بعض من قصائد شالح بن هدلان رحمه الله
 

[poem=font="Simplified Arabic,5,black,normal,normal" bkcolor="white" bkimage="backgrounds/18.gif" border="none,4,gray" type=0 line=0 align=center use=ex num="0,black"]
ياذيـب أنـا يابـوك حالـي تـردى=وانا عليـك من المواجيـب ياذيـب

تكسب لي اللي لاقـح عقـب عـدا=طويلة النسنـوس حرشـا عراقيـب

تجـر ذيـل مثـل حبـل المعــدا=وتبرى لحيـران صغـار حباحيـب

واشري لك اللي ركضـها ما تقـدا=ما حد لقى فيها عيـوب وعذاريـب

قبا علـى خيـل المعـادي تحـدى=مثل الفهد توثـب عليـهم تواثيـب

أنـا اشهـد انـك باللـوازم تسـدا=وعز الله انك خيـرة الربع بالطيـب

يا للي علـى ذيـب السريـا تعـدا=لو حال من دونه عيـال معاطيـب

ليـث على درب المراجـل مقـدى=ما فيك يا ذيـب السبايـا عذاريـب[/poem]



[poem=font="Simplified Arabic,5,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=0 align=center use=ex num="0,black"]
ما ذكر به حـيٍّ بكـى حـيّ ياذيـب=واليـوم أنا بابكيـك لو كنـت حـيا

ويا ذيب يبكونك هل الفطـر الشيـب=إن لايعتـهم مثـل خيــل المحـيا

وتبكيـك قطعـان عليـها الكواليـب=وشيـال حمـل اللـي يبـون الكفـيا

وتبكيـك وضـح علقوهـا دباديـب=إن رددت مـن يمـة الخـوف عـيا

ويبكيك من صكـت عليـه المغاليـب=إن صاح باعلى الصوت ياهل الحمـيا

ننزل بك الحزم المطـرف لياهيـب=إن رددوهــن نـاقليــن العصـيا

أنا اشهـد انك بيننـا منقـع الطيـب=والطيـب عسـر مطلبـه مـا تهـيا
[/poem]



[poem=font="Simplified Arabic,5,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=0 align=center use=ex num="0,black"]
يا سابقي كثرت علـوم العرب فيـك=علـوم الملـوك من أول ثـم تالـي

لانيـب لا بايـع ولانـي بمهديـك=وأنا اللي استاهـل هـدو كل غالـي

وانتي من الثلث المحرم ولا أعطيـك=وانتي بهـا الدنيـا شريـدة حلالـي

ياما حلى خطوى القلاعـة تباريـك=افرح بها قلـب الصديـق الموالـي

وياما حاى زين النـدا في مواطيـك=في عثعـث توه من الوسـم سالـي

ويا حلو شمشـول من البـدو يتليـك=بقفر به الجـازي تربـى الغزالـي

الخيـر كلـه نابـت في نواصيـك=وادلـه ليا راعيـت زولـك قبالـي

بالضيـق لوجيـه المداريـع نثنيـك=وعجله وريضـه خـلاف التوالـي

حقـك علـي إني من البـر أبديـك=وعلى بدنك الجوخ أحطـه جلالـي

أبيـه عـن بـرد المشاتـي يدفيـك=وبالقيـظ أحطك في نعيـم الظلالـي

يا نافـدا اللي حصلـك من مجانيـك=جابك عقاب الخيـل ذيـب العيالـي

جابك صبى الجواد من كف راعيـك=في ساعة تذهـل عقـول الرجالـي

يـا سابقـي نبـي نبعـد مشاحيـك=والبعـد سلـم مكرميـن السبـالـي

يم الجنـوب وديرتـه ننحـي فيـك=ربـع من الاونـاس قفـر وخالـي
[/poem]
[poem=font="Simplified Arabic,5,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=0 align=center use=ex num="0,black"]
يا ربعنا يا للي على الفطـر الشيـب=عز الله انـه ضـاع منكـم وداعـه

رحتوا على الطوعات مثل العياسيـب=وجيتـوا وخليتـوا لقلبـي بضاعـه

خليتـوا النـادر بـدار الاجـانيـب=وضاقت بي الآفـاق عقـب اتساعـه

تكـدرون لي صافيـات المشاريـب=بالعـون شفت الذل عقب الشجاعـة

ياذيب انا بوصيـك لا تأكـل الذيـب=كم ليلـةٍ عشّـاك عقـب المجاعـة

كم ليلة عشـاك حـرش العراقيـب=وكم شيـخ قـوم كزته لك ذراعـه

كفـه بعدوانـه شنيـع المضاريـب=ويسقي عـدوه بالوغـى سم ساعـه

ويضحك ليا صكت عليـه المغاليـب=ويلكد على جمـع العـدو باندفاعـه

وبيته لجيرانـه يشيـد على الطيـب=وللضيف يبني في طويـل الرفاعـه
جرحي عطيب ولا بقالـي مقاضيـب=وافخت حبل الوصل عقب انقطاعـه

كني بعـد فقـده بحامـي اللّواهيـب=وكني غريـب الـدار مالي جماعـه

من عقب ذيب الخيل عرج مهاليـب=يا هل الرمك ما عاد فيهـن طماعـه

قالو تطيب وقلت وش لون ابا طيـب=وطلبت من عنـد الكريـم الشفاعـه[/poem]

مشكووووووووووووووووووووور اخوي ولاهنت على القصيده وتسلم يمناااك.



اخووووووكم


كحيلاااااااان..

الللللللللللللللللللللللللللللللله لايهينك
 

مشكورر اخوي بنسيون على الموضوع لشيخناا شالح

اخووووووك

ابن عااااصم