أخوي إللي مايعرف ألصقر .

أشكرك على إطرائك ونأمل أن نكون عند حسن ألظن .

وتقبل تحيات أخوك أبو سعود

..

مع العلم إنه يوجد تسجيل صوتي ( بإعتقادي بصوت إن جروان يرحمه الله ) كنت قد إستمعت له

لاهنت يا غنام بن هادي
 

والقصيدة كاملة ينخا قحطان

قصيدة محمد بن جروان القحطاني:


يا راكب اللي يرهج الجو حسها************ويهز سطح الأرض قو اشتغالها

اسبق من البارود زوعة وفرة*****************مثل السهم لامر سرعة خيالها

طيارة من صنع جرمل مردت******************تشدي نزير رعود مزن خيالها

تمشي وتلفي لي مقادم قبايلي***********وخص قحطان باسمهم لاسوالها

يلزمك من بين الحصاتين تنزل**************جنوبي الدنيا والاخرى شمالها

ارفع بصوتك وانخ فيه القبايل***************تاتيك قوم تخلفك باجتهالها

لامن لفوا منكل في وجانب******************مثل الاسود الزايره باحتمالها

نب العيال الطيبين بذكرهم****************خص الشيوخ وعم باقي رجالها

انخ الجحادر واثنهم بالنخوه*****************ازهم قبايلنا وصح في جالها

تاتيك جبعان المحازم كنهم********************سيل تحدر من فروع جبالها

تشبع بوردتهم سباع جايعه****************تشبع وترجع بالعشاء لعيالها

وانخ الحباب حزامنا لاثارت العدا**********ربع نهار الضيق تشاف افعالها

ان جا لدخان الذخاير شوبه*******************ترهم جلايبها وترهم جمالها

وازهم عبيده كلهم وشيوخهم****************دروعنا اللي ملتجي بظلالها

هم ربعنا اللي يرهب الحف جمعهم*********وان ثارت الهيجا مشوا بظلالها

وانخوا بني هاجر مقابيس البلا*************ترهم يجون لمثل ذي وامثالها

لامن نخاهم واحد من ضده*********************ماتطاوع الشاير ولا عذالها

تعجبك وردتهم الى جا الازم******************لامن زبر جمع العدو واقبالها

قل تكفون ياقحطان وش ذا السكته**********اقطع رجال ماتشاف افعالها

عيالكم بالسجن تندب بالثرا********************تنخا هل العادات واعزتالها

نعم يابن فيصل الى جا مجاله*****************ماذكر غيره واحد ارتكـالها

يستاهل البيضا ويستاهل الثنا***************وذي جابة حــق علينا مقالها

ترا الجبال الشاهقة ياربعنا****************من دون داخلها يعــــدي جالها

وبناتكم ما تنوخذ لابرتوا*****************وعيب قبال الخلق ضــــم عيالها

لا عاد ما للرجال يدرا هيبه*************تسقط منازلها وينزل جــــــــــلالها

رحنا نبي العيشة وستر اعراضنا*********وعيالنا نبغي نســــــد احوالها

واقلب على شمر وتلقى لابه************تــــرخص ذاراريها وترخص حالها

خيار القبايل طيبين السمعه*************سباع الفرايس ما احـــــد يحتالها

تلفون ابن جبرين في ديرة له**********عيد الركايب اللي تواما حــــبالها

هو مقدم الفضلان لاضبضب السما*********لاضيعت خلج العشاير عيـــالها

فاليا سمحتوا من مورث ملبس************ وقال الامور الكايدات انا لهـــا

فانخوا لنا الجربان لاجيت حيهم**********اللــــــي يذكر بالقدايم افعالها

اللي ليا عدو شيوخ القبايل*************لاوصلت الجربــــان ياقف جدالها

وانخوا لنا ابن اشريم وانخوا بن علي ******هم مزبن اللي من بعيد عنالها

ياسعد منهم باللوازم حزامه**************في ساعة لامن بـــــــطل عذالها

وانخوا لنا التمياط وانخ الطواله**********وانخوا لنا الوجعان حامي ثقالها

وانخ اللغيصم كلهم وانخ ربعهم*********قل تكفون يالعصلان هذا مــجالها

وانخ ابن حسان راع الحويقه***********له قردتا يسطي بها حين شــــالها

انخ الطنايا كلهم بالجمله**************تاتي لك الشيــــــــاب قبل اعيالها

مالي على الاجواد حق لازم************الا بشيمات الـــــــــــعرب وامثالها

نخيتهم جار الزمان وظامني***********ولا غيرهم لي حيلة بــــــــاحتالها

انخ السويط مخضبة جرد النمش*******شيوخ الظفير مزبنة مــــــن عنالها

خيالة القروى هل الباس القوي********اللي قضت في جارها من عيــالها

وانخوا ابن حلاف وانخ قبايلة*********ستر العذارا حين ترمـــــي شيالها

خيال قطعان تزايد جفيلة**************لازاد من حس السبـــــــايا جفالها

له عاده ينزل الى زرفل الدبش*********ما احد من الظفران قبلــــة نالها

لاصاح في جمع الخضور ترايعوا*******ردوا كمــــا سيل حدته ارمالها

دنيا كفا الله شرها غدارة**************كم علقت من غافــــــل اغلالها

جوارة بوارة مكارة*******************مثل الذي خانت شرفهــا بخالها

خان وجفانا الوقت صار بضدنا*******وما كتب للنفس الشقية ينـــــالها

حريمنا لاحل طاري ذكرنا*************صاحت وغير الويل ترمــي دلالها

ماكن لنا في نجد يذكر عشيرة********عزاه يانــــــــفس دناها كمالها

نخيت انا الاجناب مما سطابي**********نار توقد بالضــــمير اشتعالها

يا الله ياللي حكمة النصر بيده*********هون قضيتنا وحل اشكالــــها

السلام عليكم ورحمة الله وبركاته :
مشكور ين يااخوان والله لايهينكم
لكن اطلب من الله ثم منكم قصيدة ابن جروان في الشاعر الدوسري ارسلها له بعد قصيدة الدوسري يسب ابن جروان ومن ضمن الابيات حقت ابن جروان
يالدوسري لارحم ابو جدانك ............ نسيت الجزلاء ويوم (ن) فيها
.................................................. ... وابن قويد قبلك علته بكلاه
والقصيده اطول من كذا وهي مشهوره ارجو التكمله اذا كان احد يعرف . هذا والله يحفظكم

لاهنت
كتبت فأجدت كما عهدناك

بسم الله الرحمن الرحيم السلام عليكم ورحمة الله وبركاته
اولا اشكر الشيخ عقاب المسعودي وابنه محمد على هذا التوثيق ونشر مثل هذه القصص الواقعيه واشكر الاخ غانم بن هادي وفق الله الجميع والحقيقه شي يشرف ويرفع بالراس وتقبلوا تحياتي

قصه مؤثره وشعر جميل

ومواقف رجوله

تحياتي

اخي غانم بيض الله وجهك وجه السامعين كما اتمنى منك ان تزوره وتطلب منه القصائدالتي قالها في غار المضيبيع وكذالك قصيدة حينا طلب منه ان يترشيح للعموديه كذلك رده علي الشخص الذي سب في العصيده وقصتها وقصائد في السجن مع ابن جروان وبعد خروجه علما باني علي اتم استعداد للتوصل معه والتسنيق بينكم للمقابله كما انني اشره علي الاخوان المشاركين علي ردودهم التي تخلاو من الشكر لى والدهم واخوهم عقاب ابن خالد المسعود علمآ بأنه غني عن الشكر لانه كنجم الساطع في السماء وكل الجبل الرسي ثابتآ في مكانه فلاولا الله ثم هوا لما ستمتعتم بهذه القصه ولم تعرف الحقيقه على واجهها الكامل ولكم اجمل التحيه