شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مجلس المحاورات المنقوله والصوتيه (https://www.qahtaan.com/vb/forumdisplay.php?f=42)
-   -   محاورة مثيرة بين مرزوق المقاطي وجهز المسعري (https://www.qahtaan.com/vb/showthread.php?t=46003)

حسن مسرع الدوسري 17-09-2008 03:08 PM

محاورة مثيرة بين مرزوق المقاطي وجهز المسعري
 
محاورة مثيرة بين مرزوق المقاطي وجهز المسعري



نقدم لكم محاورة جميلة ومثيرة للغاية بين الشاعرين مرزوق المقاطي وجهز المسعري



جهز المسعري




بسم ال زايد وتغالب صلـب جـدي ماتهـون
يامرحبـا ترحيبـتـن بعتيـبـه وشعـارهـا

انا على مرزوق امون وهو علي دايـم يمـون
وبسئلـه عـن العلـوم اطوالهـا وقصارهـا




مرزوق المقاطي


دام البقـا يااصحابنـا يالله عساكـم تسلمـون
يا طيبكم و الطيبه من حـض مـن يختارهـا

حومر بعينك يا جهز قـدام حمـران العيـون
واعرف تميز في الـدروب يمينهـا ويسارهـا




جهز المسعري



لوخوفي اصحابي عتيبه من علومي يزعلـون
بقول انا ايدت الجزيره فـي جميـع اخبارهـا

حنا الرجال الي على اخير الهقاوي وضنـون
والناس مانجهـل فعايلهـا وطيـب اذكارهـا





مرزوق المقاطي




أصحابك العتبان في كـل المواقـف يفعلـون
مير انت ساويت الضيوف اكبارها و صغارها

لا تنطح اللي له قرون ان كان ما عندك قرون
ترى قنـوات الجزيـره عارفيـن اسرارهـا





جهز المسعري



نعم ن بكم لاكن يجوز امن الفعايـل تنكـرون
دام الجنايـز حامـي ن فالمقـبـره قبـارهـا

اصبر وماف القدر بالملاس يطلـع فصحـون
والفتنه اللي نايمـه ملعـون رجـل ن ثارهـا




مرزوق المقاطي




نحسب اعيال الظهور و كثرو عيـال البطـون
واللي يعيش مـع النصـارا يقتـدي بافكارهـا

طاحت سنون الذيب لو تقدر تركب له سنـون
ترا الخطر كله على راعي الغنـم و حمارهـا




جهز المسعري



يصحابنا اللي كل يومـا ترحلـون اوتنزلـون
لاتحسبون الارض لارجعت يمـوت اغبارهـا

مالعب في الأسهم يكون اللي بسوقـه يلعبـون
اتجـارة ن لاعـادهـا ربــي ولاتجـارهـا




مرزوق المقاطي



يالمسعري تدري ان عز الروس من عز المتون
الواجب انـك كـل لحيـه عارفـن مقدارهـا

اليا جلبت البايره ما انته بلاقـن لـك زبـون
السـوق غالـي والسلـع تقييمهـا باسعارهـا

علي بن مسفرالحبابي 17-09-2008 10:43 PM

رد : محاورة مثيرة بين مرزوق المقاطي وجهز المسعري
 
ياسلام ياسلام


شعراء مميزين جدا وطاروق رائع جدا استمتعت يقراءته


لاهنت ياحسن وبيض الله وجهك


الساعة الآن 10:40 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com