[grade="00008B FF6347 008000 4B0082"]قحطان بركان العرب لا ثار ثار =يقذف حممه من الغضب بركانيه
قحطان لابه من قديمات العصور =متمسكه بسلومها للآنيه
حنا قحطان اصل العرب فصل العرب =مليون نعم ونعم ياقحطانيه
غصب على كبار العرب وصغاره =وغصب على الحساد والعدوانيه
حنا قحطان وجدنا هود النبي =يشهد بها التاريخ والحسبانيه
حنا الفخر حنا الضفر سعد الضفر=ايه افتخر في عزوتي قحطانيه
امدح بني عمي مقابيس الدجى =لا عنكب البارود والدخانيه
يردون لحياض المنا يا كنهم = قيف ورد قيف بغنى وطربانيه
ولا خير فى الي مايثبت حجته =بالفعل والشاهد على البرهانيه
ولا خير في الي يهضم حقوق العرب =بالزود والتزيف والبهتانيه
اعلى منازلنا على شط العرب =ضخام العمد في خدمه الضيفانيه
في ضلها آسود وحرار ندري =ستر الكواعب داعجي الاعيانيه
واسفل منازلنا على شط الخليج =لديار ابن يآس وهوى الاضعانيه
يبرالها آلموت الحمر يبرالها =اهل الفعايل من قديم ازمانيه
ولنا على نجد العذيه موردا =عين اليمامه مورد الكهلانيه
ولنا على نجد العذيه موكرا=وكر الحرار وموكر الشيهانيه
فيها رموس شامخه فعل وذكر =آثار للشجعان والقيفانيه
دخيلنا في وجيهنا ماينضهد=قرعي وردي شان رد فلانيه
والجار نستر غيبته ونحشمه =والسيئه نجزيه عنها احسانيه
نفدى القصير بدم فلذات الكبد =مثل المهادي وجيره السبعانيه
اوفاء مفرج مع محمد قصرته =يانعم بالجيره وبالجيرانيه
وخوينا ناخذ بثاره لو بعيد =من بدنا لا ندنا لو دانيه
ببدى وعدد في جدودي لين لين =لين الحق بهود النبي جدانيه



محمد العاطفي
السلام عليكم ورحمه الله وبركاته

قمه في الابداع
ماشاءلله ماشاءلله
وفيت00 سلم لسانك00واعتلى بنانك
ايه الشهم كفو 00كفو قمه في الابداع
مفردات جميله وروعه اعجز عن اعطائها حقها
لك مني السلام والتحيه[/grade]

صح لساااانك يابو مبااارك

علي الحرام انها تشوش الرااس

والله انك قده وقدود يوم قلت :

ان كنت فرعون الشعر جاك الدرك.....الطود يامقرود والطوفاانية


انا في بالي كلام كثير كثير كثير ....لكن ما اقول الا والله اللي جابت امك ولد ...

تقبل تحياات
اخوك
السيف النادر

عبد الله المهداني


مرحبا ومسهلا ولاهنت على مرورك الكريم



وتسلم




تحياتي وتقديري

صح لسااااااااااااانك ياذيبان

وماشاء الله عليك وبيض الله وجهك

والله يا ابو مبارك هذي قصيده لا يكتبها الا شاعر غير بالفعل

وهذا النمط من الشعر لا يجيده الا كبار الشعراء كالمتنبي وغيره بالفعل

فلله درك من مبدع حقيقي وبالفعل لا استطيع التعبير فالحروف عاجزه والله


ويا ليت يا ليت يا ليت يتم تثبيتها على حسب ابياتها


كل بيت بسنه ويستاهل والله اكثر

صحيح الإعجاز لاينتهي
 

السلام عليكم

صح الله لسانك وعلى الباقي عانك

وجعل يد كتبتها ما تربط

وجعل راس بدعها يبطي حي


وتقبلوا فائق تحياتي

الاخ العزيز .... محمد العاطفي .....صح لسااااااااانك ملياااااارات على المعلقة الرائعة والوافية .....

بيض الله وجهك وماقصرت ياالذيب .....