شبكة قحطان - مجالس قحطان - منتديات قحطان - مقتطفات جديده من شعر فلاح القرقاح

[frame="7 80"]

اخواني الكرام اخترت لكم مقتطفات من شعر النظم للشاعرنا الكبير فلاح القرقاح
و القرقاح اسم ليس غريب على الشعر والتميّز فحضوره الرائع دائما ابقاه في ذاكرة
الكثيرين من محبيه ومتابعيه علم من اعلام الشعر في الخليج العربي اطلق عليه عدد
من الالقاب ولكن ابومحمد اكبر من جميع الالقاب شاعر فخر وشاعر حماس ومن بيت
معروف بالشعر والرجوله وجمع النظم والمحاوره وموضوعي هذا يختص بشعر النظم اخترت بعض الابيات
في قصائده النظم امل انني وفقت في الاختيار

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

بعَد عام كامل لا اتصالٍ ولا مرسول = توك جايني تنشد عن الحال ذا الحزه
ما شا الله عليك اشتقت لي عقب رد الحول = عز الله العزيز انء عشرتك ما لها مزه
لا جا الحب على طول جا البغض على طول = وانا مكءرمٍ عن عرءف شرواك ومنزه
توكل على الله واضرب الارض عرض وطول = هذا اتلى العهَد لو عروة القلب منجزه
لكن اعتبرني عندك موظفٍ مفصول = ولاّ عدّني معَ اهل اريحا واهل غزه
وانا بعتبرءك خزانةٍ بابها مقفول = واعدك خريشٍ فز والفزه الفزه[/poem]

وهنا شاعر الوطن يكتب للوطن

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
اللهم احفظ ولاة الأمر من الشتات = واكفنا شر الفتن والزلازل والمحن
في بلاد ضمت اشرف بشر ومقدسات = والصحابة جالهم فوقها رمي وطعن
مهبط الوحي السماوي ومهد المكرمات = لايبنى فيها كنيسة ولايعبد وثن
ياملكنا وجهك ابيض وعهدك منجزات = وكل قلب فيه لك درب وفراش وسكن
للرعيه ماتهنا عيونك بالمبات = تفرح اليا فرح شعبك وتحزن لاحزن
الله يديمك تحقق جميع الامنيات = الرخا والعدل والرفق باسمك مقترن
معك سلطان النواميس راعي الطايلات = من تحزم بابوخالد له العز انضمن
فيصلي لاتعزوا لحل المعظلات = طحن حب اللي بعد راسه ما انطحن
انتو اهل المجد واهل العلوم الغانمات = تفرقون اسوام الأمداح الى غلي الثمن
تفرضون الواقع وتصنعون المعجزات =وآمرين بالفرايض وبإتمام السنن
العرب من شاطي النيل الى شاطي الفرات = ومن ضواحي نقرة الشام الى بطن اليمن
شلتوا عنهم مايكود الجبال الراسيات = ومن بغى منهم يسوي سواياكم حرن
الكريم اللي بفضله تتم الصالحات = عانكم وانجاكم من التخاذل والوهن
النصيب اللي يجيب الركاب محملات = ماهو بمثل المسدس اليا شحن انشحن
اقرب من دموع الأيتام ودموع البنات = وأبعد من اللي يتجور في آل سعود وزبن[/poem]

دعوة صادقة فلاح القرقاح

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يا مهيمن.. يا مسيطر.. يا قادر.. يا متين = يا مُتعالي .. يا قابض.. يا باسط .. يا صمد
اللهم احفظ بلادي بلاد الحرمين =واحفظ الشعب السعودي وقائدنا فهد[/poem]

أصبح الجوال ساحة للنشر والمحاورات من خلال الرسائل المكتوبة وأحيانا يكون بين
ما يتداول فيها من أبيات جدير بالقراءة والاطلاع . وهذا ما دعانا لتخصيص هذه الزاوية .
المرسل : مجهول

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
( الجيب ) و( البلجيك ) ومعرّب الخال =تنجيك لا ضاقت عليك الوســـــــــيعه

الرد : فلاح القرقاح=

والله ما ينجيك لا حدّك الجـــــــال =الا العزيز اللي عباده تطـــــــــيعـه
امّا الرجال انء عوّدت فزعة رجـال = ترثة( سعود ) محكّمين الشريعة[/poem]

وهنا الشعر الصادق

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
أثر المرض جرّته حـمرا وقـلبه غـلـيض = فاليوم الاسود يسل السيف لهل البياض
مامور منهي لكن أنشـهد انه حظيض = يرقى الجبال المنيفات الـــطوال الــعـراض
اختار نايف يبي العليا ما يبغا الحضيض = شعاه برقٍ عـلى روس المـشاريـف نـاض
لو نقدر نحول دونه مات من غاب غيض = والحاضر اسرج حــصانه والـوعد فــالرياض
نايف ليا دقته شوكة غدا الوسـم قيض = ضـحاه مـن غبـرته لا شـافه الـعجـل راض
نايف ليا غــاب صـار الـكون وجهٍ بـغيض = وقـام الـعـجاج يتـركّز فـوق خـضر الـفـياض
نايف غلا فالمشاعر والـمشاعر تفيض = نــهرٍ وروده مــا تنهـل بـالــدلـي والحياض
نايف مـبيد الـمصـايب تـلءد ولا تبـيض = طـب الـقلوب الـصخيفه واـلقلوب الـغلاض
نـايف ونـايف ونـايف مـا لنـايف عـويض = لا جـا للاحـداث فبـطون اللـيالي مـخـاض
إعـداد ما يمتلي العد المحيل ويفيض = مـن مـزنةٍ جـالها مـن الارتـفـاع انـخـفاض
لك الثنا يا جليل الملك طاب الـمريض = تبارك اسـمك وحـكمك مــا عـليه اعتراض[/poem]

لرجال الامن نصيب من قصائد ابومحمدوقصيده ضد الارهاب

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يارجال الأمن في ظلكم كلٍ ومن =انتم حماة الوطن في صباح وفي مساء
جعل راس لاطمن راس غيره ماطمن =ايحيا ويدوم في لين ولا في قسى
ما عليكم خوف من مرجفين اخر زمن =من تسمى منهم بنصرة الحق يخسى
عاصي الله من قاتل الذمي ومن =احترف هدم المباني وترميل النساء
قدموا الارواح ما دامت الجنة ثمن =دون دار بالنواميس والعز اكتسى [/poem]
الرفق وملازيم الرفق[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا رفيقي لا تضيّع ملازيم الرفَق = تمّها مثل الرجاجيل ولاّ خلّها
رحْت تجعل في طريقي على الغفله نفق =وأنا اشيّد لك قصورٍ يظلّل ظلها
الوجيه البِيض لا راق ماها واندفق = دفـْنها في لحُود سُود القبور اجمل لها
يا الله انّا في حجاياك من قلّ الوفق = كلها جات بسهوله وراحت كلها[/poem]

فلاح القرقاح يرثي عمه المغفور له بإذن الله سعيد بن محمد القرقاح
الذي انتقل الى جوار ربه

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
الله يحْسن عزانا في راعي الدوحه = ويقبل دُعا اهْل الفقيده والمعزيني
الكبد كنـْها بحَدّ المُوس مفذوحه = والعين تدمع بدمٍّ من شراييني
عليك يا ابو محمد مبْعِد الشـَوحه = أعَـز عَمٍّ حزن فرقاه كاويني
قرقاحي ٍ وافي ٍ ما تقصر شبوحه =فيه النقا والكرم والخلـْق والدِّيني
بيبان بيته نهار وليل مفتوحه = طبيعةٍ ثابته فالعسر والليني
يؤثرعوانيه ورْبوعه على روحه = لو حَدّه الوقت يقضي الدَّين بالدَّيني
زلاتهم قبل يعْتذرون مدموحه = لا يرخص المقبيلن وْلا المقفـّيني
يسعى لمصلوح غيره قبل مصلوحه = ويسبق على الروضه جْموع المصليني
يمسح دموع اليتيم ويضـْمد جروحه = ويُوصي عياله بـ ( عبد الله ) ويُوصِيني
وهذيك مشريّه وهذيك مذبوحه = أما لضيـفان والاّ مستحقيني
انا لهالحين اشوفه واسمع مزوحه = من وين ما سرْت ليْهو ذا يباريني
كن الزياره لا جيت ابغيه مسموحه = وانا ادري انّ الثرى من بينه وبيني
بيشدّ ( عونان ) لـ ( غبيره ومنفوحه ) = ومعروفه مْن القدَم للراس كاسيني
حتى لو انّ الشهاده فيه مجروحه = ماني بناسيه لين أوسَّد يْميني
عليه ورْق الحمام انوح معْ نوحه = طلـْق النبا والمحيّا والحجاجَيني
راح وقبل ما تصير الرَوحَه الرَوحه =خلاّ لي دروع وسيوفٍ تجرِّيني
اخواني اللي ولـّدهم تكبر مْدُوحه = نسَبْهم اكحَل به عْيون المعاديني
أنا سنـَدهـم لا باع النوخذه لوحه =وهُم مخلبي بين الاجناب وجَناحَيني
قصرٍ بـ ساسه وباسـواره وبسْطوحه =عز وفخر جعْلها مـا تفقده عيني[/poem]

المخدرات "آفة العصر " ترمي بمتعاطيها الى مهالك الردى .. فلاح القرقاح كتب هذه القصيدة المعبرة
بعد أن وجد نفسه في أحد الأيام أمام ضحية من ضحايا هذه الآفة وهو يضطر لبيع بعض حاجياته
بأبخس قيمة في سبيل البقاء في نفق المخدرات

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
لك المشتكى يا رب من ضيقةٍ فالبال =ضحاها غبَر وعءصَيرها مظلم ٍ حالك
لها مخرج ٍ واحد وخمسة عشر مدخال = في بيتٍ به المستاجر يضايق المالك
سببها سواياك أنت يا راعي الجوال =عسى الله يليّن قلبك ويصلح أحوالك
تعذّر بعذر ٍ ما يعَذّر على ايّة حال = وانا ادري وش اللي حدّك تبيع جوالك
تبي تشتري لك عقدةٍ ما لها حلال = من نجءي منها يعتبر ناجي ٍ هالك
تقول البحَر مالح لكنّ العطش قتـّال =وانا اقول مفتاح الضياع انت وامثالك
رحء لظلمةٍ ما للنشاما بها مدهال = معَك ناس في نفس النفـَق ما انت بلحالك
ظلال المخدِّر فالحقيقه مهُوب ظلال = لو انه ينومس ما جهَل عَمّك وخالك
يخليك تشـءري من يبيعك برُبع ريال = ويحَطـّمءك لين تقوم تجفل من ظلالك
لو يورّدك بحبال ويصدّرك بحبال = يلبّسك ثوبٍ خامه أسءود من عقالك
مصِيرك لو انك من رجالٍ عيال رجال =تضيّع شرفـءك ودِينك ومرءزق عيالك[/poem]

لم يكن الأمر سهلاً بالنسبة لنا لنحصل على هذه الغزلية العذبة من القرقاح الذي عوّدنا
على قصائده في جميع أبواب الشعر باستثناء الغزل , شكل مختلف لتواصل القرقاح مع متابعيه.

. [poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يا نسيم الليل سلّم لي على اللي ما نسيته = وبلّغه شوقي وبشّرني لعله ما نساني
واهنيّك يوم تاصل ديرته وتمرّ بيته = أما انا شفقٍ على شوفه وحاديني زماني
ما أبغي الا اللي لامن غيره بغاني ما بغيته =أشري اللي باعني لجله وابيع اللي شراني
فاطمٍ قلبي على حبه وحُب حيّه وميَته = كن ما غيره على قيد الحياة انسان ثاني
وانء بغيت الصبر والسلوان دونه ما قويته =صورته في عيوني الثنتين واسمه في لساني[/poem]

وله مع الاسهم كلام ثاني

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
وهامور الاموال وش عاد يتلفتله=امتص دم الضعوف وجاتله عاده
مادام هذا غلاها عاده شتله =اكيد لاجاء ثمرها غليت زياده
ياليت والله فلوسه عن ابن ختله =ماجد مطور طريب وباني امجاده
شيخ ليا احتاج ابن عمه وصوتله =ايواعده ويحضر قدام ميعاده[/poem]

وقصيده مجلس المغتاب

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

لا جيت لك في مجلس فيه مغتاب = سوالفه خلف المقفى شنيعه

اما ابذل لتغييرت المنكر اسباب = دافع عن الطيب بما تستطيعه

والا اخذ لك فنجال واخرج مع الباب = نزه جنابك وارض ربي وسيعه

هل تعلم ان اهل التنابز بالالقاب= بين الاخوان يسببون القطيعه

والناقص اللي للعراقيب شذاب= غير جبل ولا تغير طبيعه

تلقاه نمام لا ودى ولا جاب= وان صار له فرصه خذاها ذريعه

والا حسود مفترى والا كذاب = ما يعجبه صيف الزمان وربيعه

لا عجز عن وقفات عطران الاشناب= اهل الفعايل والنفوس الرفيعه

جالس عسى الله يكرم السامع اذناب= زلايب تستقبل اللي يذيعه

وطعن وعذرب في الاسامي ولنساب = وحاول يحط بكل طيب هزيعه

ما يدري ان ما دون عين الله حجاب= وصكات دورات الليالي سريعه

الحق يأتي له بعد حين طلاب = اليوم والا الصبح والا تبيعه

والرابح اللي لا ذكر زلته تاب = لا خالف سلوم ولا خالف شريعه[/poem]

وهنا قوله في الجنوب
[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
الرعد والبرق والغيم وانسام الهبوب = والمزون اللي تشوق العيون نصوبها
ساقها الرحمن من كل حدب وكل صوب = والتقت من فوق قمة عسير دروبها
نطحت السحب الركامية جبال الجنوب = وفي سماها ذابت جنوبها في جنوبها
الشوامخ لبست الثلج والماء لبس ثوب= والسهول استقبلت ضيفها باسلوبها
الارض صارت تحت زخم النوامي والعشوب = جادلٍ صبحية العيد تلبس ثوبها
عيطموس وبنت شيخٍ معنز ومحسوب= فتنةٍ من ناصيتها الى عرقوبها[/poem]

قبل ثلاثين عام والمدرسه

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

يا سيدي قبل تقريبا ثلاثين عام=سقت اول خطاي بين البيت والمدرسة
ودرست كل الكلام اللي عليه الكلام= في الفقه والجبر والتفسير والهندسة
قريت سيرة رسول الله خير الانام=وادركت ليش الوطن يستاهل نقدسه
وعرفت كيف انتصر عبدالعزيز الامام=ووحد وطنا ولم اشتاته وسيسه
وزميلي اصبح مثالي في الادب والنظام=يهتم في كتبه ويهتم في ملبسه
اللي من اول يشيل مسدسه في الحزام=صار قلمه محزمه وكتابه مسدسه
الطالب اكرم بعلم وتربيه واهتمام=والحر يفرح به الصقار لا قرنسه[/poem]

هنا وصف رائع

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
بريةٍ ما طب في السوق نوعها= بهارها غالي وحالي قدوعها
خيرة ثمار الباسقات المشمرخة = خضر الجريد اللي طوال فروعها
عز الله ان فنجالها يبعد الخوا = وهاذي مواطنها وهاذي ربوعها [/poem]

وقصيده الي جمهوره

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياعظيم(ن) كل ما قال كن للشي كــــــــــان=فوق ظهر البر والا تحت بطن البحــــــــر
بين غلطات الجوارح وسقطات اللســــــان= خوفنا من قلت الزاد ومن طول السفــــــر
أنت غافر ذنب من تاب وأنت المستعــــان =عفوك يوم تكور الشمس وينشق القمــــر
يالقويفل ودي أصدر لجمهوري بيــــــــان =وزعه في كل موقع شعر من غير أمـــــر
وحط له في كل صفحة يابومسفر مكـــــان =وثبته بالصوت والصورة أكثر من شهــر
فيه بيت للهواجر يردد من زمـــــــــــــــان =من ورا تثليث والفيض لبقيق وقطــــــــر
قال فيه الشاعر اللي صهل مثل الحصـــان =لا زعزع قحطان قمنا نحذف بالغتــــــــــر
والسلوم اللي بنوها وسيعين البطـــــــــان =منهل(ن) لكبار وصغار وشيوح وجبـــــر
نطلت شماغي بيمناي لطوال اليمــــــــــان =طالت(ن) لوجيه ربعي وناموس وفخــــر
جملوني بين الأجناب صبيان قحطـــــــــان =قلت خل الروس تدجر ويضربها الصطــر
واقحطان إن زانوا زيان وإن شانوا شيـان =وإن داعى الداعي غدو جن في هيئة بشر[/poem]

وهذه ابيات وجهها ابومحمد للشاعر مضواح بن شتوي الحبابي

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
لاصرت للهاجوس من ضمن الأسرى = وصار القدم حفيان والـرأس حاسـر
وخذابـك التفكيـر غبشـه ومسـرى =وجاء الحظ من عقب التيامن تياسـر
ترى الرجال اثنيـن يمنـى ويسـرى = وللطيب في عيال الحمايـل مكاسـر
ارتك على اللّي لا غشى اليسر عسرى = يشبه لمضواح الحبـاب أبـو ياسـر
يملك مقاليد الشـرف ملـك كسـرى = وابيّن من ابن قويـد بيـن الدواسـر
الله يقـول أن مـع العسـر يسـرى = والخاسر اللي مـن كرامتـه خاسـر
اتعب ترى المعراج من بعد الاسـرى = واختر سلاحك تنقلـه وانـت جاسـر[/poem][/frame]