{المال كم ساس طمان وعلاه}
 

هذه القصيده للشاعر حمد هادي المسردي رحمه الله يقول فيها:

ياالله ياللي بيدك العز والجاه

ياللي لخلات المخاليق رافي

يا من خلل عبدك ليابان ترفاه

يا عالم غاية خفا كل خافي

الطف بحال اللي تبهذل بدنياه

وداج بجميع انحا النحايا وطافي

يطرد ورا حظ عليك انت مشهاه

لا شك شاف من الزمان اختلافي

من كثر ماله ساروا الناس برضاه

ولو كان ناقص قالو الناس وافي

ومن قل مابيده ترا الناس تشناه

لو كان يسقيهم عسل قنط صافي

فالمال كم ساس طمان وعلاه

والفقر كم حطم روابع سنافي

لا شك ما للعبد عن حكم مولاه

من خير ولا شر والرب كافي

ما كتب للمخلوق لا بد يلقاه

اما هزايم شر ولا عوافــــــي

وسلامــــــــــــــــــتكــــــــــــــــــم


اخوكم ذيب الغداري

ارررررررررحب يا ذيب الغداري

ولاهنت طال عمرك على هالقصيده للشاعر حمد المسردي رحمة الله عليه

كما أحب أن ألّفت الإنتباه الى ان هالموضوع خاص بالمجالس الأدبيه

تنبيه للإداره

شكرا لك يالغالي

أخوك فارس الشواطي

شكرالك يا الذيب على اختيارك الموفق في القصائد الكفو من شاعر كفو لانك كفو تحياتي

اخوي ذيب الغداري

شكرا لك على هذي المشاركه المميزه لحمد هادي

بس تراك حستنا حوس :)
كل شوي حاط لك قصيده في قسم
لكونك سامع كلام ابن الأروق :) وتبي تصير من مثيري الشغب :)

لاهنت ياذيب الغداري على هذه القصيدة للشاعر المرحوم إن شاء الله

وبالمناسبة تروا عندي قصائد كثيرة للشاعر حمد بن هادي وأيضا عندي عن نشأته وسيرته وحياته

حيث أني مهتم في هذا الشاعر -رحمه الله- وسوف أنشر كل مالدي قريبا إن شاء الله

ولكن اصبروا علينا شوي لاتستعجلون على رزقكم

(في التأني السلامة وفي العجلة الندامة)

رد : {المال كم ساس طمان وعلاه}
 

هذا قصيد الحكم والذي يظهر من تعبير صادق ومن رجل مجرب الحلو والمر الله يرحمه