شبكة قحطان - مجالس قحطان - منتديات قحطان - طيب الهاجري وقصيدة العتيبي

قال هذه القصيدة مادحا المهندس / فلاح بن فهد بن محمد ال طاير الشوف عندما قدم أحد ابناء قبيلة عتيبة من السعودية إلى الكويت وأقام حفل زفاف ابنه فى الساحة التى أمام بيت فلاح الهاجري ولم يكن بينهم سابق معرفة وقام فلاح بالواجب تجاه جيرانه فعندما شاهد الشاعر حمدان العتيبي ما قام به فلاح ومواقفه الطيبة معهم مدحه بهذه القصيدة

[poem=font="Simplified Arabic,5,white,normal,normal" bkcolor="transparent" bkimage="backgrounds/38.gif" border="none,4,gray" type=0 line=0 align=center use=ex num="0,black"]
سر يا نديبي ووصل الخـط فـلاح =فلاح ابن فهـد عريـب الجـدودي

راع الفعول الطيبـة يـوم الفـراح =غير الأناره جـا يسـوق القعـودي

وشرع لنا الديوان من جـاه يرتـاح =عن بارح الجـوزا علينـا بـرودي

وللضيف ما للبـاب قفـل ومفتـاح =مفتـوح دايـم للنشامـا الوفـودي

له فى الكرم والجود مسري ومسراح =ابن الرجال اللـى سـواة الفهـودي
هواجـر يشـرون بالمـدح الأرواح =رجالهم فى الطيـب دايـم يـزودي

والطيب بحر متعـب كـل سبـاح =الا على الطيب تـرى مـا يكـودي

هواجر ولهم مـع الطيـب مشـواح =يرقون راس الطايلـه بالصعـودي

هواجـر يـوم الزمـان الـذي راح =محـد تعـدي دارهـم والحـدودي

يوم السيوف الحدب والشلف ورماح =حريبهـم مـا يهتنـي بالـرقـودي

وان ركبوا اللى كنهن صيـد قـراح =يرفع علمهم فـوق راس العمـودي

هم فزعه اللى زابن عـط بصيـاح =وان قال يا ربعي خذوا القوم ذودي

لحقوا وردوا ذوده اللى بهـا القـاح =خلـوه بالنـوق الغوالـي يعـودي

وكم واحد فى المعركة قدمهم طـاح =نا حن عليـه امنسعـات الجعـودي

وعليه يكسر حايـم النسـر بجنـاح =زاد وقـع لمحجـلات العضـودي

يستاهلـون الطيـب مانـي بمـزاح =والله على ما قلت خيـر الشهـودي

عزاز النفوس لجارهم ستر وسنـاح =ومن لا يعز الجار ما فيـه فـودي

والجار لو انه كمـا الكلـب نبـاح =يحشم ولا ترمـا عليـه الحيـودي

نبينا وصي علـى الجـار بالحـاح =وكل قرا عـن قصتـه واليهـودي

وصلوا على اللى دلنا درب الاصلاح =عد المساجـد والعبـاد السجـودي
[/poem]