عزتي ... لـ (( ابن شايق )) ...!!
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="none,4,gray" type=0 line=1 align=center use=ex num="0,black"] يا عيوني فيك للعبره مواري = عزتي للمستحي من دم عينه تسعة اشهر جاريه و الدمع جاري = ما بقا يا عين شي(ن) تذخرينه لا درا حي(ن) ولا حي(ن) بداري = يدري اللي عز مكه و المدينه يالله اشرح خاطري عقب الطواري = و ارحم اللي دايم(ن) نفسه حزينه مايبي منصب و لا سوق(ن) تجاري = يطلب انك ترحمه وانك تعينه قاله اللي ما دخل جو(ن) حضاري = تارك (ن)القصر للي مهتوينه ما يبي غير الصحاري و البراري = و النفود اللي بها للصيد عينه في نفود(ن) قفر نقص الاثاري = فوق جيب(ن) لا درج مثل السفينه خبته فيها الارانب و الحباري = عيشتي من دونها غبن وغبينه و رملة(ن) في صيهد ماهي ذواري = و الغضا من عصر فيها حاطبينه و الدلال الصفر مع بيض الغواري = ونجرها في جنبها تسمع دنينه و اخوياي ثنين و الثالث امباري = و هادي السايق عسا تسلم يمينه يا حياة الشين يا دنيا العزاري = ليت عصر فاتني ترجع سنينه اتركوني في الخلا حدب و صحاري = و الله اني قابل(ن) زينه وشينه[/poem] تقبلوا تحيات كوكب زحل |
بارك الله فيك ياكوكب زحل وبارك الله في الشاعر الكبير ابن شايق ونتمنى لو يكون هناك لقاء صحفي مع شاعرنا الكبير كي نعرف اخر اخبارة وكذلك سبب ابتعاده النسبي عن الساحة والله يرعاكم ...
|
و فيك يا بو بساام ...
انقطاع ابن شايق عن ميدان المحاوره اصبح ملحووظ في السنتين الاخيره ..!!!! اتمنى عودته كما كااان ... شاعر عملااااق يجبرنا على التصفيق له ... الف شكر يابو بسااام .. يعطيك الف عااااااااافيه تقبل تحياتي كوكب زحل |
يعطيك العافيه اخوووووي كوكب
وفعلن ابوشنب فقدناه في الاونه الاخيره اخووووووووك ابن عاااااااااااااااصم |
الله يعافيك يابن عاصم ..
اشكرك تقبل تحيات كوكب زحل |
الساعة الآن 06:42 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com