شمر والقحطاني
بسم الله الرحمن الرحيم الشاعر ناصر القحطاني (شاعر الأندلس) غني عن التعريف يتميز بسلاسة أفكاره وروحه الصادقة له باع كبير جداً في الساحة الشعرية وكان لـ شمّر نصيب امتدح به شاعرنا حايل وشمّر. الشمس غابت وكــل(ن) دوّر سراجــه والشوق جمّر ما أحرْ الشوق لا جمـــــّر دام إتجاهك شمـــال مودّعك حاجـــه سلّم على حايل وسلّم على شمّــــــر قدامك الخافق اللي ينشد علاجــــــه كنه معــلّـق على بـــرزان ومسمّـر وانت تعرف يا بعد حيــــي من تواجـه بيضان الأفعال لامن الزمن سمّــــــر ان ضاقوا أعنف من البحر ومن أمواجـــه وان راقوا أركد من الخرمان لا عمّــــر كم صيت بيت عـتـق فالباب مزلاجـــه وكم شيخ إمارة قبل تعيينه مومّــــــر وكم حـاتـمـي تكفيْ فلّـة حـجاجــه وشلون للضيف لو عن ساعده شمّــــر؟ وان مر تاريــخــهـم متلبس(ن) تاجـه كم عاشق(ن) كيف وكم حاكم زمّــــر في جو أغلى على الرجلي ليا داجـــــه من ديرة السادس ومن ديرة معمّـــــر كنه ليـــا اهدى له البرّاق ثجاجــــه طلّة غرير(ن) ضحك ومن الخجل حمّـــر تــوارثــوا حـرثه وتمتـير ديـباجــه ركّابه الجيب من ركابه الضمّــــــر الود لا غرس بدري صعب مخراجـــــه والله ولا الذ وأحلى منه لا ثمّـــــــر أدخل على اللي تطوف البيت حجاجــــه من ناقص(ن) عن مدح الغير يتذمّــــر والمدح لو كان في الرديان للصـاجــــه ويقال عمّر بلد بالعون ما عمّــــــر والذم لو زاد في الطـيـّب تــولاجـــه لا احرق ولا اغرق ولا عمّر ولا دمّـــر ما ني بمتحسف بشعري على حاجـــــه إلا اني اروح ما غنيت في شمّـــــــر |
[7la1=FFFF00]صح والله لسانك ياناصر وصح لسانك يا الاشهب
وبيض الله وجهك على المشاركة تقبل مني اصدق التحايا[/7la1] |
الله لا يهينك اخوي الا شهب وشمررررر يستاهلون المدح واكثر
وصح لساااان شاعر الا ندلس اخوووووووووك ابن عاااااااااااصم |
الله لا يهينك ياخوي الأشهب على المشاركة الطيبة
واما ناصر القحطاني مافيه كلام وصح لسانة |
صح لسان ناصر و شمر تستاهل المدح ومشكور يا الاشهب على المشاركة الطيبه أخوك بندر بن محمد |
مشكووووووووووووووور يالأشهب
وصح لسااااااااااااااااااان شاعر الأندلس الشاعر ناصر القحطاني وشمر يستاهلون المدح |
الساعة الآن 10:38 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com