|
جديد سلطان الهاجري
قصيده للشاعر الكبير سلطان الهاجري في حثلان
يا بو هادي ولع النار و اسمع و يش أقول ==كل ما غنيـت لـي بيـت غنـه واكتبـه فيه حاجة قد لها أيام في صـدري تجـول==كنهـا تآكـل عظامـي و دمـي تشربـه انهبـل معهـا و كـن مانـي بمهـبـول==بين حين و حين أهوجس و اسرح و انتبه و من نشدني قلت حملي ما هو مثل الحمول==يملـك الرجـال ملكـه لدقنـه و شنـبـه لو نشدت أهل التجارب رزينيـن العقـول==قالـوا المعـروف مالـه حلـي ولا شبـه ما ملكني غير معروف زحل ٍ مـن زحـول ==الكريـم اللـي مزايـاه مـن ربـي هبـه مدته و بل ٍ مـن الغيـث دهّـاج السيـول ==اطيب المدات و أغلى الهدايـا و اصعبـه ذاك حثلان السبيعـي و اكررهـا و أقـول==متعب الأبطـال راعـي الفعـول المتعبـه انجرح ظهر الجمل و انحنى رأس الذلـول==و الهبايب نودها صلـف و القـاع حدبـه و انتهى وقت الحكي و ابتدا وقت الفعـول== لد عينك يـم حثـلان و انخـه و اندبـه لين توحي في دماغـه مثـل دف الطبـول==صامل الفزعـات شبـاب نـاره بحطبـه نسل فرسان المعارك على سروج الخيـول==اهل التومان و أهـل السيـوف المذهبـه حزة ٍ فيها الـردي لا يقـول و لا يطـول==و الشجاع اللي بفـوزه يفـوزون عربـه ما ذكرت الا الحقايق على حسب الأصـول==فيك يا حثـلان راعـي الفعـول المتعبـه تحياتي |
رد : جديد سلطان الهاجري
الســــــــــــلام عليكم ورحمته الله وبركــــاته
الله لا يهينك يا الفهري وابو وســــــــــــــــــــــــــــام شاعر الوزن الثقيل ما يحتاج ولا يرقب مدحي له وافي وإللي جاب قصيدته وافي ولا عليك امر يا الفهري تقبل اضافتي لــ موضوعك لأزينه بالقصيده مسموعه http://www.qahtaan.com/works/up/down...1184779637.amr وتقبل مروري يـــــــــــــا القرم [size=4]أخـــــــوك / سعيد بن حسين الجهيمي البشري[/size]:46_asmilies-com: |
رد : جديد سلطان الهاجري
لاهنت يا وجه جنب على النقل الي اكثر من رائع
وصح السان ابو محمد علاااااااااااااااااا شااااااااانك وعلى لخرى عااااااااااااااااااانك تقبل مروري فديت وجهك |
رد : جديد سلطان الهاجري
قصيده رائعه
شكرا على النقل ,, مااجمل هاالبيتين: انتهى وقت الحكي و ابتدا وقت الفعـول== لد عينك يـم حثـلان و انخـه و اندبـه لين توحي في دماغـه مثـل دف الطبـول==صامل الفزعـات شبـاب نـاره بحطبـه |
رد : جديد سلطان الهاجري
بسم الله الرحمن الرحيم
السلام عليكم ورحمة الله وبركاته ذاك حثلان السبيعـي و اكررهـا و أقـول==متعب الأبطـال راعـي الفعـول المتعبـه انجرح ظهر الجمل و انحنى رأس الذلـول==و الهبايب نودها صلـف و القـاع حدبـه والله ونعم وصح لسن سلطان على القصيده الجزله ويالبشري القصيه محرمه لاتشتغل الله يعطيكم العافيه تقبلو مروي_عبدالله السحيمي |
رد : جديد سلطان الهاجري
:46_asmilies-com: :46_asmilies-com: بيض الله وجهك:46_asmilies-com: :46_asmilies-com:
|
رد : جديد سلطان الهاجري
اقتباس:
والله ما يزين مواضيعي اللى انت شرواك وجعلني مابكبك يابو حسين |
رد : جديد سلطان الهاجري
اقتباس:
ارحب ارحب يابو ناصر الله لا يهينك على المرور ويبيض وجهك |
رد : جديد سلطان الهاجري
اقتباس:
العفو طال عمرك |
رد : جديد سلطان الهاجري
اقتباس:
الله يعافيك |
| الساعة الآن 11:01 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com