((خـــــــــولان بن عامر ومفرح بن بـــداح السبيعي))
 

السلام عليكم ورحمة الله وبركاته

هذه محاورة كبار وعمالقة في معناها وقوتها جرت بين شاعرين كبيرين ومعروفين

((مفرح بن بداح السبيعي ))
و
((خــــــــولان بن عامــــر))


ومن جمالها وحلاوة معناها احببت ان انقلها لكم هنا امل ان تحوز على رضاكم

[poem=font="Simplified Arabic,5,indigo,bold,normal" bkcolor="transparent" bkimage="" border="solid,medium,gray" type=2 line=0 align=center use=ex num="0,black"]
خولان بن عامر

سـلام والمعنـى خطيـر وكـل مايذكـر خطيـر=اللي عجز يفطـن لهـا بكـرة يبـا يفطـن لهـا
يامفرح بـن بـداح مـال الكايـده غيـر البعيـر=لكـن فـي تالـي الليالـي عـجـز لايشتلـهـا


مفرح بن بداح


يـا مرحبـا ترحيبـةٍ تسـوى لهـا مـالٍ كثيـر=يالشاعر اللي فـي المواقـف خوتـه مـا املهـا
الحمل في ظهر الجمل محمـول والصايـر يصيـر=إمــا حملـهـا كلـهـا وإلإ تركـهـا كلـهـا

خولان بن عامر


وبك البقاء ياشاعـرٍ عـارف ولـه قـدرٍ كبيـر=اللـي ليـا صعبـت الامـور الكايـدات يحلـهـا
قالوا جمل قلنا جمـل بيـن الركايـب لـه هديـر=لكن ويش اللـي حصـل بيـن القصـور وظلهـا

مفرح بن بداح
سولف وفضفض عن همومك وأعتبر سرّك في بي=القـوم لـو تكشفـك مـا خلتـك تأخـذ بلـهـا
اللي حصل بحث الدعاوي وأسمـع العلـم الاخيـر=انته وش اللـي دخلـك بيـن الهنـوف وخلهـا

خولان بن عامر


العام يابن بـداح تاجـر والسنـه هـاذي فقيـر=قـل للجماعـه قلهـا قــل للجمـاعـه قلـهـا
بكـره يشوفـون المهنـد والمقمـع والشطـيـر=حتى اليماني شفرتـه يمكـن علـى امـه سلهـا


مفرح بن بداح

العام في خير ورخا واليـوم يـا معـوض بخيـر=أهــم شــئ المعنـويـه عالـيـه لعـلـهـا
أبشـرك فرقّـت فـي الشلـه وتسريـح المديـر=والدائـره وإمامهـا واللـي بعـد يــذن لـهـا


خولان بن عامر

رحتوا كذا مادري كـذا بيـن المـدرج والصفيـر=والطائـره قـام الهـواء يصفـق بهـا ويشلهـا
فرقتهـم لكـن رايـك دائــم بــه تستشـيـر=واشوار بعض النـاس تجهـل دقهـا مـن جلهـا

مفرح بن بداح
رحنا مع الدرب اليمين ومن بغى الايسـر يسيـر=والطائـرة فـي الجـو كبتنـهـا لـبّـد يتلـهـا
اليوم والليله وش تخايـل يابـو طـرفً بصيـر=المّي والخضرة مـع الوجـه الحسـن يـا حلّهـا

خولان بن عامر
ايـام عبـدالله فضالـه قبـل مايظهـر بشـيـر=كان اغلب العربان بيـن العشـق وانـواع اللهى
واليوم والليله يقود الغيـض سلـك مـن حريـر=احـدٍ عيونـه حمّـرت واحـدٍ دموعـه هلـهـا

مفرح بن بداح
ايـام عبـدالله فضالـه كـان جمهـورٍ غفـيـر=لوقلـت لـه ويـن السعـادة قـال مـا يدّلـهـا
واليـوم لعلـك تشـوف وتستمـع عبـر الاثيـر=فلّـة حجـاج ولا علـيـك إلإ سـنـه وتفلـهـا

خولان بن عامر


ذيك الليالي غير يابن بـداح وامـا اليـوم غيـر=عسـك تسلـم مـن كبـود ينطحـن لـك غلهـا
ماتـدري انـك كـل ماحاولـت يالاشقـر تطيـر=قامـت معاصيـر الـريـاح العاتـيـه تحتلـهـا

مفرح بن بداح
ان كان مالت رؤس شرهتها على السيف الشطيـ=اللـي يعدلهـا ليامـالـت وكــم عــد للّـهـا
لو اني احسّب سموم القيـض واطيـاف الهجيـر=ما كان طوعـت العسيـف اللـي حسيـنٍ دلهـا

خولان بن عامر

احسب حسابك والفلك فـي كـل لحظـه يستديـر=اهـل الشجاعـة تالـي الايـام شفـنـا ذلـهـا
الفرق في جيش ابرهه من جيش موسى بن نصير=الفـرق واضـح والصـلاه اللـي تنجـي صلهـا

مفرح بن بداح

انا احمد الله مـا وردت العـدّ بالحبـل القصيـر=أسرح لها قبل الشروق في المساء ضـاوي ٍلهـا
وفر علومك لا توصيني تـرى مـا نـي غريـر=ألطم عيون أهل الخطـاء واهـل الجـلال أجلهـا
خولان بن عامر
غلاك يجبرني على اللـي قلـت يالبحـر الغزيـر=ولا ان بعـض القـوم اعـدي بيتهـا وازلـهـا
اهـم شـي البـر لايصبـح بعـد بكـره شعيـر=بعـض السحـاب يمـر دار مسنيـه مـا بلـهـا
مفرح بن بداح


يا الطيب الله لا يغلـك وانـت محسـوب وقديـر=تتعـب علـى الكلمـه وتأخـذ مثلهـا ردٍّ لـهـا
أهـم شـئ المعرفـه والطيـب والاسـم الجديـر=خولان بن عامر مـع الحكمـة تقـول أخـوٍّ لهـا [/poem]

لاهنت يا نساس


محاورة قوية جددددا


فيها من المعاني يا شعار المعاني......




مهيب غربيه عليهم شعار كباااار

السلام عليكم ورحمة الله وبركاته
الأخ نسنانس الجنوب

صحت السنت الشعار

ولاهنت على النقل

نسناس الجنوب



جمل الله حالك وبيض الله وجهك انت ومن مر من هنا

كنك داري ايش في الخاطر




تقبل خالص تحيتي

اررررررحب ارررررررحب مليووووووون بك وبما جبت ...




محاوره اكثر من رائعه ... واكثر من قويه ....



وبيض الله وجه ممثلنا .. الاستاذ \ خولان بن عامر ... وجعل من خلفه في الجنه ..



لاهنت مره اخرى على النقل

بيض الله وجيه الشعار ولاهي غريبه منهم وبيض الله وجه من نقل لنا هذه المحاورة التي تستحق النقل