وقع الرساله مثل وقع الدناميت
 

بسم الله

السلام عليكم

متواضعه


[poem=font="Traditional Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]


رن الجهاز ودار فكري وفزيت = فزت غريب ٍ غربلته الحلومي

قريت مضمون الجواب وتعزويت = لنا ولد مفلح ,, قوي العزومي

وقع الرساله مثل وقع الدناميت = ليا انفجر في شامخات الرجومي

وفيت ياراعى الرساله وكفيت = يفدونك ضعاف النفوس الرخومي

لاتحسبني ’’ ياحمر العين صديت = ولاسمعت مروجين العلومي

عن واجبي يامحزمي ماتخليت = لاعاش قلب ٍ ماتجيه الهمومي

انا من دلال ’ الحمايا ’ تقهويت = سلم ٍ لربعي من خيار السلومي

والعذر منكم يالسنافي ليا ابطيت = ضاع الجهاز الي يضم الرقومي

ودورت رقمك يارفيقي ودقيت = غير اعتذر خمسة ليال ٍ ويومي

ولاصار ياطير السعد ماتهنيت = كيف اتسلى واتهنى بنومي

ويالادمي لوفي حياتك تعنيت = ترى العنا " مثل الهنا مايدومي

والضيقه الي تشتت الفكر تشتيت = باتي فرجها بين ليله ويومي

عنز على رب المخاليق والبيت = وابشر بفزعة من يسد اللزومي

لاتقول عاصرت الليالي ومليت = من رحمة الله مايعيش محرومي

وترى التكاتف منوتي لوتمنيت = بين الرجال الطيبين القرومي

وبعض الرجال ليازهمته تسليت = تشوف قسمه من خيار القسومي

وعلى ماقال ابن العجي ذايع الصيت = ’’ الي جوابه مثل صقع النجومي ’’

بعض العرب لاهوب حي ٍ ولاميت = بهيمة ٍ والله ,, بخلقه رحومي

واستغفر الله واتعذر ليا اخطيت = مانيب عن زل اللسان معصومي

وصلو على نبع الهدى يوم صليت = عداد مالاحت " بروق الغيومي[/poem]

وسلامتكم

رد : وقع الرساله مثل وقع الدناميت
 

اللهم صلّ وسلّم عليه

ومن قال سالم

مشخص الفهري , صح لسانك

وبيّض الله وجهك , مبدع وجزل وهذا ما عوّدتنا عليه في قصايدك

لاهنت

رد : وقع الرساله مثل وقع الدناميت
 

ارحب يامشخص صح لسانك وبيض الله وجهك
مبدع كعادتك يابن مفلح

رد : وقع الرساله مثل وقع الدناميت
 

صح لسانك

والله لا يهينك على القصيدة الاكثر من رائعة

رد : وقع الرساله مثل وقع الدناميت
 

ونعم مليووووون يابن العجي


وقصيدتك جزله صح لسانك يالجززل

رد : وقع الرساله مثل وقع الدناميت
 

صح لسانك يابو محمد

مبدع دائماً ونال هذا النص على اعجابي بشكل كبير

ولك مني جزيل الشكر والتقدير
على تواصلك الطيب وحضورك المميز

رد : وقع الرساله مثل وقع الدناميت
 

أخوي مشخص الفهري

صح لسانك واعتلا شانك

رايعه بروعة حضورك

لك احترامي وتقديري

رد : وقع الرساله مثل وقع الدناميت
 

العبدي ارحب ولاهنت يالذيب

رد : وقع الرساله مثل وقع الدناميت
 

ارحب يابن غوينم ولاهنت

رد : وقع الرساله مثل وقع الدناميت
 

وقع قصيدتك مثل وقع الدنميت
بيض الله وجهك
وأبدعت
تقبل مروري