لا ثم لالا.. ثم لالا ..ثم لا .. ثم الف لا
 

بسم الله الرحمن الرحيم
السلام عليكم ورحمة الله وبركاته

قال صلى الله عليه وسلم( لا يؤمن أحدكم حتى أكون أحب إليه من ولده ووالده والناس أجمعين).. حديث صحيح

.


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا.ثم لالا.. ثم لالا..ثم لا. ثم الف لا =إلا الحدود اللي نموت ولا يجاوز حدها
لاثم لا.. ثم الف لا.. ثم الف لا.. ثم الف لا = إلا الحمى .. إلا حدودٍ شانها من حدها
لالا ياعبَّاد الصليب .. اكَّالة الخنزير ..لا= لا تستبيحون الحمى متجاوزينٍ حدها
إلا رسولٍ شرّفه ربه على كل الملا = مكارمه يحتار محصيها ويصعب عدها
جات البشاير ترفع اسمه منذُ الاحقاب الأُلى= ورسالته تنبي تباشير امسها عن غدّها
جا بالرشاد وصك باب الظلم والليل انجلى= هلّت به الدنيا فرح من حدها لي حدها
مسراه من مكه الى رب السماوات العلا = في ليلة فاحت عبايقها وفوّح ندها
اكرم عباد الله واشجعهم وأسجاهم حلا= راعي يمينٍ تجزل المده ولا ترتدها
واصبر هل الوقفات في الشده وعند الابتلا= هو هو في متيسِّر الدنيا وفي مشتدها
اللي من الصدق ارتفع قدره وبالهيبه علا= هيبة شموخٍ مادرج فوق الوسيعه ندها
يشهد له الليل الظليم إليا توحّد واختلا= ودروع حرب وخيل وسيوفٍ شهر مغمدَّها
اللي ليا اشتد الرمك جاهر بالايات وتلى= ياقف بالازمات الكبار الصارمه ماعدها
دونك نجاهد يارسول الله بايمان وولا= دونك نذود بكل جهد وعدةٍ نعتدها
وكيلنا الله ماندور من ورا الله وكلا= وان بانت القوم المغيره نرتكي ونصدها
وان شارفت للموت والعدوان للعين قبلا= نقدم على الموت وجحافيل العدو نحتدها
في حزة الحكمة شيوخ وحزة الجهل جهلا= وجنود باسٍ في الملاقى ماتداري ضدها
ياللي من الفتنه شعم نار الوقيعه واصطلا =جاتك سيوف تطلق الناظر ويقطع حدها
يازمرة الفسق الملاعين الرعاع الثمّلا= وضعى منازيلٍ على الاسلام يزحف مدها
بالحفنه اللي في خنا العثرات صرعى وقتلا= شرذّمةٍ كِبر النقيصه عن هداها لدها
دولة صغارٍ هامله والشعب فيها همّلا =كنها فتاةٍ كل من جاها يقبل خدها
والشله اللي بيننا مرضى وغرضى وعملا= بانت خوافيها وبيّن هزلها من جدها
يالله ياللي فوق عرش الملك بالحكم اعتلا = تكسر عروش الظالمين اليا طغوا وتهدها
دكدك حصون المارقين البايقين ومن علا... =احكم عليهم وطأة سنين العذاب وشدها
من فرط جور الظالمين القلب بالغيظ امتلا= والعبره بصدري تجول آحدها واردها
والهرج وقّف في النحر والدم بعروقي غلى= ياهاجسي بد الخطوب المدلهمه بدها
إلى متى نبقى كذا.. والى متى نخنع.. والى= متى تسيرنا الشعوب وننحكم من بدها
طال المدا وجباهنا تندا من الماقف الا.. =ليت العزايم تنثني ولا يبيّح سدها
ياخادم البيتين منّك لاعدم.. ولا خلا= هذي يميني في رضا رب العباد آمدها
واجدد البيعه واوثقها يابو متعب على= حكم الشريعه تحت رايتها نطبق حدها
حلفٍ على العدوان والبيرق براس المعتلا= الين تقلع عن عداوتنا وترفع يدها
انطح بنا الموت الحمر واضرب بنا فج الخلا= تلقى عزايمنا من الحق بلغت اشُدها
والخاتمه. لا ثم لا. ثم الف لا.. ثم الف لا =إلا الحدود اللي نموت ولا يجاوز..... حدها[/poem]







على الرابطhttp://www.freewebtown.com/smanalhrj/khaled11.rm

ماشاء الله كلامات رائعه وجزله في المعاني
وإلقاء جميل الله لا يضرك

جزاك الله خير في الذود عن رسول الله صلى الله عليه وسلم


بيض الله وجهك ولاهنت


تحيتي لك يالغالي

صح لسانك



يا خالد



عز انها معلقه



ابدعت



بكل ما تعنيه الكلمه



تقبل اعجابي بما كتبت




تحيــــــــــــــــااتي

الاخ العزيز والغالي / أبو عبـــــــــــــــــــدالله الزهيري

بيض الله وجهك على المشاركة والكلام الطيب

ووافي يابو عبدالله

وابطل الله كيد الاعداء

وحسبنا الله ونعم الوكيل


أخوك

أبو صقر الزهيري

صح لساااانك يا خاااااالد


ولا عدمتك


تحياتي

ي والله لا والف لا

كلش ولا نبي الله افضل الخلق
اللهم صلي وسلم عليه

لا هنت يا طويل العمر

صح الله لسانك وعلى الاخرى عانك
قصيدة كايفه
والقاء رائع
بيض الله وجهك

تقبل تحياتي

عبدالله الفهري

بيض الله وجهك يا ابو خباب على القصيدة الطيبة ....
وودنا لو تكرمت تكتب بعض قصائدك القديمة وعلى سبيل المثال لا الحصر ( قصيدة بغداد )