شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مجلس عذب الكلام (https://www.qahtaan.com/vb/forumdisplay.php?f=16)
-   -   أبيات في القهوة العربية (( الكيف )) (https://www.qahtaan.com/vb/showthread.php?t=1296)

مخرج 14 04-01-2005 03:15 PM

أبيات في القهوة العربية (( الكيف ))
 
[poem=font="Simplified Arabic,4,black,normal,normal" bkcolor="burlywood" bkimage="" border="double,9,black" type=2 line=0 align=center use=ex num="0,black"]





ياسعود شب النار سمرن حطبها .=. وأدع النشــاما وأجلب الزل ياسـعود
وأجلب معاميل تشادي ذهبهـا =... من و ارد الرســلان من ورثة جـدود
مشـريت من السوق محدن جلبهـا..= ذخر لنا موروث من تركت فهــود
وأحضرلي المحماس ياسعود جبهـا .=. وعطني معك بريـّة وقــم معـدود
وقرب عليّ النجـر عطني زهبــهـا..= نجـر بحسـه ون رعـد يطرب العـود
وهات العويدي يوم قلبي طلبـــهـا =.. نقـوه من الهنـد البعيـده ومشـدود
والزعفران مع الزباد أحتســبها .=. ليـّاك تنسـاهـا ويلحقك منقــود
وأحمس لنا طبخة هوا من شربها.=. وأحـذر نياها وأحذر النقص والزود
واليا أستوت والنار عالن لهبها.=. صبـه بقيس جوف نجرن لـه أرعود
ثم دقهـا برفوق لاتســرع ابها.=. تراك بعد اتسوقهـا حيل منشــود
واليا جهزت وماك صفو امعذبها..= دلتك لقـمهـا على القيس بركـود
ثم أركها فوق الجمـر وأجتذبهـا ..= لافاح ماهـا وأقتلب حبـها زود
وأصبر عليهـا شــوّي ثم أمسك ابها ..= بالبيز مشغول المزايين ياسـعود
ثم صبها عطني بكاير صببــها.=. في وسط فنجال من الصين مـاكـود
ثم ثنّـهـا ياسعود لاتبخل ابها..= خابرك أنا في صبـة الكيف مـعدود
وفنجال ثالث يقعد الرأس جبـهـا..= واليا شـربتـه طابت النفس بحـدود [/poem]

خالد آل مطرف العاطفي 05-01-2005 02:33 AM

عشت ...ولله عشت
 
صح السانك صح السانك
وبيض الله وجهك على ذا القصيده اللي توصف بها كيف النشاما
ابدعت في الوصف وابدعت في القول ..
وننتظر منك المزيد من المشاركات والقصائد المميزه ..ولاهنت على كل حال
اخوك
خالد

فارس قحطان 05-01-2005 08:23 AM

اخوي مخرج 14

صح لسانك وبيض الله وجهك

قصيده رووووعه في وصف القهوه

لكن هل هذه القصيده لك !
او منقوووووووله ، مجرد سؤال


وشكرا لك

ابوابراهيم العبيدي 05-01-2005 06:57 PM

قصيده وافيه.... من شاعر وافي.... في وافي الكيف
 
ارحب يا مخرج 14
اخوي الغالي مخرج 14 صح لسانك وسلمت يمينك
من جمال القصيده اعيد واكرر ما قاله المراقب العام هل القصيده لك او منقول
اذا كانت لك وانت ان شاء الله كفو لها عطني الok واثبتها في منتدي الشعر النبطي وتستاهل التثبيت.
اذا كانت لشاعر غيرك ياليت تزودنا باسم صاحبها لكي نوضح للقاريء لمن هذه القصيده وصح لسانك على كل حال وارجو ان لا يدخلك نوع من الشك في طرحي كل ما في الأمر هو التوضيح لا اكثر وتقبل خالص شكري وتقديري لهذه المشاركه الرااائعه
اخوك
ابو ابراهيم العبيدي

عبيدي الدمام/ابوزياد 07-01-2005 02:19 PM

مخرج 14 شاعر معروف وله من الشعر ماقيل ويقال ..
اما القصيده فلا اعلم هل هي من قصائده المعروفه ام لا ..!!
اتمنى من شاعرنا تبليغنا بذلك ومثل ماقال : ابو براهيم والمراقب العام ..
الله يعطيك العافيه على هذه القصيد وتستاهل التثبيت حتى لوكانت ليست من شعره وذلك من معانيها الواضحه ..

مخرج 14 07-01-2005 10:42 PM

مساكم الله بالخير ولاهنتو جميع على المرور واما بخصوص القصيده فهيه منقوله من شاعر اكلبي والا يحظرني اسمه بس أ عجبتني وحبيت اشاركم بها..................................

هوى ابن جدلان 12-01-2005 12:30 AM

الله يعطيك العافــــــــــــــــــــيه
لاهنت

هاوي نجد 12-01-2005 04:34 AM

الله لا يهينك
 
بيض الله وجهك يا مخرج14 قصيدة جزلة

سلمت يمينك يا كحيلان



اخوووووك

هــــاوي نجد


الساعة الآن 04:12 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com