|
شعراء قحطان اللي شاركوا في شاعر المليون
بسم الله الرحمن الرحيم
السلام عليكم وش حالكم يا رجال هذا الموضوع يذكر فيه شعراء قحطان اللي شاركو في مسابقة شاعر المليون وهو موضوع متجدد بمشاركاتكم والاخبار اللي عندكم وابدأ انا بــ : عايض بن هداف بن عايض بن غيده آل سليمان القحطاني ___ من هل قطر وهو شاعر ولد شاعر و حفيد شاعر وعمه ذيب بن عايض شاعر قال قصيدته امام اللجنه واجازوه فوراً الا ان حمد السعيد شك في ان عايض اللي قال القصيد ولاكن ابو هداف عطاهم قيده ثانيه وعقبها ما عاد قدرو يقولون شي تحياتي وننتظر مشاركاتكم |
رد : شعراء قحطان اللي شاركوا في شاعر المليون
لاهنت عالموضوع
بس فيه غيره كثير الهاجر ي والحبابي..... |
رد : شعراء قحطان اللي شاركوا في شاعر المليون
بسم الله الرحمن الرحيم
السلام عليكم ورحمة الله وبركاته ارررررررحب يا هبشان وانت صادق فيه سعيد الهاجري من قطر واجازوه وعبدالعزيز الحبابي من قطر ولم يجاز بس انا بغيت اعطيكم فرصه على شان المشاركات وبصراحه ما عرف عن الشعار عبدالعزيز وسعيد شي فياليت يا هبشان تفيدنا باللي تعرفه عنهم بما انك من هل قطر وتحياتي لك واشكرك على المرور العاطر |
رد : شعراء قحطان اللي شاركوا في شاعر المليون
والنعم ...
إلا من آل سليمان هم اللي شككوا في أن القصيدة حقته كونها طويلة وهو صغير ؟؟؟!!!! ------------------- ونسيت الهاجري ههههههههههه والله إنه عيار ما شاء الله عليه نكته أتمناله الفوز من قلبي ... ================= تحياتي لكم بلا حدود من المريخ للأخدود ... |
رد : شعراء قحطان اللي شاركوا في شاعر المليون
الله يوفقهم جميع
لاهنت اخوي |
رد : شعراء قحطان اللي شاركوا في شاعر المليون
يوجد مجموعة كبيرة من شعراء قحطان
لكن العدد المطلوب 48 شاعر فبهذا سوف يستبعد عدد كبير من المتسابقين وسوف يكون للواسطة حضور للوصول للـ 48 شاعر لاهنت ياعبدالوهاب وحلقة الرياض سوف تظهر عدد كبير من شعراء قحطان تحيتي |
رد : شعراء قحطان اللي شاركوا في شاعر المليون
برنامج في لجنة تحكيمه تركي المريخي ما يستاهل من يتابعه و يضيع وقته علشانه وانتم شفتوا حركاته واسلوبه العام الماضي وخاصة في الحلقات الاخيرة .. عموما دعواتنا لشعراء قحطان بالتوفيق واظن فيه واحد مسردي أسمه عايض بن مناحي بيشارك في المسابقه
|
رد : شعراء قحطان اللي شاركوا في شاعر المليون
السلام عليكم ورحمة الله وبركاته
هلا اخوي عبدالوهاب فيه مراقب المجالس الأدبيه الشاعر عوض بن شفلوت المناديه مشارك في البرنامج وايضاً من شعراء الموقع الشاعر / بدر بن هادي الوبري الشاعر / فهد بن مبارك المكورد الشاعر / سلطان بن مسفر بن سعيدان الشاعر / مخرب بن فلاح آل روق هذولا اللي تحضرني أسمائهم ولا ادري عن غيرهم . |
رد : شعراء قحطان اللي شاركوا في شاعر المليون
بسم الله الرحمن الرحيم
السلام عليكم ورحمة الله وبركاته ارررررررررحبوا يا رجال الله لا يهينكم على المرور جميع اقتباس:
الله لا يهينك يا صقر على ذي المعلومات الطيبه اقتباس:
وتحياتي لك اقتباس:
الله يعدلها يا رجال بس ان شالله ان حامل البيرق من عيال الشايب اقتباس:
وسع صدرك يا رجال وتركي المريخي يمثل نفسه اقتباس:
بيض الله وجهك يابو مسفر على ذي الاخبار الطيبه وانا متفائل خير ذي السنه والشعار اللي قلتهم فحول شعر ولا يقصرون |
رد : شعراء قحطان اللي شاركوا في شاعر المليون
بسم الله الرحمن الرحيم
السلام عليكم ورحمة الله وبركاته الله يوفقهم وان شاء الله ان البيرق لواحد من صبيان قحطان لاهنت يابو عابد |
| الساعة الآن 07:58 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com