتفيها بردها
بختم بشطرن لابن ريفه على الكيف=(عزالله ان من عز نفسه وجدها)[/poem]

رد: شطرن لابن ريفه
 

ماجد بن شارع العاصمي

بيض الله وجهك عالقصيده الوافيه

ويشهد الله انها من اروع القصائد اللي قريتها

ابيض وجه ياوجه قحطااااااان

رد: شطرن لابن ريفه
 

ارحب ياماجد

وبيض الله وجهك وصح لسانك وسلم بنانك واعتلا شانك

والجزاله انت دايم راعيها لاعدمناك

لاتحرمنا جديدك يابليهان

تقبل ودي وتقديري

رد: شطرن لابن ريفه
 

ارحب ياماجد

وبيض الله وجهك وصح لسانك وسلم بنانك واعتلا شانك

والجزاله انت دايم راعيها لاعدمناك

لاتحرمنا جديدك يابليهان

تقبل ودي وتقديري

رد: شطرن لابن ريفه
 

صح لسانك يابو شارع...

قصيدة تعانق نجوم السماء بشموخها...

تحياتي..




.

رد: شطرن لابن ريفه
 

قصيده وافيه من وافي

اعجبت بالقصيده كثيرا

رد: شطرن لابن ريفه
 

:applaudit:ماجد بن شارع العاصمي

بيض الله وجهك على هذا الكلام العذب

ويشهد الله انها كلمات تكتب بالذهب

على صدر الشعر الشعبي

ابيض وجه ياوجه قحطااااااان

وعلى المحبه نلتقي

رد: شطرن لابن ريفه
 

ارحب ياحزامكم وشهادتك يشهد الله انها وسام على صدري

رد: شطرن لابن ريفه
 

صح لسااااانك ياماجد

عز الله انك ابدعت والابداع من طبعك

لاهنت

رد: شطرن لابن ريفه
 

ارحب يامشرفنا الخلوق ابوعساف

مرورك شرف لي جعلني ما ابكيك