الشاعر / ناصر بن عوض
 

[poem=font="Simplified Arabic,7,black,normal,normal" bkcolor="transparent" bkimage="backgrounds/17.gif" border="groove,7,gray" type=2 line=0 align=center use=ex num="0,black"]
يا جعل عين(ن) ما بكت دمعها دم = ساعة فراق أهل الطنا والعزاوي
تبلى بظيم يسمسم الحال وتسم = ويبلش بعلتها الطبيب المداوي
قدلي ثمان أشهور مهتم مغتم = في ديرتي لاكن كني جلاوي
وجدي على وقت مضا مع بني تم = السربة اللي فوق فوق الهقاوي
إعيال عود ما تملق ولا نم = وإليا غوى الغاوي يقول أنت غاوي
ون قال أبو عائض وعضد وعزم = ما دون رايه رأي مهما تقاوي
الله يغفر له ويحسن ويرحم = عز الله إنه كان نجم سماوي
من عقبها يا بايع الهم من كم = مالي عليك شروط لا صرت ناوي
بعني ونا بسقيك من صافي الجم = شربة ضما يشفق لها كل راوي[/poem]

رد على الشاعر / ناصر بن عوض
 

[poem=font="Simplified Arabic,6,black,normal,normal" bkcolor="transparent" bkimage="backgrounds/17.gif" border="groove,6,gray" type=2 line=0 align=center use=ex num="0,black"]
إمجار يا عين(ن) بكت دمعها هم = تبكي فراق اللي له القلب هاوي
لا هو طرب ولا من الحب مغّرم = والله يكفينا جميع البلاوي
من بعدها يا هاجسي هات وسلم = انته شريك الرآي ماني غناوي
هيضني اللي بالتماثيل مهتم = سعد الرفيق إليا حضر ف الدعاوي
وخوانه اللي للعدو مر علقم = يبطي مريض وداخل الجوف لاوي
إعيال عود لا حضر ثم تكلم = هرجه سمين ما يعرف الملاوي
ون جا المجالس رحبو ثم تقدم = يبدا به الفنجال شقر القهاوي
عساه في الجنه من الله يكّرم = يا رب تغفر له وترحم وتاوي
يا بو عوض يفداك رجل(ن) تلثم = خوف(ن) يجيه الضيف للبيت ضاوي
يا ناصر إن كانك على الوعد عزم = سجة نفس في روض بر(ن) خلاوي
ونجهز الفكسآر والجيب لقطم = ونلبسك يالشيخ بشت حساوي[/poem]

صح لسان ابو عوض وصح لسان ابو دشن


والله يغفر لشيبان
ابو مسفر
وابو عائض

وجعل مقرهم جنات النعيم


تقبل اخلص تحيه من
عبدالله المهداني

مشـــــــــــــــــكور


اخــــــــــــــــــــوي


معيض الله لايهينك على النقل


وصحت السنت الشعار

الله لا يهينكم وصح الله السنتكم وعسى الله يجبر مصيبت كل مسلم ويجبر بخاطره

(((( عز الله الربيع الفى ويبغاله طلعة بر والفكسار لازم يحمى ويكون جاهز للانطلاق))))
لا هنت يابو دشن على النقل الرائع


أخوكم ابن زميع

شكراً لكل من شاركنا هذا الموضوع
 

[frame="7 80"]أولاً أحب أنوه عن هذا الشاعر العملاق والكبير / ناصر بن عوض وأنا مجرد مجاراة لهذا الشاعر وهو غني عن التعريف كما أنني استفدت من امكانياته الشعرية القليل من كثيراً 0
ثانياً أحب اشكرٍ أبن عمي عبد الله المهداني ابن الوحش كفؤ وقول وفعل 0
ثالثاً أحب اشكر فارس قحطان والنعم فيك ولاعدمناك يافارس قحطان0
رابعاً أحب اشكر فتى الجوه على مشاعره الطيبه وصاحب الأخلاق والذوق في مراسلاته 0
خامساً أحب اشكر أخوى ابن زميع على مواصلته ومراسلته لنا لوفاءه وأخلاصه وأقول سوف اراسلك إنشاء الله قريب
وتقبلوا خالص تحياتي وتقديري [/frame]

مشكور اخوي معيض يعطيك العافيه
لاهنت يابودشن لاهنت على هذا النقل

معيض بن دشن

بيض الله وجهك وصح الله لسانك يالقرم

صوت وصدى ولا احلى مع شعار كبار

وابوعوض كفو وشاعر كبير وانت كذلك امتعتنا وفقك الله واياه ونحن جميعا

تقبل خالص تحيتي

صح السانك يا معيض وصح السان ناصر